[ولد ناصر]

السلام عليكم ورحمه الله وبركاته

كيف حالكم جميعا

اخواني عندي استفسار

انا عندي جيب جكسار 2005 وودي اغير شكله الى 2007

بحيث اغير الاسطبات الاماميه مع الشبك والخلفيه والخطوط الجانبيه

كم قيمة التكلفه

ارجوا المساعده

دمتم بخير

[الزقم]

تقريبا 3500

بس نصيحتي لا تلعب بموترك خله على حله ( طبيعته)

[ولد ناصر]

اخوي الزقم حياك ربي

كلامك صحيح بس الوحد حبا للتجديد

والقطع الاصليه راح تكون موجوده في حال البيع ارجاع كل شي بمكانه


بس قولة اني ابغير الشكل

[بوشهاب]

إذا كان كل شي أصلي
بيكلفك تقريبا 7000

بس الافضل تخليه شد بلاده

[الزاهدان]

نصييحه لاتلعب خليه شد بلد انت حر

[ابو لجين]

اخوي انا في رايي تخليه زي ماهو

[الكدادي]

والله نصيحتي غير
احسن لك وخلكم ياشباب من انصار التجديد

[أبو ارين]

والله مافيه احلا من الشي مثل ماهو نصيحتي لك لاتغير فيه شي

[بدر البيان]

اخوي انا في رايي
لا تلعب بالسيارة وخا صة اذا الانوار والشبك لامع وليس مرمل

[أبوحمد]

غير بقطع أصلية , ولا تتعب نفس بالفك حتى عند البيع .

وشكل 2007 أطلق وبيعطي موترك رزه .

[استرجاعها]

Wallah Akoy Hool 7000 Nafs Ma Gal Akoy
Boshab
Laken Itha Tabi Tgayer Motarik Le 2007
Gayer Kil Shey Il Dawasat Bad Alshan Feeh Iktilaf Bein Dawasat 2005 We 2006 Fel Dawasat
We Il Istbaat We Il Leitiat Ili Gidam Ma Il Shabak Laken Kil Shey Asli Ahsan Ama Itha Il Motar Shakleh Gdeed La Tgyaer

[صمت المساء]

الاخ : ولد ناصر . . . . . . . . تحيه طيبه
بالنسبة لتغيير الواجهه للاندكروزر 2005 الى موديل 2007 يترتب عليك تغيير اشياء
كثيرة طبعا انا اتكلم من واقع تجربه لان كان عندي نفس موديل سيارتك ولما رحت للوكاله عشان اغير الواجهه والخلفيه اخبروني بحاجات كثيره لازم تتغير مثل القاعده الموجوده فوق الصدام الامامي لان مقاس الانوار والشبك لموديل 2005 يختلف عن مقاس 2007 وقواعد كثيره طلبوا مني اغيرها
وبالنسبه للتكلفه للواجهه الاماميه على ما اذكر تقريبا 5400 ريال
وتقبل مروري وتحياتي

[ولد ناصر]

اشكر الجميع على النصيحه والرد

انا موتري صراحه ماشاء الله اخو الجديد

موديل 2005 وماشي 40 الف كم

وكل 6 شهور ادخله زيبارت تلميع وتغليف مراتب ورش ضد الصدأ

بس قصه التغيير قلت من باب التجديد وتغيير الروتين ..

بس بعض الردود اعدلتني عن التغيير

<*****يقتنع بسرعه

قبل فتره كنت عند محل زينه شار علي اني اغير وقال ان فيه ورش بالرياض ترهمه بـ 3000 ريال مع الرجيع يعني ياخذ قطعي الاصليه ويركب لي قطع اصليه وازيده 3000 ريال

وش رايكم ؟

[قـاصـد]

ياشين اللقافة ياخي إذا أنت غيرت من 2005 إلى 2007 بكل سهولة أيش تستفيد الوكالة
<*****<ترا أمزح

[ولد الاكرام ...]

السلام عليكم ورحمة الله وبركاتة ...

انا من ناحيتي اقولك حلو حلو وفوق الحلو ال2007

لكن حاسب من موضوع محلاااااااااات الزينه تراهم اكثريتهم كذابين السياره تقريبا بتكلفك من ال7000 الى ال7500 ريالاذا بتغير كل القطع اصليه وهم يقولون لك 3000 عشان ياخذون القطع الاصلية اللي عندك ويعطونك قطع تشوفها والله ماتفرق بين الاصليه وبينها نهائيا وبالذات الانوار الاماميه تغبر بسرعه والخطوط نصيحتي خذ كل شي من الوكاله اضمن لك ... والله يعطيك خير الموتر ويكفيك شره انشاء الله ...

[الشقردي الأول]

يا شين الفسقه يا الغالي إذا انت ناوي تغير فيه وتلعب يا أخي خذ سيارتي vxr96 وعطني سيارك
هههههههههههههههههه

[تــ تيربوــــون]

انا موتري اطلق من موتر الشقردي

لانه موتري اسود وموتره ابيض خخخخخخخخخخخخخ

على العموم يا اخوي

ترى الموضوع جدا سهل وما يبى له شي

اشتر الليتات والاسطابات اللي ورى والشبك الامامي والخطوط وكان الله غفور رحيم....

ولا يبى له لا تغيير قواعد ولا هم يحزنون....

ورح اقرب محل زينه وبيركب لك الاغراض وانت واقف يمكن ياخذ موترك ساعه بالكثير الا وهو 2007..

هذا وسلامتك


اما التكلفه فما اعرف.... اذا بتعطيني فرصه استفسر لك

واذا عندك فرصه او احد تعرفه بيروح الامارات وانا اخوك عطه الفلوس وخله يجيب الاغراض معه


هذا وسلامتك