[سلاطين اس اس]

بسم الله الرحمن الرحيم
السلام عليكم ورحمة الله وبركاته
شباب انا ابغى اشتري سياره ومحتار بين
كابريس ss2008 وبين لومينا ss2008
ومحتار من فين اخذ السياره
من التوكيلات ولامن الجميح ولا من بالبيد
لان كل شركه فيها مواصفات
لو سمحتوا في اسرع وقت
لانو بدي اطلع السياره في خلال اسبوع
ودمتم

[سلاطين اس اس]

شباب بليز بسرعه

[سلاطين اس اس]

يا شباب من امس الين اليوم محد قدر يرد على الموضوع ...
ولا مو من مستواكم هذه السيارات

[اخر الليل]

والله شوف حبيبي أنا ما أنصحك نهائيآ تآخذ لا الكابرس ولا اللومينا ولا أي أمريكي حتي
لأن أخوك إكتوي منها كم مرة (لايمسك سعر وخذ خرابات خصوصآ في ذا الجو الباريسي)
لاكن إذا أنت رجال لابد تآخذ واحد منهن فإسمع :
يجب الأخذ بالإعتبار أن كلهم رياضية وقوية لاكن المقارنة ستكون علي اللمسات الأكثر حدة (وشرايك بالفلسفة )
1- الشكل والهيبة خصوصآ للجديد فهو لصالح الكابريس
2- القوة والعزم (بسبب الخفة) لصالح اللومينا
3- يجب إختيار اللون المناسب لكل سيارة (من ناحيتي اللون الأبيض للكابريس والأسود للومينا ) وإن ماكان فل ( جلد وفتحة وزينون واللازم منه ) فمالة طعم.
وأرجع أقول فكر وإستخر وما أنصحك بالأمريكي لأن أخوك حياتة كانت بين الكوابرس واللومينات وماشفت خير أبد من ورشة لورشة إلا إن كانت لك حاجة في نفس يعقوب.
بالتوفيق

[المهذب]

مع إني ما أنصحك فيها الثنتين
لكن أشوف الكابرس أحلى
واللكزس Es والأفالون أميز منها بكثير
لكن شكلك راعي مسابقات مو عن اقتناع بتشتري السياره
وما اقدر انصحك بالوكالات لأنها اسوأ من بعض
اسأل مجرب كان عندي لومينا وأكابر وأقول "لومينا لا تلومينا"
وما لمت نفسي الا بعد ما شريتها
لكن من مزاياها إنك تعرف الصناعيه شبر شبر

[سلاطين اس اس]

مشكورين يا شباب على الردود

شكلي هونت وبسعرها اخذ لكزس es350

شكله افضل

وربنا يكتب الي فيه الخير

[بوشهاب]

ونعم الراي ياسلاطين اس اس
اللكزس شيخة السيارات
أسأل مجرب وماراح تندم
ومبروك مقدماً الله يعطيك خيرها ويكفيك شرها

[علي بن عايض]

اختيار جيد و موفق يا اخ سلاطين الف الف الف مبروك
لكزس معروفة بحبها للناس و الناس تحبها
على العموم الله يهنيك فيها و يعطيك خيرها و يكفيك شرها و تقبل مروري
بالتوفيق ان شاء الله