[أبومبارك]

مساء الخير
ياشباب وين أحصل تخشيبة القيرتماتيك Gxr-2007 أنا ركبتها ب300 ريال عندعبداللطيف جميل فرع الدمام بس للأسف المفتاح ما يطلع لما تطفي السياره ورجعتها للوكاله وركبو وحده ثانيه ونفس الشي وسحبت فلوسي منهم ورحت قطر حصلتها في الوكاله1200 ريال ورجعت وحصلتها عند الزينه ب300 وركبتها لاكن حصل نفس الحركة مع العلم إن اللي ركبها لي محل مشهور في قطر في الغرافه بس صار المفتاح مايطلع إذا طفيت الموتر ويرجع طبيعي جدأ مع اليد الأصليه( لونها أسود بدون خشب لأنه وارد عبداللطيف جميل)
يا شباب اللي عنده حل لا يبطي علينا بالرد
ودمتم بود

[أبوحمد]

ليش ما تجرب الاصلية اللي بـ 1200 هذي أكيد ماراح يكون فيها اي مشاكل ..
واذا تشوفها غالية ,, رش اللي مركبه عندك برشة ديكور خشب ..

[أبومبارك]

أشكرك أخوي
فيه حل ممكن يفيد التشليييح هههههههههههه
شاكر لك تواصلك

[ولد الاكرام ...]

السلام عليكم ورحمة الله وبركاتة ...

ركب الاصليه انشاء الله بتضبط والا من ناحيه التشليح اوووووووووووووووه مليانه الدوحه من ها السوالف بتحصل انشاء الله ...

[أبومبارك]

هلا فيك والله
إن شاء الله أجي الدوحه قريب أوأطرش واحدمن عيال عمي هناك ولا راح يقصرون عيال الدوحه بس إذا فيه محل سكراب مشهور عندم عطني إسمه الله لا يهينك....
شاكر لك...

[قاعد الحالي]

اخوي انا مركبها عند عبداللطيف جميل التخشيبه القير والدبل وحقات المكيف السائق والراكب وسويتشات الأنوار كلها عند ابو جميل والحمد لله ما فيه اي مشاكل ابد ولا مركبها ببلاش علشانهم تأخرو علي في السيارة وتهاوشت معهم وحبو يلعبون علي اقصد يرضوني قالوا ركب اكسسوارات (الله يالدنيا) مجانا بس علشان اسكت

[ولد الاكرام ...]

يا مرحبا والله انشاء الله بسأل لك .. تامر امر ...

[الهنداس]

اخوي وان بعد مركبا عند بوجميل والوضع اوك

[القويعي]

ونــا خوووك التشلييح بتلقى فيه خير ولا برخيص بعد

[قـاصـد]

مرحبا... أنا مثلك .. عندنا فرعين لبوجميل في الأحساء
الفرع الأول على خط قطر ما عرفو يركبونها وصارت لي مشكلة أنكسر الزر الي في القير و بدلوه على حسابهم
الفرع الثاني طريق الدمام ركبوها طلعت من عندهم طفيت السيارة و ما طلع المفتاح رجعت لهم و ظبطوها

بس ما أنصحك تغير الأصلية لأنك راح تلاحظ بعد فترة أنها تبدأ تتحرك تكون مو ثابته مثل الأصلية لازم كل بين فترة تكرب البراغي

[اصابع الزمن]

ما شاء الله تبارك الله