[صلاح الطبراني]

بسم الله الرحمن الرحيم ..

انا قدر الله علي وصارلي حادث امس والضربة جت من الجهة الميني للسيارة والي تضرر الآتي ذكره:/

1-الرفرف الأمامي من جهة اليمين .
2-اسطب النور الأيمن .
3-عكوس السيارة .

كم يكلف تصليح السيارة ؟ ووشرايكم ادخلها الوكالة ولا أوديها لصناعية ؟
حمانا الله وإياكم من كل مكروه ،

[صلاح الطبراني]

لا اله الا الله محمد رسول الله

لا اله لا انت سبحانك اني كنت من الظالمين

[شرقاوي ناوي]

الحمد لله على السلامة اخوي

[الوريث]

الحمد لله على السلامة

لا تخلي أحد يلعب عليك

عليك وعلى الوكالة طوالي

وأيضا الوكالة يبغالك تراقبهم وتشيك السيارة وتتابعهم أول بأول

[أبو عابد]

ودها الصناعية عند سمكري تركي احسن لك من الوكالة لان الوكالة تديك سعر خيالي مررررة وانا اقولك هذا الشي من واقع تجربة
والحمد لله على السلامة اخي صلاح

[الشبح]

حمدلله على السلامه.. وكل شي يتصلح.. عليك بالوكاله وافتك من عوار الراس
صح انها غاليه بس تصلحها وانت مرتاح.. والله يعينك

[غـيـر الـنـاس]

اذا كنت تقدر تصلحها في الوكاله صلحها احسن لك ::.

وبعدين السياره جديده حرام تصلحها في ورشه . ::.

تقبل مروري ::.

[صلاح الطبراني]

يعطيكم العافية يا أخوان ،
بس فيه احتمالية اني ما ادخلها الوكالة ...... لأسباب شخصية !

هل تنصحون بورشة معينة ؟؟ فيه واحد من الشباب نصحني بورشه اسمها العضيب

[وحيد-قطر]

الحمد لله على السلامة اخوي

في الحديد ولافيك والله يعوضك ان شاء الله

والله اخوي كان ودي افيدك بس مالي علم بس بخصوص الوكالة صحيح اضمن بس راح يطول الموضوع

كثير مثلا موتري في حكه من الجانب الايمن ويبيله سمكره وصبغ تخيل الوكالة عندنا في قطر يقولون بنعطيك موعد خلال 3 اسابيع وبعدين ادخل الموتر الوكالة تخيل يعني حول الشهر عشان سمكره بسيطه تقريبا

بس انت روح شوف الوكالة اول شيء او دور على كراج يكون شغله مضمون والله يكتب الي فيه الخير

بس ماخبرتنا هل موترك عليه تأمين ولا لا

[اتاوي]

الحمد لله على السلامة

[وحيدالحي]

الحمدلله على السلامه في الحديد ولا فيك لو توديها الوكاله اضمن لك وفيه ورشه اسمها الوفاء في الصناعيه
القديمه يمدحونها بس سعرهم غالي والله يعوضك .

[نقطة بداية]

الحمد لله على السلامه

والوكالة افضل بإذن الله

[متعاون]

السلام عليكم

حمدلله على السلامة أخوي صلاح

1-الرفرف الأمامي من جهة اليمين .لا أعلم
2-اسطب النور الأيمن . سعره 500 ريال من الوكالة أصلي كامل
3-عكوس السيارة .لا أعلم

كم يكلف تصليح السيارة ؟تقريباً مابين 500 إلى 800 ريال شغل أيدي عاملة من الوكالة

ووشرايكم ادخلها الوكالة ولا أوديها لصناعية ؟
دخلها الوكالة أفضل للضمان على البوية وإتقان العمل 100%
الصناعية في لعب في نوعية البوية لانه في أنواع من البوية رخيصة ومستوى الجودة سيئ لكي يوفر صاحب الورشة جزء كبير من مبلغ إصلاح السيارة
هذا غير إعتماد عامل السمكره على المعجون أكثر من مهارة السمكرة في تعديل البدي

ريح بالك ودخلها الوكالة

[ياسرر]

الحمدلله على السلامه
انا افضل الوكاله
ولو كان سيارتك بنظام التاجير المنتهي بالتمليك بيصلحوها لك بس تدفع التامين 500 ريال فقط
وانا كان غير ذلك وغير مأمن عليها اذا تعرف لك احد في الوكاله يسولك خصم رهيب
وشوري لك انت اشتري القطع من بره من وكيل معتمد ووديها الوكاله بس ياخذوا منك شغل اليد وكذا افضل لك واوفر بكثير وما يفرق عن الورش الي بره بشي كثير لان اغلب القطع الي تبي تجيبها جديده

[معقوله]

اولاً الحمد لله على السلامه ،، وجعلها الله اخر المصايب لك

اخوي بالنسبه لسيارتك نصيحتي لك .. أشتر القطع من الوكاله .. وبعدين رح الصناعيه القديمه فيه ورش أحسن من الوكاله بألاف المرات بحكم خبرتها القديمه في هالمجال .. لأن بعض اللي يشتغلون في الوكاله مستهترين او شباب صغار مالهم الخبره الكافيه بهالمجال .. وثانياً ما تقدر تدخل عندهم وتشرف على سيارتك بنفسك .. فـ أنصحك اشتر القطع ياطويل العمر رح للصناعيه القديمه وزي ماقالوا الشباب يا ورشه الوفاء .. أو ورشه المدينه .. ولا تخاف من البويه او شيء لأن سيارتك لونها ابيض يعني اللون الابيض ماهو بصعب درجته معروفه .. وبعدين لاتنسى ان ورشه الوفاء يعطونك ضمان على البويه اذا تغيرت ..

وترا فيه ورشات كثير غير الوفاء لكن نسيت اسمائها ..

واسأل الله ان يعينك ..

تحيـاتي لك يالغـالي ..

[صلاح الطبراني]

انا اشهد أنكم ما قصرتوا يا وجيه الخير ،

نبي نروح الوكالة ونقارن سعرها بأسعار الورشات اذا صار الفرق كبير دخلناها ورشة وكسبنا الفرق
واذا كان خفيف دخلناها الوكالة وكسبنا راحة البال .