[ابوثامر]

سيارتي الحبيبة الأتوماتيك كامري 2006 نظيفة وحلووووة وفجاءة أصابها رجفة في المكينة بسبب انخفاض عداد الضغط وأصبحت إذا اشتغلت والتعشيق على الـ D وانا في انتظار ان تصبح الإشارة باللون الأخضر حتى انطلق ، يحدث ما يحرجني امام السائقين وهو ان سيارتي تطفي بسبب انخفاض ضغط عداد المكينة الايسر عن الواحد ( الواحد يعني ألف والعداد يصل الى 600 او 500 بعدها تطفي السياااااارة ) المهم ما اقدر اروح في مشاوير مزدحمة لكثرة حدوث الانخفاض والاحراج .

سيارتي اوتوماتيك فل كامل 2006 ( اللون ...سري )
المهم : المدد يا اخوان والله فشيـــــــــــــــــــــله


فزعتكــــــــــــــــــم يارجـــــــــــــــــــــــــال

[الحـ(درب)ـب]

في وصله عند البخاخ
وهي منضم إلكتروني عند البخاخ
على ماضن انها اختربت بسبب او بإخر

رووح عند كهربجي فنان وقوله شيك على الكت مال البخاخ
ماعرف ايش تسمونها بالسعوديه

بس لو كنت بقطر كان دليتك على المهندس اللي يعرف حق هذا النوع من الخراب

والله يعينك القطعه غالية حبتين

وإنشاء الله يكون كلامي صح
وانتظر اللي بعدي يأكد كلامي او يصححه
وكلنا نكمل بعض


درب الحب

[بو سعود]

ياشيخ ودها الوكالة

[عجزت اسجل]

يمكن يالغالي من ربله اللي بخرطوش الهواء اللي فيها الفلتر والمنظم "دخول الهواء الى البخاخات"
تأكد يمكن تكون مقطوعه
واذا سليمه يمكن من حساس بالبخاخات يفك وينظف او يغير
هو اللي مسؤل عن ضغط الماكينه
والله اعلم

[المكيانيكي]

لا تروح ولا تجي
حلك موجود عندي وبسيط
ارسلي على الخاص

[علي بن عايض]

و الله ما عندي فكرة عن التوماتيك يا اخوي ثامر و اتمنى من اهل الخبرة انهم يفيدونك ان شاء الله
تقبل مروري
بالتوفيق

[عاشـــق اللاند]

ودها لاي كهربجي وارفع الامبير لي الواحد ونص مشكله تصير بأي سياره

[المعلــــم]

اقرب شيء الي قال اخوي ( عجزت اسجل )........

من ربله اللي بخرطوش الهواء اللي فيها الفلتر والمنظم "دخول الهواء الى البخاخات"
تأكد يمكن تكون مقطوعه

انا واجهت نفس المشكلة في سيارتي الأولى...............

[ي&و&س&ف]

الله يعينك

[ابومنيف]

والف شكر لك

[في في تي]

ودها الوكاله عندي ظغط الماكينه وصل سبعه وديتها الوكاله وزينوها ما خذت ساعه

[ـأسرار الزمن]

آخوووي هذي حصلت لي غير البنزين من 91 إلى 95 ورد لي خبرررر وش سوت سيآرتك

[كربوع]

اولا: السلام عليكم ورحمة الله وبركاته



ثانيا: اتمنى اخوي ابو ثامر جيت بالوقت المناسب


انا معي كامري 93 واعتز بهذه السياره لانها ( جباره بمعنى الكلمه )

مشكلت سيارتك بسيطه ومعروف ( الكوامري خبز يدي )

اولا ماتفرق اهي تماتيك ولا عادي

المشكله اهي في منظم الضغط

في الكامري 3 منضمات ضغط

واحد يجي في البخاخ مباشره عند فتحة دخول الهواه هذا اذا خرب تولع لمبة المكينه بالعدادات

والثاني فوق البخاخ مثبت في البدي طالع منه وصله صغيره وداخله في البخاخ وموصل له كهرب وهذا اذا خرب تطفي السياره وتولع لمبة المكينه عندك بالعدادات

الثالث وهذا الي خربان عندك بالكامري يجي ورى الفلتر حق الهوا مباشره ولونه اسود وشكله اسطواني وصغير مره مثل حجم الاكتاوتات
وطبعا مايجي منه تجاري يباع بالوكاله او النهدي وسعره ( 450 ريال ) شوي غالي ( لوتشوف شكله تموت من الضحك على السعر )

بس انصحك تروح لتشليح الحاير وتاخذه من عندهم ارخص لك

وارجوا اني افدتك ابوثامر



( اي واحد عنده كامري فيها مشكله يقولي وانا افيده لاني عشرة عمر معهن من اول ماطلعت وانا شاريها وكاله واي خراب انا اركبه بنفسي )


وتقبلوا مروري بصدر رحب