[جيم بوي]

عندي vxr4 فل كامل موديل 2006 ودي أبيعه وبس ما أدري كم يسوى علما بأن الموتر ماشي 28000 ألف فقط
لكن الموتر للأمانه صار له حادث بسيط وسمكرت الرفرف الأيسر وغيرت الصدام الامامي جديد من الوكاله والشمعه اليسرى وفيه أيضا صدمه بسيطة في الصدام الخلفي
بعد كل هالصراحة ودي من واحد خبير يقولي كم يسوى اليوم لاني بصراحه بياع

[ابودايخ]

ان شاء الله الشباب يفيدونك

[بدر البيان]

المشاركة الأصلية كتبت بواسطة جيم بوي

عندي vxr4 فل كامل موديل 2006 ودي أبيعه وبس ما أدري كم يسوى علما بأن الموتر ماشي 28000 ألف فقط

بين 150000
و160000
والله اعلم

ارجو عدم الاعتماد على كلامي انما تو قع من خلال المعارض

[ولد ناصر]

حياك الله ابوي

والله يرزقك كل خير

اما قسمه الموتر ..ممشاه حلو بالحيل ماشاء الله

واهنيك على امانتك وصدقك بخصوص التغييرات

وسعره تقريبا 140 الف يمكن تزيد شوي او تنقص شوي بس حولها

وهناك فرق اذا كان خليجي او سعودي

[جيم بوي]

الموتر سعوي وارد عبد اللطيف جميل بس أنا شاريه بـــــ 206 آلاف وشلون ينزل إلى 140 أو 160 ألف وهو جديد ما بعد مشى والمعروف أن الاند كروزر شيك يعني يمسك سعره وللمعلومية لون السيارة أبيض لؤلؤي فل كامل بجميع المواصفات قارمن Dvd كل شي باللمس

[إحساس خالد]

يالغالي الهدد 2007 سعر وصل حول الميه وخمسين بالقصيم !

اعرف واحد بمعارض النسيم يقول اللاندكروزر مرغوووووووب اللي موديلاته (2005 ،2006 ،2007)

الطلب أكثر من العرض < < < طفره والاسعار فووووووووووووق فوووووووووق

[جيم بوي]

طيب الله يعطيك العافيه ودي تدلني على راعي معرض يخاف الله أو تعطيني رقمه لاني بصراحه ناوي أبيعه هاليومين وشكرا لك

[م.عبدالله]

لا تنس يا خوي انه مسمكر...

ترى سعر النظيف 175000 الى 180000

[يمك دروبي]

المشاركة الأصلية كتبت بواسطة جيم بوي

طيب الله يعطيك العافيه ودي تدلني على راعي معرض يخاف الله أو تعطيني رقمه لاني بصراحه ناوي أبيعه هاليومين وشكرا لك

هلا اخوي بصراحة اشكرك على امانتك
انا ماودي ابخس سعر موترك لكن هذي الحقيقة
قبل اسبوعين او ثلاثة حصلت نفس مواصفات موترك وماشي 50 الف تقريبا واللون فضي حاااااااااده ب160 الف ولا احد شراه يعني ب158 يمكن يبيع

فما بالك اخي الكريم بموترك وهو مسمكر


وانا ياعزيزي ادور جيب فإذا بتبيع انا شراي وجاد ان شاء الله اسوم 148 الف

انتظر ردك يالغالي

[جوجوماجوجو]

راجع الخاص ياجيم بوي