[د.وليد]

مرحبا شباب
قبل يومين دخلت سيارتي لفحص ال(1000)ك، وقلت للمهندس إن صوت الهواء الخارجي واضح، فهل له من حل.
قال: رح فيها لفرع العليا، وعلمهم بالمشكلة، وراح يطلع معاك مهندس ويجربها، إذا كان الصوت مو طبيعي، غيرلك الربلات، وقال إن فيه مجموعة كبيرة سوت الطريقه هذي، وغيرت الوكالة لهم الربلات.
فمن منكم جرب هذي الطريقة، ويوم جربها، صارت أفضل وإلا نفس الوضع.
مع فائق حبي واحترامي

[عبدالرحمن عيسى]

أنا غيروا لي ربلات فتحة السقف وما تغير أي شيء من الصوت
أما ربلات الأبواب فقالوا الصوت طبيعي وما يحتاج نغير ربلات
مع أن صوت الهواء واضح داخل السيارة عند السرعة 120

[د.وليد]

أخي عبدالرحمن عيسى
شكرا على تفاعلك
ووالله مشكلة إذا الوكالة ماهي متفهمة الوضع
أنا صراحة الصوت ما وصل عندي لحد القلق
لكن إذا قارنت الصوت بمسمى السيارة (لكزس) ما اهضمها
أحس إنه لو بسيارة ثانية كان عادي لكن مع لكزس فيه مشكلة

على العموم إذا فيه أحد نجحت معاه الطريقة (تغيير الربلات) يعلمنا

[بندر بن سرور]

احذروا من تغيير الربلات والله يطلع الصوت اعلى واعلى وانا مجرب

كان عندي كامري زمان 1999 تطلع الصوت على 120 الى 140

ورحت الوكالة وغيروا الربلات صار الصوت يطلع من سرعة 50-60 يعني داخل الحارة صوت ورجعت لهم ومشاكل

وقالي في الاخير ان مهندس السمكرة يحتاج يوزنها ومدري اش المهم مارجعت زي اول اخس من اول

ونصيحة انت في Es يعني جربت كم وحدة الصوت ليس كما وصف في هذا المنتدى بالعكس فيه صوت

بس خفييييييييييييف وحلووووووووو من لكزس لو غيرها كان سمعت اعصار مو صوت

تعال شف الكامري عندي كانها صافرة انذار مزعجة لدرجة ماتسمع المسجل زين واذا احد معك راح يتضايق

بس Es350 حقت زميلي يمشي 160 ماشاء الله فيه صوت بس طبيعيييييييييي جدا جدا جدا

وهمسة في اذنك """" مافي زي شغل المصنع وليس الوكالة """"""""
سلام على الكل

[ابو بكري]

اللللللللللللللللللله يسسسسسسسسسسسسسسسسستر شكلي بغير رأيي


عاد انا انواع الوسوسه من الاصوات الخارجية

[مترف الوقت]

ياجماعة الخير انا اليوم ماسك خط فيها اقسم بالله ان الصوت صدع في راسي الغريبه ان الصوت ماطلع لي الا بعد مامشت السياره 3700 كم وش الراي الحين نغير الربلات ولا نخليها كذا ؟ لا والصوت مايطلع الا من 120 وطالع الظاهر هذي طنزتنا بعض الناس صرنا مثلهم نوسوس . او اورح بس للوكالة واسجل ملاحظة على الاقل يحسون فينا وفي معاناتنا معهم

[سفاري الكويت]

ترى كل سيارات التويوتا تنسيم الهوا فيها
الافالون عند120 تسمع التنسيم