سؤال محيرني في القير العادي ؟؟

[جامعي مووون]

السلام عليكم
شباب انا يمكن ليا 8 شهور تقريبا وانا اسوق يعني والحمدلله ربي وفقني وطلعت كورلا 2007 مطور بس الين اليوم حاس نفسي مو ذيك الدرجه في سواقة العادي بس السؤال الي محيرني
يعني الحين لمن تحط الخامس وانت ماشي 80 نفس لمن تحط الخامس وانت ماشي 120 ولا في فرق ؟

انشاءلله يكون السؤال واضح وارجو الافاده

[مجنووون كورولا]

لا يطيب مافي فرق انا مجربه احط الخامس وانا ماشي 80 ولا
ياثر في السياره والافضل الانها سياره جديده اسأل الصيانه هذي نصيحه
مني اذا بتحافظ على السيارة ..... ولله يعطيك خيرها ويكفيك شرها ....

[كورولا تلعب]

في فرق الافضل انك تحط الخامس وانت ماشي على 90الى 100 هذا الافضل والله يعطيك خيرها ويكفيك شرها

[المكيانيكي]

غير الخامس بعد 100 اوفر للبانزين

[جامعي مووون]

شكرا
على ردودكم الحلوه ونصايحكم وانا في الحقيقه من يوم ماشريت السياره اوانا احط الخامس في 80
وشكرا
تمت الافاده

[عمر العبدالعزيز]

اللي اشوفه انه مناسب انك تحطه على الخامس عند 80
مع العلم اني ما احطه على الخامس الاعند 100 تقريبا

[الكرولا الفضي]

الفرق يكون بتسارع السياره

[هلالي شقراوي]

مبرووووووووووووك الله يطعمك خيرها ويكفيك شرها ما فيه فرق واريح للموتر اذا ماحنيت عليه بس بعدين يطلع مافيه عزم

[الحلم الحقيقي]

اقول فلها واحتلها بس

[جامعي مووون]

من جد ياشباب وربي امس طلعت الهدا بالسياره وربي حاس السياره مافيها عزم مرررره يعني واحد معاه كرولا نفس الموديل 2007 المطور ماشين بنفس الخط وانا حاط الخامس وماشي 110 قد ماادعس بنزين السرعه ماتزيد بس بعد فتره تقريبا دقيقه طبعا بعد ماراح صاحبنا صاحب الكورلا الي يتحدى معي بدت السرعه تزيد وصلت الين 180 بس بعد كذا ياشباب وربي حاسيت دواسة البنزين نزلت زياده على تحت خلاص كنت جايب 200 بس وربي خفت رفعت رجولي حتى في الطلعات ياشباب يعني ادعس الاول خلاص اعطي السياره الثاني احس ان السياره اشوي وتوقف في الطلعه ارجع اردها في الاول واطلع السياره ع الاول يعني احرق امها على الاول بس انا خايف ان السياره فيها شيء يعني انا رايح اوديها للشركه بعد 5000 واقولهم ع الي صار في الطلعات واذا احد عنده ملاحظه او اي شيء يرد علي

[ولــد طيبـــه]

الله يعينك

وانا مستني نفس موديلك يجيني بعد يومين

بس هذي أولها مافي عزم

الله يكون بالعون

[جامعي مووون]

لا ياولد طيبه يعني انا مااقول هذا الكلام من شان اخليك تخاف من الكورلا الكورلا سياره معروفها ومااحد يقدر يقول عنها شيء يعني سياره عائليه وسياره شبابيه في نفس الوقت بس انا ملاحظ ان سيارتي بالاخص مافيها عزم يمكن علشانها جديده او ماهي متعوده على دعس او طلعات يعني على قولتهم مافكت بكارتها
وشكرا

[نافيقون]

كل ماتريح الموتر أفضل