[أبـو خـالـد]

السلام عليكم ورحمة الله وبركاته ..!!
اخواني انا من المتابعين للمنتدى بشكل يومي ..من فترة طويلة قبل شرائي الافالون ...
وقد اكون تأثرت بأرائكم القيمة و بجميل طرحك ...
ما شاء الله تبارك الرحمن افضل موقع متخصص في السيارات ...
و افضل اعضاء متعاونين رأتهم عيني ..
ولا اخص احد وان كانت اسمائهم تشهد لهم و مشاركاتهم تعبق بكل ما هو مفيد للاخوان ...
ليس مدحاً في الوجه ولكن هذا هو الحق .!


وتتلخص مشكلتي اخواني في أن البريك ((الجلنط)) عندي ضعيف في الافالون 2007 جديده ..!!

من اول ما طلعتها من الوكالة وهذا المشكلة فيها ...

جيتهم قبل اسبوع في صيانة الـ 5000 ك وقالوا انهم صلحوا البريك ((الجلنط))
ولكن تفجأة ان عند وقوفي على منحدر (او مرتفع) و سحب البريك لا تقف السيارة ...
و(تنزلق)[ تدحدر] ..!!! بشكل بطيء

ولازم احمل على القير و اعشق في الـ P عشان تقف السيارة عن الانزلاق [الدحدره]...
وحتى وهي معشقه عندما يتم غسيل السيارة تسمع صوت البريك وهو يطقطق و السيارة تنزلق بشكل غير ملحوظ عند اي اهتزاز ..!!!!!!!!!!!!!!!!!!!!!

الوكالة قالوا انهم شيكوا على البريك و وزنوه .!
بس المشكله باقية ...


ياليت اي واحد من الاخوان مر بهالمشكلة يعطينا نتيجة ما وصل اليه وكيف تم حل المشكلة ..!!
وهل لها حل عند الوكالة والا زي العادة كل فرع صيانة يخترع له سبب و حل و النتيجة (((يبقى الحال على ما هو عليه وعلى المتضرر [الصبر و الرضا] بما قسمه الله عليه من عيب مصنعي و وكالة لا تعرف كيف تحل المشكله .!!!
ولكم مني جزيل الشكر و الامتنان ...!!

[ابوعبودي]

اخوي ابو خالد لي الشرف اني اكون اول من يرحب فيك وبكل صراحه اقولك نورت منتدانا (وانا اقول في نفسي من وين جا هذا النورههههه)

اما بالنسبه للمشكله الي عندك والله ما عندي حلها وما لي الا ان ادعيلك.

والله يطرحلك فيها البركه
وتقبل مروري

[أبـو خـالـد]

الشرف لي بردك الحلو...
و الله يحيك و يسعد ايامك ..
وجزاك الله خير على احساسك الطيب و دعاءك لي ..
شكراً على الرد ..
وبأذن الله نجد الحل عند اخوانا

[المهذب]

اطلع وكاله غير اللي تروح لها أو انزل جدة
وان شاء الله تنحل المشكله

[أبـو خـالـد]

الوكالة مردنا لها ..!!
بس لما تجيهم و عندك خلفيه عن الموضوع تقدر تحاجهم ...
اما اذا جيتهم وانت مغمض راح يعطونك من الكلام المعسول وانهم صلحوا لك كل شيء و الموضوع مجرد وزن جلنط .. مثل ما قالوا لي المرة الاولى !!
والذهاب لجدة فكرة ممتازة .. لعل الصيانة فيها اكثر معرفه كون الادارة الاقليمية فيها ..
تسلم على ردك ولا عدمناك ..

[بورغد]

مرحبا بك ياشيخ والله انا عندي نفس المشكله بس اخاف اودي السياره الوكاله يلعبون فيها واتبهدل في النهايه خلها كذا ومافيها اشكاليه طال عمرك

[ابوفيصل]

حياك الله اخوي ابوخالد واهلا بك بين اخوانك

اخي الكريم مشكلتك هذه حصلت عندي بالضبط وبدأت بعدما انقطع عندي الواير تبع الهاند بريك ( الجلنط )

وغيروه على الضمان واستلمت السيارة ، ولكن تفاجأت اني لما اوقف السيارة على منحدر وادوس الهاند بريك السيارة تدحدر شوي بعدين تمسك

واذا كان المنحدر شديد السيارة ما تمسك ابدا، وطبعا قبل كذا السيارة ما كان فيها هالمشكلة نهائيا

وصرت ما اقدر اوقف السيارة الا على ارض مستويه لاني ما احب اخلي السيارة معلقة على القير .

وصبرت عليها لموعد الصيانة الدورية التالي وخبرت المهندس وسجل الملاحظة

وبعد استلام السيارة اجد المشكلة لازالت موجودة

رجعت للمهندس وخبرته قال ايش السيارات الجديدة كلها كذا ما تمسك على طول لازم ترجع مسافة بسيطة بعدين تمسك السيارة

قلتله هذا كلام فاضي السيارة لها عندي ستنين والمشكلة هذه ما صارت الا بعد ما صلحتو الواير حق الهاندبريك ،

وخليته يركب معي ووريته المشكلة بنفسه وكيف السيارة ترجع احيان مترين بعدين تمسك .

قال خلا ص جيب السيارة بكرة وان شاء الله يصير خير

لكن انا انشغلت وما رجعت الابعد فترة وسلمت المهندس نفسه السيارة وذكرته بالمشكلة

وقلتله لاتكلمني الا اذا راحت المشكلة نهائيا ولا ابي اسمع منك كلمة هي كذا انا وراي سفر

والله ماراح استلم السيارة الا اذا المشكلة راحت نهائيا والا راح تبقى السيارة عندكم وتفاهمي ماراح يكون معاك بعد كذا ..

قال خير ان شاء الله ولا يهمك تعال المسا تلقاها جاهزة ان شاء الله

وبالفعل جيت بعد المغرب قالي المهندس المشكلة انحلت وسببها الواير كان غير مشدود ، شوف اللامبالاة

وعدم الاهتمام بملا حظات العميل حسبي الله عليهم طلعت المشكلة كلها الواير محلول ، واستلمت السيارة

وعلى طول على اقرب منحدر وقفت السيارة وشديت الهاندبريك ماشاء الله من اول طقتين السيارة مسكت على طول .

يعني باختصار الوكالة لازم توريهم العين الحمرا حتى يهتمو بملاحظاتك ولا تستلم السيارة اذا شفت المشكلة لازالت موجودة

ان شاء الله اكون افتدك اخوي وسامحني على طول الكلام

تحياتي لك

[المكيانيكي]

الاوريون نفس المشكلة او ما طلعتها جديدة بس مع الوقت صار يمسك الهاند بريك افضل من اول
اصبر ولا تروح للوكالة لانهم بشدون على واير الجلنط لين النهاية وهذا يبي يكون له ضرر على الفحمات الخلفية لانها بتكون شبة ماسكة جلنط السيارة حتى وانت ما ضغطت عليه وبتصير الفحمات الخلفية تحتك مع الهوبات على خفيف وانت تمشي(يعني كنك ناسي الجلنط مسحوب شوي)

[جداوي غير]

تصدق المشكله دي كانت عندي وخاصه لما اكون دوبي جاي من مشوار طويل واوقف السياره في الكراج كانت تدحدر بس لمن وديتها لصيانه وغيرت الاقمشه المشكله راحت وصارت ماتجي الا بالنادر

[ياسررر]

السلام عليكم .....
هذا رقم جده المجاني
8002444400
تحويله 3
قله مشكلتك والفرع الي أنت فيه ....
وقل أني دخلتها أكثر من مرة....
وقل أبي سيارة بيدله لين تصلح سيارتي...
هذا الحل الوحيد مع الوكاله...الي شفت إنه مناسب
وبتوفيق اخي

[أبـو خـالـد]

فرحت كثيراً للاسماء اللامعة التي ردت علي ..
وعلى سرعة تجاوبكم معي ..
وان دل على شيء فإنما يدل على طيب اصلكم و حبكم للخير ..


هلا ومرحبا بك بو رغد
تصدق هذا نفس احساسي ..
لانه حرام السيارة جديدة
و لما استفسرت من الي اعرف ان عندهم افالون زيي وتأكدوا من الوضع لقوا كل سياراتهم فيها نفس المشلكة ....!!!
بس الي خلاني اصر على الاستفسار و البحث عن حل ان المواقف عندنا فيها جهه مرتفعه ..
و مثلك عارف اذا تملت المواقف لابد انك تروح لهذا الموقف المائل و تعلق سيارتك على القير ..!؟؟!


هلا بالخبير ابو فيصل ...
الوكالة ما ينفع معها الا مثل ذا الاسلوب ...
واعذارهم والمه .. ما يفكرون ...
عندهم العذر اثنين بريال
الله يكون في العون ونلقى وقت نتفرغ لهم ..ونحل المشكلة ..!!

مرحبا اخوي الميكانيكي ..
انا خايف من الشيء الي قلته ..
وخصوصاً اني سألت فني الاستقبال (مهندس) بخصوص جيب لاند كروزر الجلنط فيه ضعيف ..
وقالي ان الشد على الجلنط يعني ضغط الفحمات على الهوب ...
و بيصير مثل ما قلت ..
وبالتالي ياكل الفحمات و الهوب مع الوقت ... و يستهلكها بشكل اكبر ...
وتكون السيارة ساحبه بريك طول الوقت ..
وبصراحه المشكله مهيب هينه ...و نتيجة الحل غير مطمنه ..!!
تمنيت ان عندهم حل لا يضر السيارة و ينهي المشكله ..؟؟

هلا بك جداوي غير ..
يعني انتظر لين يجي موعد تغيير الالاقمشه و اشوف وش يصير ؟؟
بس كل متى تتغير الاقمشة ؟؟ شكل بيطول الانتظار

الف شكر اخوي ياسرر على الرقم ...
و هم ما راح يطولون بيدقون علي يسألون عن وضع الصيانة ... وملاحظاتي عليها
واذا تأخروا ولقيت نفسي فاضي بأتصل عليهم و أهزئهم واوريك فيهم

[بات مان]

يا هلا ويا غلا اخوي ابو خالد والله اني ماعندي معلوميه عن هاذا الشي الله يساعدك اخوي


تحـــــــــــــــــــــــــــــــــــــــــــــيات ي لك

[الـــقـــرنــي]

ابو خالد والله انا عندي نفس المشكله ويوم دخلت السياره الوكاله تشييك 1000 كم وقلتلهم قال المهندس خلاص نشيك عليه وكانك يا ابو زيد ما غزيت لا كن تجنب الوقوف في المنحدرات لانها راح تخرب عليك الهند بريك مع الوقت

[أبو ريان]

انا كانت عندي نفس المشكلة

دخلتها صيانة العشريت ألف، وقلتله أبي الجلنط 8 طقات

وبس :d

هذا الأستاندرد حقها، لا أحد يتفلسف ويقول تخلص القماشات ولا الهوبات

خليها 8 طقات وادعيلي

......

وبعد كذا، حاول تسحب الجلن بشويش، يعني لا ترصه كأنك ترص كلتش، لأن كذا بيخليه يرتخي مع كثر الدعس بقوة


تحياتي لك

[ابوفيصل]

المشاركة الأصلية كتبت بواسطة أبو ريان

انا كانت عندي نفس المشكلة

دخلتها صيانة العشريت ألف، وقلتله أبي الجلنط 8 طقات

وبس :d

هذا الأستاندرد حقها، لا أحد يتفلسف ويقول تخلص القماشات ولا الهوبات

خليها 8 طقات وادعيلي

......

وبعد كذا، حاول تسحب الجلن بشويش، يعني لا ترصه كأنك ترص كلتش، لأن كذا بيخليه يرتخي مع كثر الدعس بقوة


تحياتي لك

كلام سليم اخوي ابو ريان 100%

هذا اللي صار معاي بالضبط

ولا اثرت على الفحمات ولا شي

[أبـو خـالـد]

مرحبا بـ بات مان ...
خلنا من الافالون وقلي ؟؟
الاصورة الي بشماغ و الي في توقيعك زرقاء أخوان ؟؟ والا وحده وانت صغير و الثانيه بعد ما كبرت
ياخي من زمان أقرا لك ردود وكان نفسي اسالك عنها
تسلم لي على طلتك على الموضوع ويكفيني ردك ..
و الرد بحد ذاته هو زبدة الموضوع
الف شكر على تواجدك ..


حي الله القرني ..
انا نفس الشيء ..
ابشر و شيكنا لك على البريك ..
و الجلنط مضبوط ...
والي يقهرك انهم كاتبن في الفاتورة تشييك على الجلنط ..!!!
وأخرتها مثل ما قلت .. تيتي تيتي تيتي مثل مثل ما رحتي جيتي


جميل جداً
وابو ريان نور الموضوع
والله يا ابو ريان انك اعطيتني دفعه معنويه ...
وفتحت نفسي بصراحه ...
للجلنط ابو 8 طقات
اما مسألة الضغط زي الكلتش سبحان الله كأنك جالس تتفرج عليّ
ما يمسك الجلنط الا على اخر طقه ...
يوم اعلق على اخر شيء ..

وبصراحه ما دام في اجماع (صوتين خير وبركه كل المشاركات تفردت بأراء مختلفه)
شكلي بعد طقات الجلنط اليوم اذا الله أراد و احدد معهم موعد و ادخلها الصيانه ...


بس الاشكالية اذا كان عندي اصلا الجلنط 8 طقات وش السواه ؟؟

اركب لي سلسله واربطه في عمود الكهرب عشان ما تدحدر


الله يعطيكم العافية ..
والف شكر قليله في حقكم ...
لكم جزيل الشكر و الامتنان ....

والي عنده رأي زياده لا يبخل علينا ...