[احلى واحد انا]

السلام عليكم

ياخوان انا سيارتي مشت 4000 كيلو

وقريب بتوصل 5 وبدخلها الصيانة

عندي ملاحظات عن السيارة انه مرات لمى اكون ماشي 140 او اكثر وابي اهدي

مرات مو على طول احس بهزة بالسيارة من الأمام وينتفض معاي الدركسون

ما احس فيها إلا انا السواق او يمكن اللي معاي يحس فيها

مدري وش السبب

كلمت الموظف من اول مامشت 1000 وشوي عن هذه الملاحظة قالي لاتخاف جيبها صيانة الـ 5000

ويمكن يكون خرب مصنعي واحنا نعدلك اياه على حسابنا

تتوقعون وش المشكلة فحمات هوبات ولا وزن اذرعة ولا ترصيص من هالخرابيط <***** تراني مافهم بهالأشياء بس قاد اصفف لكم الأسامي اللي اعرفها

الحين صيانة الـ 5 الاف مجانية ولا بفلوس؟

وآسفين على الإزعاج

ادري طولت عليكم

[حياة_التميز]

هلا والله اخوي


صيانة 5000 مجانية بس عليك سعر الزيت و الفلتر تقريبا راح يأخذون منك 120 ريال و لا تزيد ريال عليها و صيانة 10000 راح ياخذون 320 و صيانة 15000 راح ياخذون 120

بالنسبة للمشكلة والله اسمع كثير شباب في المنتدى يتكلمون عنها بس ما واجهتني الحمد لله بس اكيد اخونا الميكانيكي عنده جواب كافي باذن الله

[ابن الحرمين]

طيب هم قالوا لك تعال وبنحلها

رح لهم وشف وش بيسوون

وانتهينا

لو انك رحت لهم وباقيه المشكله كان ممكن احد يفيدك

بس انت مالاساس مارحت لهم

فلاتقلق حالك رح وعلمنا

[دقات قلب]

اخوي احلى واحد

الصيانة مرة عليك ومرة عليهم

5 عليك و5 عليهم

5 الاف الان عليهم .. بس تدفع حق الزيت

بالنسبة للرجة .. ماهي موجودة عندي بالرغم من حفر مكة وجدة

[ابوفيصل]

اخوي احلى اتوقع انها نفس المشكلة اللي تصير بالافالون والله اعلم

وهي مشكلة الهوبات والفحمات اللي تنمسح بسرعة

وسببها انك تدوس فرامل بقوة وانت مسرع

واذا تبي تتأكد حاول تشوف تشوف سطح الهوبات اذا كان ملمسها ناعم فالمشكلة من الفحمات بس

اما اذا كان الملمس خشن وفيه تعرج يعني الهوبات يبيلها مسح

عالعموم في جميع الاحوال سيارتك جديدة ولاتشيل هم اي مشكلة يصلحوها على الضمان

ان شاء الله يكون توقعي خاطئ وتكون المشكلة ابسط من كذا وتنحل

تحياتي لك

[احلى واحد انا]

مشكورين على المرور

لكن اخوي فيصل والله انا مادوس بريك بقوة ابد

يعني بعطيك مثال على سواقتي الإشارة بعيدة اقوم اهدي ومرات استخدم القير العادي لتخفيف السرعة

هذه المشكلة ملاحظها قبل الألف والله

وعلمتهم ولا سووا شي ...!!

والله اللي اتوقعه انا شي من خرابيط البريك خربان ولا انتبهوله وسلمولي السيارة ..!!

لكن انا بنشبلهم في صيانة الـ 5000

[مروني]

أن شاء الله تكون مشكلة بسيطة لا يضيق صدرك ....

[!!!]

نصيحه لاتطلعها من الصيانه الا والمشكله قاضيه يعني لا تستعجل عليها