[المــمـــيــز]

الكينق الصوت الي من ورا الدركسون يمكن تقصد اذا لفيت يمين او يسار يطلع صوت حكة


هذا كانت عندي وحليتا بكل بساطه


شوف لف الدركسون نص لفة بيطلع يمين ويسار البلاستيكة الي ورا الدركسون دخل يدينك ودفها على ورا


وبتحصلها رجعت وانتهت المشكلة


لكن الصوت الي تقولون عنه ورا واضح انه من ديكور السيارة وشلون يقولون الوكالة انه من العكوس؟

[الساهر للأبد]

انا وديتها الوكاله اليوم ونشوف وش يكون منه ..

[الحـ(درب)ـب]

الساهر ننتظر رد الوكاله عليك

من رقم انه من مكان ثاني
وماله دخل بالعكوووس

[المــمـــيــز]

هو من الديكور اكيد مالها دخل العكوس العكوس موجودة قدام مو ورا

[الساهر للأبد]

الوكاله قالي فكينا الديكور ومو منه الصوت يقولون ممكن انه من الرفرف الخلفي .. !!

[متعب الليل]

انا عندي نفس الصوت وسيارتي مامشت الا 2000 بس

قهر والله

بس فيه شي نسيتوووه كلكم وتأكدوا منه ...

شنطة السيارة فيها طفاية الحريق والطرنبه الصغيره وعدة السيارة وكلها حديد
اتوقع ان الصوت من عدة السيارة أو الطفاية لان فيها زي المقبض حديد يضرب في بعض والطفاية اكثركم حاطها فوق الكفر وتصير خلف المراتب

انا بجرب أفرغ شنطة السيارة من كل شي وأعلمكم الفرق

-------------------------

اما بالنسبة للصوت اللي في الدركسون صوت(قرقعه) تجي مع المطبات البسيطة حتى لو كنت مدحدر السيارة بجرب حركة اخونا في احد الردود بدفع الديكور اللي خلف الدركسون

ودمتم سالمين

[الحـ(درب)ـب]

المشاركة الأصلية كتبت بواسطة متعب الليل

انا عندي نفس الصوت وسيارتي مامشت الا 2000 بس


شنطة السيارة فيها طفاية الحريق والطرنبه الصغيره وعدة السيارة وكلها حديد
اتوقع ان الصوت من عدة السيارة أو الطفاية لان فيها زي المقبض حديد يضرب في بعض والطفاية اكثركم حاطها فوق الكفر وتصير خلف المراتب

ودمتم سالمين

طفاية الحريق تجي عند قدم الراكب الأمامي
وشكرا

[بنت الخران]

الصوت جاي من جنب السايق من الخلف

تقريبا على زاويت الستاره مع الكرسي المتحرك للراكب الخلفي

بس بمجرد ان شخص يجلس يختفى الصوت على طوول

[متعب الليل]

المشاركة الأصلية كتبت بواسطة الحـ(درب)ـب

طفاية الحريق تجي عند قدم الراكب الأمامي
وشكرا

شكرا لردك

أنا الطفاية موجودة عندي في شنطة السيارة في حقيبة صغيرة مع الطرنبه

طيب ممكن صوت العدة برضه موجوده فوق الكفر

[الساهر للأبد]

الشنطه وفرغتها .. ولا فيه فائده
الوكاله قالي فكينا الديكور ولا حصلناه .. وركب واحد في الشنطه ولا حصلوا من وين جاي الصوت .
قالي ممكن من الرفر وايضا بدون فائده !! انا اشك الان في انه من نفس المرتبه (السبرنق) اللي فيها يتحرك
مجرد شك .. والله جنني هالصوت .

[الكرولا الفضي]

الله يوفق الجميع لما يحبه ويرضاه

[وااوأفالون]

والله ياشباب مكبيرين للموضوع

أنا متإكد أنو للصوت من للديكور للخلفي

وليس من للعكوس

والحمدلله من زمان ماء شاء الله أختفى لصوت لوحده

[روح المساء]

السلام عليكم ورحمة الله وبركاته ...... وبعد
هذه اول مشاركة لي بالمنتدى واتمنى تكون قوية
انا سيارتي راح تكمل معي الان سنه من رمضان الماضي
على العموم نفس الصوت طلع معي وتخيلو وش كان الحل وياليت اني مصوره علشان تتأكدون
وتضحكون في نفس الوقت
تخيلوا
تخيلوا
تخيلوا
الحل كان ان الصوت مصدره من الجهاز اللي على الطابلون الاماي للحساسات الاماميةشكله مو مثبت تمام
والصوت يطلع اذا تحرك وصار يصفق في الزجاج الامامي بشويش وهو على شكل طقطقه بسيطه وزي ماذكرتو كانه يصدر من الخلف لكن الشغله يبيلها محششه شوي ههههههه
ارجو ان اكون عند حسن الظن وما اقول اني الافضل لكن جرب وشوف يمكن يكون صحيح
.
.
.

بالنسبه لي لنا كان حلي حطيت قطعة ورق صغيرة مصفوطه صفطتينبين الجهاز والقزجاجة الاماميه وصدقوني والله اختفى الصوت
.
.

ارجو اني اكون كفيت ووفيت
اخوكم روح المساء ابو عزيزة
والمعذره الى الان ماسويت توقيع توني جديد
هههه

[روح المساء]

ارجو المعذره على الاطاله

[ياسررر]

السلام عليكم . . .
الصوت ورى في الديكور الخلفي اذا ركبو معي ناس ورى يروح الصوت . . .
هذا هو وصف الحاله حقت المشكله الي كانت عندي . . .
حتى إني فتحت الشنطه تلقى فيه حديدتين لبست وحده منهن لي بلاستيك علشن يمنع الإحتكاك بس مافاد والحال الي قالو لي المهندس انه مشكله في الديكور وسوينا تربيط وانحلت ...
والي قالي أنه عكوس موظف الشكوى والإقترحات...
هذا والله أعلم

[وسـ افالون ـط 600]

المشاركة الأصلية كتبت بواسطة المــمـــيــز

الكينق الصوت الي من ورا الدركسون يمكن تقصد اذا لفيت يمين او يسار يطلع صوت حكة


هذا كانت عندي وحليتا بكل بساطه


شوف لف الدركسون نص لفة بيطلع يمين ويسار البلاستيكة الي ورا الدركسون دخل يدينك ودفها على ورا


وبتحصلها رجعت وانتهت المشكلة

المميّز الله لا يهينك ياليت ترفق لي صورة عن هالبلاستيكه لأني ماحصلت اللي تقول عنه أو اني مافهمت كيف أطلّعها ...