[هاتدوس]

السلام عليكم كيف الحال يا اخوان

انتشرت اشاعة ان الانقطاع عن الصيانة يلغيها وهذا كلام باطل وغير صحيح
انا رحت صيانتين وانقطعت اربع صيانات وصدمت بالسيارة وسمكرتها برى ورحت للشركة وسويت صيانة قبل اسبوع عادي بدون مشاكل حتى ولا سأل عن الصيانات السابقة وتغيري للزيت اربع مرات برى

شي طبيعي ان الصيانة تستمر لانهم يبون ياكلون وهالمرة رحت لهم عشان ارفع الانوار واشد البريك

وانصحكم نصيحة لوجه الله لا تروحون للصيانة لان السيارة اول سنة جديدة ما راح تطلب الا بعد خمس سنوات او اكثر من عشر اذا الله باركلك فيها
شفلك بنشر محترم وعامل نظيف خله يغير الزيت ويفك السيفون لان فكة السيفون قوية شوي

في صيانات مهمه ارجع للكاتلوج الصفحات الاخيرة لان فيه صيانات تغيير زيت الجربكس وتغيير السيور هذي ممكن تسويها مع الصيانه او بدونها عند الشركة

اما طريقة التاكد من الصيانة مثلا وديت السيارة تبيهم يبدلون اماكن الكفرات ويغيرون سيور و و ... الخ
الطريقة بسيطة اشتر قلم بوية يباع في المكتبات وضع نقطة صغيرة على الكفرات في اماكن متفرقة عشان تميز بينها وضع نقط على السيور والحاجات الي تبي تغيرها وبكذا تقدر تعرف بكل بساطة انهم غيروا القطعة ام لا :d <== ليش الضحكة ما تطلع يا مشرفين ؟

[ابوعبودي]

الله يعطيك العافيه وكلام سليم
وانا عن نفسي اخر صيانه كانت 5000

[ابوفيصل]

اخوي المشكلة مو انهم يسولوك صيانة او لا بعد الانقطاع

طبعا ما راح يمانعون لانهم مستفيدين

لكن المشكلة لو السيارة صار فيها مشكلة في المكينة او القير مثلا

وانت ما سويت ولا صيانة عندهم ، هل راح يصلحولك السيارة على الضمان

او يقولوك انت منت مواضب على الصيانة وتصلحهاعلى حسابك

لان كتيب الضمان مكتوب فيه

ان مالك السيارة مطالب بما يثبت التزامه بالصيانة الدورية للاستفادة من الضمان

تحياتي لك

[هاتدوس]

المشاركة الأصلية كتبت بواسطة ابوفيصل

اخوي المشكلة مو انهم يسولوك صيانة او لا بعد الانقطاع

طبعا ما راح يمانعون لانهم مستفيدين

لكن المشكلة لو السيارة صار فيها مشكلة في المكينة او القير مثلا

وانت ما سويت ولا صيانة عندهم ، هل راح يصلحولك السيارة على الضمان

او يقولوك انت منت مواضب على الصيانة وتصلحهاعلى حسابك

لان كتيب الضمان مكتوب فيه

ان مالك السيارة مطالب بما يثبت التزامه بالصيانة الدورية للاستفادة من الضمان

تحياتي لك

شكرا اخي فيصل على التوضيح وشوف ان السيارة فيها خطأ مصنعي ومشكلة اكيد راح يبان في الخمسة الاف الاولى
اما اجلس ادفعلهم الوف الريالات عشان يضمنولي الجربكس والسيارة جديدة فهذا تضييع اموال
لو فيهم خير يخلون الصيانة بعد الخمسة الاف وهذا شي مستحيل لانهم ما راح يكسبون لان السيارة في البداية ما راح يكون فيها اعطال ولكن بعد خمس او سبع او عشر سنوات تبدا الاعطال حسب استخدام الشخص

خلاصة الكلام لا تقرصيني يا نحلة ولا ابغالك عسل
وبالعربي لا تقرصيني يا نحلة ولا اريد منك عسلاً خخخخخخخخخخخخخ

ما راح نسوي صيانة ولا نبغى ضمانكم والسيارة جديدة بقراطيسها

[وااوأفالون]

رايح بالك إلي خلاك تدفع فوق 100000 ماتدفع حق الصيانه

الإنتظام على الصيانه مهم بالنسبه لي حتى وقت للبيع لها قيمة سياره

[ابوفيصل]

المشاركة الأصلية كتبت بواسطة وااوأفالون

رايح بالك إلي خلاك تدفع فوق 100000 ماتدفع حق الصيانه

الإنتظام على الصيانه مهم بالنسبه لي حتى وقت للبيع لها قيمة سياره

كلامك عين العقل اخوي وااوافالون

وبالنسبو للي مشتري الضمان الممتد مثل حالتي

لابد من الانتظام على الصيانة

مافيها كلام

والله يعين الجميع

[& ابو فارس &]

المشكلة كما قال ابو فيصل ماهي في انهم يسون لك صيانة او لا

المشلة فيما لو تعرضت السيارة لعطل لاقدر الله



اما بالنسبة للضمان


فانا كلمت أحد مندوبي المبيعات وأكد لي على ان الضمان مرتبط ارتباط تام بالصيانة الدورية

وعندنا وثيقة موقعة من الغرفة التجارية بهذا الخصوص

وما يحتاج أزيد على كلام اخوانا واو افالون وابو فيصل

[المكيانيكي]

عدم الانتظام في الصيانة الدورية لا يلغي الضمان العام على السيارة
توضيح بخصوص ضمان سيارات تويوتا من المركز الرئيسي بجدة

[انا عزوز]

عند شراء السيارة لم نوقع على اتفاقية بداخلها بوليصة (Policy) تنص على التزام الشخص الدوري بالصيانه
يعني لو تفلسفو عليك تخاطب الشركة الام مباشرة

اخي "الميكانيكي" بالنسبه لموضوعك لو اصاب السيارة عطل تصنيعي والشركه بررت العطل بعدم الانتظام !!
هنا المشكلة ياعزيزي - خبرك عارف الوكاله وذمتهم -

[بورغد]

والله أ نا ماشي على كلام كتيب المالك مضبوط وماعلي من كلام الوكاله وخرابيطهم

[المكيانيكي]

اخوي انا عزوز لايمكن ذلك لان كل شي يكون واضح هل هو من اهمال الزبون او خراب تصنيعي
لان اهمال الزبون تكون باشياء محدودة ومعروفة كلها فحمات واشياء استهلاكية فقط لا غير
اما الاعطال الاخرى تكون تصنيعية
اعرف قصة حصلت لصديق كان مشتري كامري 2003 اول ما طلع هذا الشكل
وبعد ما مشت السيارة 11 الف طاحت عنده مراوح التبريد على القزوز مع العلم انه لم يكن يعرف شي عن الصيانة الدورية ولم يذهب اليهم
ودها للوكالة قالو هذا عيب مصنعي وبنغيرها وفعلا غيروها ولا قالوا له ليش ما انتظمت بالصيانة ولا شي ولا جابوا له طاري
بس مع الاسف بعض موظفين استقبال الصيانة عندهم هذا المبدا وهو تخويف الزبون وكل هذا عشان جمع اكبر قدر من المبالغ بغير وجه حق خصوصا بصيانة 10000 فما فوق هذا كله عشان نسبتهم تزيد

[هاتدوس]

جزاك الله خير اخي الميكانيكي على التوضيح

ولا زلت اقول واكرر الصيانة كلام فاضي والي عنده فلوس زايده يسوي صيانة وليتها على شي يستاهل
لانه بصراحة ثبت عندي من اكثر من مصدر انها خرطي وكلام فاضي وهذي وجهة نظري وكل واحد له وجهه نظره وهو حر وان شخصيا صار لي موقف معهم انهم اتلفوا قطعة في السيارة ووسخوا السيارة من الداخل وهذا احد اسباب مقاطعتي للصيانة والسلام عليكم

[سلطان سعد]

مشكورة اختي

[الكنق]

كلام صحيح 100%

بس ابغى اسالك عن رفع الانوار رفعوها لك عادي ولا لا

لانهم ماوافقو يرفعونها لي ويقلون الكتروني ومن هل خرابيط

[وااوأفالون]

أخوي الكنق الإنوار ترتفع عايدي صح هي إلكترونيه بس يقدر يرفعها لك بدون مشاكل

[الحـ(درب)ـب]

ياخي الصيانه ضرورية بوجهة نظري
اقل شي انهم يشبكو السيارة بالكمبيوتر ويطلع كل شي فيها تقريبا (( من قوة صبابات / والدوائر الإلكترونية اللي بسرعه تخترب بأي سيارة كانت )) وهاي حصلت وياي بفحص 30.000
غيرو غطع الكترونيه على حسابهم ولقيتها بالأشياء اللي تم تغييرها
وسألتهم عليها قالو هذي على حسابنا


وبالنسبة لطريقة رفع الإنوار
لاترووح الوكاله ولاتتعب نفسك
طريقة رفع الأنوار الإمامية للأفالون واللكزس (( الزينون ))
هذا الرابط بيفيدك

وتقبل مروري