السلام عليكم ورحمة الله وبركاته 
البعير : السلام عليكم ...
- المواطن : وعليكم السلام...
- البعير : ياخوي ماتعرف المستشفى التخصصي...؟؟
- المواطن : إلا تحصله بعد أسواق هايبر بنده على اليمين؟؟
- البعير : لا هذا حقكم....أبغى حقنا المستشفى التخصصي؟؟؟
- المواطن : مستشفى حقكم !!!
البعير : إيه حقنا يخوي...وشفيك طارت عيونك..
- المواطن : عندكم مستشفى يالبعارين...
- البعير : إيه عندنا وش فيك حاقرنا...
- المواطن : لا والله.....بس غريبة.....
- البعير : ماغريبة إلا ....السنام...
- المواطن : مستشفى وتخصصي بعد.....
- البعير : إيه....إن شاء الله بعد فترة....بيصير عندنا نادي ترفيهي....فيه سوانا وحمام بخار....ونتدرب حديد...بعد..
المواطن : سلامات وش المشكلة...
- البعير : تعرف بعد المشاكل إللي صارت في وادي الدواسر وجيزان...وعلى فكرة..جبت معي بعض المواطنيين حقين الوادي المتصدع خلهم يكشفون عليهم...خلني آخذ فيه أجر...
- المواطن : كيف المستشفى؟؟
- البعير : على كيف كيفك....
-المواطن : فيه أسرة متوفرة عندكم...؟؟ يعني على طول تحصلون سرير..
- البعير : يخوي...الأسرة متوفرة....بس إنت قل يامرض...الاسعاف عند (( المراح حقك))....حتى لو بغيت نقاهة وسعة صدر متوفرة..
- المواطن : يخوي الأسرة عندنا.....عليها طق عصي....بعض المرات نستخدم قوقل سرير....عشان نفتش على سرير....في مستشفى ....
تصدق مرة...مرض أبوي....في الرياض.....وياله حصلنا له سرير....في عرعر......
المواطن : طيب المواعيد كيف عندكم..؟؟
- البعير : أما المواعيد....مثل جدول الجامعة أيام العز....حط المواعيد إللي على كيفك...حتى لو تبغى تحط موعد....عشان تجي وتحط موعد ما عندهم مانع....يعني موعد في موعدين...
- المواطن : يخوي البعير....ياعزتيلنا......المواعيد عندنا بالسنة الضوئية.....
-يعني الواحد عندنا.....يدخل المشفى....ويعطونه موعد.....في المشفى الجديد....إللي ناوين يبنونه السنة الجاية.....
لا وبعضهم إذا مرضت أنت....يعطيك...موعد....ويقولك : اكتبه في الوصية....عشان الورثة يستفيدون منه.....
- البعير : الله هالدرجة عاااااااد....
- المواطن : على طاري.....عاد.....واحد من قوم عاااااد....معطينه الشميسي...موعد توه يوصله الدور...
- البعير...الله هالدرجة...وصلت المواصيل...؟؟
- المواطن : على طاري المواصيل....تقدر تدبر لي...سرير في المشفى عندكم...
- البعير : لا كل شيء إلا الواسطة عندنا....عندنا نظام...تحسبه زيكم...تعرف سوداني...تعرف....موظف مواعيد....عمكم يعرف واحد في المشفى....يدخلك...هذا مايمشي عندنا....النظام نظام....
البعير: تدري...إن فيه (( حاشي خريج جامعي جديد) وظفوه في المواعيد....وسنع موعد لخاله.....من ال أبو شفه جنان....يوم عرفوا إدارة المشفى طردوه....على طووول..
- المواطن : طيب.......خلني مرافق...على الأقل....ويكشف على الدكتور على الطاير....في دربه معك...
- البعير : والله مرافق....ممكن أدبرها لك....بس.....على فكرة....ترى الأبر عندنا....مهب زيكم....تتحمل وإلا لا....
- المواطن : وشلون يعني كبيرة الأبرة...
- البعير : إيه كبيرة........كنه ...منفاخ سيكل من كبرها....؟؟؟
- المواطن : لا حرام عليك.....وش شايفني...يا أبو بعره....
- البعير : عاد ....قلت لك....لازم تعيش الدور عشان يصدقون المستشفى.....
- المواطن: طيب....وش رأيك تعطيهم أنت الأعراض حقتي....وتعطينا الأدوية..إذا شخصوا لك المرض....
- البعير : مهب مشكلة....وش تحس فيه...
- المواطن : أحس بضيقة....تجيني....لكل ما دخلت السوق..أشتري مقاضي...وخضرة وفواكة.....وأحس بغبنة....كل ماشفت الشاشة.حقت الأسهم..وأحس بحرقة...كل ماشفت....مشافينا....وأحس....بغصة...كل ماشفت...مدارسنا...وأحس بحسرة كل ما نزل الراتب........وأحس إني... بعطيك....مخمس على برطمك...إللي كنه مخدة بزر.....يوم دريت إن عندكم مستشفى ....
- البعير : والله ياخوي...الأعراض هذي ما قد مرت علينا......أنصحك....ما تروح للمشفى....
- المواطن : أروح لمين....؟؟
- البعير : لرح لأمك....خلها تقرأ عليك....لين الله يفرجها....
- المواطن : أجل رايح المشفى ...من إللي معك...
- البعير: معي المدام....نووقه........
المواطن : الله يوفقكم وين مارحتوا يابعارين بلدي...
منقوووول
المواضيع المتشابهه للموضوع: حوار بين .....مواطن سعودي...وأحد البعارين ! ! 
