[مسافر على طول]

السلام عليكم ...............
ياجماعة الخير وش رايكم افلون 2006م ولا كامري غراندي وش تنصحون به ؟ والي عنده علم متى راح تنزل افالون 2006م للسعوديه شاكرين ومقدرين لكم حسن التواصل

[العمدة]

أنا أقول أنك تصبر لأفالون 2006 لأني كنت عند وكالة ( خريص ) وسألتهم عن أسباب التأخير ومتى ينزل 2006 وقال لعلك تصبر
للموديل الجديد (بعد رمضان)[i] اللي بيكون أغلى شوي لكن بميزة أتوقع أنها تبي تصيب اللي معاهم 2005 بالاحباط.

الميزة الجديدة هي أنه بيكون فيها نظام الـ Gps الملاحي لكن السعر بيكون حوالي 130 وحولها...

[ابوفيصل]

20 عشرين الف مرة وحدة عشان نظام الملاحة Gps

اذا صح هذا الكلام

اللهم لك الحمد لحقنا على 2005

فالسبب الرئيسي في شعبية افالون 2005 وازدياد الحجوزات والطلب عليها

هو السعر المنافس لمثيلاتها من فئتها مع الفارق في الشكل والمواصفات لصالح الافالون طبعا

اما اذا وصلت لسعر 130 الف كما ذكر الاخ العمدة فلن تكون في متناول الجميع

وسيصرف الكثيرون النظر عنها لارتفاع سعرها

[مسافر على طول]

شكراً اخي على الرد , بس وين راي باقي الجماعة نبي راي اكثر عدد وشكراً

[ابوالوليد]

اذا ارتفع سعر الافالون الى 130 الف راح تبعد الناس عنها لأأنها صارت
ممثاله لسيارات المانيه ذات جوده عاليه
واللي يميز تويوتا ان السعر مناسب والمواصفات حلوه
فاا ليس من مصلحتهم رفع ريال وااااااااااحد

[ابوالوليد]

تبي رايييييييي خذ لك

كامري جي ال ليميتد 2006 لون اسووود

مميزاتها كثيره = الشبك تغير + الاصطب الامامي تغير حت ىالطاره تغيرت +
مميزات داخلي + جناح + وزنون + جنوط .....الخ

والله قووووويه وشكل رياضي

[مسافر على طول]

تسلم اخوي ابو الوليد ، بس ابي شورتك بعد يعني اخذ 4 سلندر احسن ؟ وجزاك الله خير على التواصل

[الــوســيــم]

اخوي الكريم ..

بالنسبه لموعد نزول الافالون فهو في شهر رمضان آخره ..

و اما لسؤالك عن الافالون 2006 ..

فاللي قال انه بينزل فيها نظام ملاحه ما اعتقد هالشئ بيصير ..

الشئ الوحي اللي راح ينزل فيه نظام ملاحه هو es300 و راح يرتفع سعرها الى 130 او 135

اما بالنسبه للافالون ..

فاخوي الكريم انصحك بالانتظار ..

لان 2006 راح ينزل فيه حساسات و نظام التراك و غيرها ..

و ما راح يزيد سعرها اكثر من 115 اذا كان بالكثير يعني ..

و راح تكون متوفره باذن الله ..


اما بالنسبه للكامري فصراحه و الله حرام تشريها ..

يعني تبدل افالون بكامري ؟؟؟

خصوصا الجراندي .؟
حرام 95 مدري 90 الف عليها و الله

نصيحه خذ افالون و ما راح تظرك شهر باذن الله ..

و ان كنت ملزم على الكامري فلا تاخذ جراندي ..

و الله حرام عليها ..

خذ لك نوع عادي و سعره ما يكون غالي مرة ..

عموما هذا رايي و انت اعرف ياخوك ..


الـــوســــيــــم

[مسافر على طول]

تسلم اخي الوسيم على الرد . وانا ودي بالافالون لكن شكلها مطولة . وفكرت بالقراندي على اساس انها قريبه منها نوعاً ما في المواصفات . تحياتي لك اخي العزيز ونأمل استمرار التواصل .

[عليهث]

والله كلامكم صحيح مية في المية وأنا منهم

وأنا أفضل سيارة عندي إلى الآن أفالون الجديدة

لأن سعرها جدا مناسب


لكن يارب يطلع زي كلام الوسيم ولا يرتفع سعرها


عشان تكون من نصيبي


أما عن نصيحتي لك

والله لو يخيروني من ذا الإثنين هذي قراندي وفل كامل


وهذي أفالون 2005 وسياحية


لآخذ أفالون 2005

[مسافر على طول]

السلام عليكم
اخي الوسيم تحيه طيبة ..
ابي شورتك افالون 2005 ماشي 5000 ب 90000 ريال يسوه ولا لا ، بعدين ودي توضح لي هل الافالون يصرف بنزين كثير . ارجو منك الرد والتوضيح وشكرا .

[مسافر على طول]

السلام عليكم .........
اخي الوسيم ارجو ان تعطيني رايك ؟

[yawel_3ene]

[align=center]فرق بين الافالون والكامري وانا اخوك خذا الافالون من دون ماتشاور وال 2006 بعد رمضان راح تنزل والان تقدر تحجز والسعر ماتغير على كلام الوكاله انا عندهم قبل كم يوم حاجز وحده للاهل 2006[/align]

[الــوســيــم]

اخوي الكريم آسف على تأخري بالرد ..


و لكن بالنسبه للي قلته بصراحه يعني سعرها يعتبر معقول ..

لانو اذا قارناها بالجديد يعني الجديد الآن في المعارض 98 الف ...

و فيى الوكالة على ما اظن 96 الف ..

فسعرها معقول جدا ..

و لكن عندي راي آخر و هو الانتظار الى 2006 ..

اول نقطه راح تستفيدها هو انك تختار اللون اللي تبغاه ..

و ثانيا انو راح ينزل فيها انظمة جديده مثل ما اقول دايم ..

و ثالث شئ انها راح تككون 2006 مو 2005 و الموديل يفرق ..

و لكن اذا كنت مستعجل الله يوفقك و السعر بالنسبه لسعر السوق معقول مع انو غاليه شوي لكن معقول نوعا ما ..

و بالنسبه للصرفيه يعني صرفيتها ما راح تكون مثل 4 سلندر لكن صرفيتها معتدله يعني اقل من الكابريس 6 سلنر

اتمنى اكون افدتك و آآآآآآآآآآآآآسف مرة اخرى على التأخير ..

الــوســـيـــم

[مسافر على طول]

السلام عليكم ,,,
تسلم اخي الوسيم على المشوره والله يجزاك خير ، وخلنا على تواصل دائم معاك .
وشكلي بنتظر شوي الى بعد العيد كحد اقصى واذا ماجت ال 2006 بصرف نظر عن الافالون . تحياتي لك اخي .

[الــوســيــم]

الله يوفقك اخوي ..

و انا تحت امرك في اي وقت و آسف على تأخيري مرة ثانيه ..

و عندي لك اقتراح ممكن ما تكون مؤيد لي لكن هو مجرد اقتراح ..


عندي ولد عم ان حاجز افالون و مل من الانتظار و الآن ما شاء الله اشترى هوندا اكوورد 2006 فل كامل 4 سلندر بـ 88 الف ريال ,,

بصراحه السيارة روووووووووووووووووعه اقل ما يقال فيها صراحه ..

و هو اقتراح يعني ..

و بصراحه وفر لك 20 الف احسن لك ووفر انتظارك ..

و بصراحه الاكورد 2006 تغير شكلها و صار روعه بصراحه ..

و زادوا قوتها الحصانيه 14 حصان و اضافوا مانع الانزلاق ..

هذا طبعا و الله اقتراح ..

و مع ان هالمنتدى منتدى تويوتا الحق يقال السيارة لا يعلى عليها ..

يعني هي ما تقارن بالافالون بس فرق سعر و الآن متوفرة مهوب مثل الافالون ..

و ممكن ما تنزل بعد بعد العيد بديت اشك في هالخبر هههههههههههههههه

عموما الله يوفقك و تقبل فائق تحياتي ..

الـــوســــيـــم

[فديت الكامري]

الافالون 2006 نزلت عندنا بالامارات و بصراحة الموتر عجيييييييييييييييييييييب

و سعرها 120 الف درهم اماراتي لكن بالسعودي ماعرف

و من رايي تشتريها لانها رووووووووووووووووعة

اسمع كلامي وخذ افالون

[مسافر على طول]

السلام عليكم ....
الاخ الوسيم : اشكرك شكر حار على النصيحة ، وترى عبد اللطيف جميل يماطل كل يوم يردون برد اخرها امس يقول لي الافالون بعد 6 اشهر والله قهني انتظر 10 ايام ، انتظر رمضان انتظر اخر رمضان انتظر بعد العيد انتظر 6 اشهر . هذا ردوده والله قهر ولكن الشكوة لله . والحين اقول ما عااد ابي افالون 2006 ولا 2005 خلي جميل يخليه عنده يتهنى بي وبعد سنتين يبيعه مع المستعمل . ( عنده افالون مخزن من عام 2003م- و 2004 يبيعها ب 70 ، 75 الف ) ايش رايك في هذا الوكيل المحتكر ؟
اسف طولت عليك بس من القهر والانتظار على وعود طبعا فاضيه وغير مسؤوولة .من وكيل تعبان .
تحياتي لك اخي وسامحنا على الاطالة .

[مسافر على طول]

الاخ : فديت الكامري

السلام عليكم

شكرا اخي على مشاركتك ورأيك .