[ابو سعود 686]

السلام عليكم ورحمة الله وبركاته

لاخواني اصحاب الكورولات 1.3

لا يلعبون عليكم اصحاب المشاحم

الكورولا 1.3

الزيت بدون سيفون 3 علب

مع السيفون 3.3 ثلاث وثلث

اصحاب المشاحم يقولون بدون سيفون ثلث وربع مع السيفون ثلاث ونصف

علشان يحسبها عليك اربع علب

هذا خطيييير على المكينه مع الوقت يطلع تهريبات بصدر المكينه مما يضطرك

لفك راس المكينه وتغيير الوجيه

ولا يهمك كلام الوكاله

ولتتاكد اذا غيرت الزيت اذا بردت السيارة عاير الزيت لا يتعدى الشبك الموجود على عصا العيار

مو حرف f الشبك يعني المربعات

وشكرا

[و ك ك]

يعطيك العافية

بس افضل شي انك تغير الزيت في الوكاله كل 5000 كيلو عشان الضمان

[ابو سعود 686]

مشكور اخوي و ك ك على مرورك

لاكن انا صاير معي موقف موقفين من الوكاله

دخلت الكورولا لتشييك 10000 ب 310 ريال

يوم طلعت السيارة وعايرت الزيت من بكره الصباح لقيته زايد

رحت لمشحمة سيارات ونقصت نصف علبة زبط العيار وانا مغيره بالوكالة

وموقف ثاني مع الوكالة عند تشييك 1000 حطوا لي خدش على الباب وعلى الصدام الخلفي

وهم الوكالة ووش قالو لي بعد المهاوشات تبي نرش الباب والصدام قلت ابي جديد قالو لي لا

ولا سويت شي خليتهم يلمعون المخش بس حرام ارش السيارة وهي ماشيه 1000 كم

وعموما الضمان ساري حتى لو ما جيت تشيك بمعنى لو طلع خراب رح لمهم وقل فيه المشكله الفلانيه

ورح يصلحونه مثلي طلع مشكله بالفرامل ورحت لمهم وصلحوها

لاكن يومين وترجع المشكله طفشت وخليته ورحت لورشه بالصناعية

[كل النجوم]

نصيحتي لكم أنكم تراقبون أصحاب الورش أثناء تغيير الزيت وتأكدو من كميته ونوعيته وأبتعدوا عن الوكالة قدر المستطاع لأن عمالهم مثل وجوههم وإذا أرتم تغيير الزيت غيروه في الورشة أو البنشري وراقبوه جيدا ودلعوه وقولوا له إنت أحسن مهندس وإشتروا له ببسي أو كوكاكولا حتى يشتغل صح أنا أمزح وشكرا

[نسكافيه]

حسب ماهو مدون في كتلوج السيارة سواء كانت السيارة 1.3 او 1.8 هو كالآتي

بدون سيفون 3.4 لتر

بالسيفون 3.7 لتر

وشكرا

[الكرولا الفضي]

يعطيكم العافيه على المعلومات

[ابو سعود 686]

مشكورين اخواني

كل النجوم **************************** وصحيح ما قلت لانهم يمكن يغيرون نوعية الزيت ايضا .

نسكافية ******************************** تختلف الكورولا 1.3 عن1.8 وتاكد من الكاتلوج مكينة 1.3 اسمها 2nz-ef
اما مكينة ال1.8 فهي 1nz-ef ولا يهمك الكتلوج تأكد من العيار هو الاهم .

نورت الموضوع الكورولا الفضي

[علي بن عايض]

مشكور الف الف الف شكر يا اخوي ( ابو سعود العتيبي )
جزاك الله خير على هذا الموضوع المهم و اللي لازم نستفيد منه
و صح لسانك عيال الحرام كثرو ذي الايام و لازم الانسان ياخذ باله منهم علشان لا يضحكون عليه
نسأل الله ان يجنبنا الغشاشين ............. بالتوفيق

[ولــد طيبـــه]

ماقصرت يالغالي

يعطيك العافيه

[ابو سعود 686]

هلا وسهلا علي بن عايض ولا شكر على واجب

نورت الموضوع ولد طيبة

[خفايا انسان]

تســــــــــــــــــــلم على التحذير

[المكيانيكي]

ابو سعود كلامك صحيح وعين العقل بس وين اللي يسمع
الوكالة تمشي على كمية الزيت المقررة في كتيب السيارة وهذا خطاء لان المقدار الموضح في كتيب السيارة هو تصفية كاملة واعادة تعبئة والحقيقة انك اذانزلت الزيت من المكينة ما يطلع كل اللي فيها لازم يبقى شي فيها عشان كذا لازم تنزل من الكمية اللي مكتوبة في كتيب السيارة عشان يكون المعيار صحيح
على فكرة لو كان ناقص الزيت بمقدار 100 او 200 ملي اذا بدلته ما فيه ضرر على المكينة الضرر يكمن في الزيادة لانها تضهر على شكل تهريبات على وجيه المكينة من زيادة الزيت

[الجبل الشامخ]

المشاركة الأصلية كتبت بواسطة ابو سعودالعتيبي

مشكور اخوي و ك ك على مرورك

لاكن انا صاير معي موقف موقفين من الوكاله

دخلت الكورولا لتشييك 10000 ب 310 ريال

يوم طلعت السيارة وعايرت الزيت من بكره الصباح لقيته زايد

رحت لمشحمة سيارات ونقصت نصف علبة زبط العيار وانا مغيره بالوكالة

وموقف ثاني مع الوكالة عند تشييك 1000 حطوا لي خدش على الباب وعلى الصدام الخلفي

وهم الوكالة ووش قالو لي بعد المهاوشات تبي نرش الباب والصدام قلت ابي جديد قالو لي لا

ولا سويت شي خليتهم يلمعون المخش بس حرام ارش السيارة وهي ماشيه 1000 كم

وعموما الضمان ساري حتى لو ما جيت تشيك بمعنى لو طلع خراب رح لمهم وقل فيه المشكله الفلانيه

ورح يصلحونه مثلي طلع مشكله بالفرامل ورحت لمهم وصلحوها

لاكن يومين وترجع المشكله طفشت وخليته ورحت لورشه بالصناعية

اسمع يا خوي
هم ماعندهم مشكلة يصلحون لك الي تبي
لكن الفرامل ما يشملها الضمان يعني على حسابك
وبعدين لا سمح الله صار فيه مشكلة بالمكينة او القير راح تكون على حسابك حتى اذا كان الضمان ما خلص
إلا اذا كنت مواظب على الصبانة عندهم
يعني اذا كلفت 5000ريال تدفع ولا تكون على حسابهم افضل؟؟؟؟

[ابو سعود 686]

اسعدني مروركم

خفايا انسان ******** الله يستر عليك

الميكانيكي ******** نورت الموضوع وصدقت نقص الزيت ولا زيادته

الجبل الشامخ ******** هلا وسهلا لاكن مافيه انصب من وكالة ابو جميل

وشـــــــــــــــكـــــــــــــــراً