[ولد الأمير]

السلام عليكم

الصراحه هذي اول مشاركه لي في هذا المنتدى

وحبيت استشيركم لاني محتار بين هالسيارتين الافالون ليمتد والانفينيتي G35

الافالون اكيد تعرفون مواصفاتها وبأكتب لكم اهم مواصفات الانفينيتي

مكينه 6سلندر دفع خلفي 327 حصان القير خمس سرعات مع خاصية التغيير اليدوي

كاميرا خلفيه شاشه ملونه

وهذي صور للانفينيتي





[IMG]http://www.**********.com/myimages/May07/salehhd_14.jpg[/IMG]

ياليت تعطوني آرائكم واذاكان فيه عيوب بالنسبه للسيارتين ياليت تذكرونها

[الحـ(درب)ـب]

انا اقووول انفنتي افضل بالمواصفات وتفرق فرق كبييييييييييييييييييييييييييييير بالمكينه والقوة

بس الأفالون تتمز بشي واحد عنها
الرحابة الداخليه
وياخي شووف طبلوون الإنفنتني مضيقيييينه عشان يعطون مساحه اكبر للأسف
بتم السيارة ضيقة

بس بالباقي الأنفنتي افضل

وتقبل مروري

[ولد الأمير]

تسلم اخوي درب الحب على سرعه ردك

[أبو الجوهره]

مع احترامي مافيه مقارنه

بين السيارتين الافلون افضل من الانفينتي

ولا تغرك بعض الديكورات الي بتدفع ثمنها غالي في المستقبل القريب جدا جدا

وتكفي علامة تويوتا على الافالون

والي اعرفه ان قيمة الانفينتي غالية جدا واذ كان بتوصل لها انصحك بالكزس

[الحـ(درب)ـب]

مشكوور اخوي
ونورت قسم الأفالون

[ولد الأمير]

وجهة نظر احترمها

بس سألت عن الانفنتي يمدحونها والخرابات شبه معدومه

ومن ناحية السعر 128الف واللكزس Es الفل 150 الف

والـ Is صغيره وما تستاهل سعرها 135 الف

واقرب منافس للانفنتي هي الافالون من ناحية المواصفات والسعر

[أبو الجوهره]

الانفينتي الي انت حاط صورتها سعرها اتوقع اقل من 200000 بشي بسيط يعني حول الـ 190 الف

[ولد الأمير]

انا اقصد G35 وانت يمكن تقصد M45

الـm45 سعرها 190 الف وهي 8سلندر واكبر من الg35

مشكور على تفاعلك

[((عزوز))]

اذا انت عزوبي وشباب ولا تفكر تبيع في المستقبل القريب فخذ الانفنتي دفع خلفي ومحرك جبار327حصان
اعتقد السياره التي ذكرت نفس الكزسisسياره تميل للسبورت شبابيه من الطراز الاول
اما اذا كنت متزوج او علي وشك زواج او اذا كنت من النوع الي ماتطول معه السياره فمالك الا هيفاء(الافالون)

[المــمـــيــز]

والله شوف السيارتين حلوين بس انت شوف ايش تبغا من السيارة هل انت شبابي بقوة


او شبابي على خفيف يعني انت تحب السيارات الرياضية او انص رياضية ونص رسمية


شوف سالفة الكاميرة الخلفية لا تخليها في الموازين لان السيارة صغيرة وتقدر توقفها وانت مغمض


لكن روح اسأل عن مشاكلها قطع غيارها اشياء كثيرة وقبل ما تشتريها اشرط انك تجربها عندهم سيارة


للتجريب جرب المكيف جرب عزل الصوت تغييرات القير سهولة الوصول الى ازرار المسجل والمكيف


اسأل عن الايرباقات والسلامة يعني اشياء تهمك اكثر من البهرجة الزايدة


والسياراتين جميلتين لكن اذا انت بتستخدم لفترة طويلة تتعدى 2 سنتين انصحك بالتويوتا

[ولد الأمير]

والله ياخوك عزوبي

ومن ناحية بيع ابد خمس سنين ان شاء الله

[حياة_التميز]

جاكم حيااااااااة التميز و راح يدلي بدوله

طبعا اخوي درب الحب كفى ووفى و اضم صوتي لصوته و اقووووووووووووول بالفم المليان انفينيتي و راح اعطيك نبذه بسيطة عنها او بمعنى اصح ليش تشتري انفينيني


انفينيتي جي 35 موديل 2007 صارت ليها نقلة نوعيه بعد الكارثة الي غلطتها انفينيتي في سابقاتها بس جات جي 35 معاكسة لجميع التوقعات و صارت مفخرة لانفينيتي

جي 35 ستة سلندر دفع خلفي 307 حصان مثل ما تفضلت و اضيف على كلامك تسارعها و هو مسجل برقم 5.4 ثانية يعني ممتاز ما شاء الله و تغيراتها اليدوية في المقود و تمشيء على نفس نظام سيارات الفورمولا ون ( كذا انت حققت اول مطلب في السيارة القوة و الاداء الجبار و دفع خلفي يعني على السرعات العالية ثابته )
الداخلية وان كانت صغيرة و ضيقة بالمقارنة بالافالون الواسعة ما شاء الله ( بس لا ننسى انها داخلية مميزة و جلد على اعلى المستويات و ساعة انفينيتي الغالية و سماعات بوز الشهيرة التي تعد اقوى نظام صوت بالعالم و شاشة الملاحة وكامرا خلفية رغم اني ما اتوقع انها نزلت عند الجبر والحمراني لاني شيكت اكثر من مرة ) وووو الخ و كذا تكون حققت الفخامة بالاضافة للقوة
انفينيتي حصلت في تقييم 2007 على اعلى المراكز طبعا بعد لكزس المتصدرة اولا في برنامج الاعتمادية او بمعنى اصح قلة الخرابات و طبعا هذا الشيء يشجعك و يخلليك تثق باذن الله ان الانفينيتي ليك و للزمن مثل ما كنا نقول عن لكزس و تويوتا طول عمرنا

توكل على الله و قول بسم الله جي 35 و لو فيك حيل تصبر شوي شهرين بالكثير راح تنزل ال جي 37 سعة 3.7 و قوة 330 حصان تقريبا

و لو كنت تبحث عن القوة + الفخامة + الاعتمادية + الرحابة ( نصيحة اخوية زيد 20 الف و خذ لك Es350 والله ما شاء اللله جدا جدا جدا رحبة وواسعة و قوية لدرجة اني استغربت من قوتها الي تعادل بالضبط قوة الاورين و الافالون و انت كانت الاورين في نظري اقواهم واقل فخامة

عارف اخوي درب الحب راح يناوشني ( خخخخخخخخخخخخخخخخخخخخخ ) انا ما قلت شيء امممممم


اذا تحتاج اي معلومة عن الانفينيتي او اللكزس راسلني ( اتوقع ما تقدر لقلة مشاركاتك ) انت بس اطلب واسال وانا راح اجيب باذن الله )
تقبل مروري و مبروك على الجي مقدما

[ولد الأمير]

تسلم اخوي حياة التميز

ماشاء الله شرح وافي ماقصرت

بس الجي 37 ما تجي سيدان

وبغيت اسألك كيف قطع غيار الانفينيتي بالنسبه للافالون

وكيف عزل الصوت بالنسبه للسيارتين وتنسيم الهوا

واسف شكلي طولت

ومشكور مره ثانيه

[كلتش ريس]

خذ الانفينيتي

شعار الانفينيتي يكفي

واحلى ميزه في الانفينيتي هي الدفع الخلفي

عكس الافالون دفع امامي اعتبره عيب كبير

[ابوفيصل]

والله انا ماعندي اي فكرة عن الانفينيتي

لكن اذا سعرها مقارب لسعر الافالون فبالتأكيد الانفينيتي افضل

والاخوان كفوو وكفو

تحياتي للجميع

[إحساس خالد]

الحسنه الوحيده بالانفلتي الخلفيه فقط

---

شوف الداخلي ... والله فرق

[IMG]http://www.**********.com/myimages/May07/salehhd_14.jpg[/IMG]





ارشح الافالون افضل وكيل ... سعر عند اعاده البيع افضل ... مرغوووووبه بالمعارض

.. الافالون فيها ميزه حلو تصلح للشباب والشيبان

الانفنتي اشوفها خاصه لفئه الشباب


------

المشاركة الأصلية كتبت بواسطة كلتش ريس

خذ الانفينيتي

شعار الانفينيتي يكفي

ومخباتك تشكي

المشاركة الأصلية كتبت بواسطة كلتش ريس

عكس الافالون دفع امامي اعتبره عيب كبير

الدفع الامامي افضل ثبات ...

بالعكس اعتبره ميزه .. الشباب مايفحطون الا بالدفع الامامي ومع ذلك ماقالت لا (الكامري اخت الافالون)