[عطر الحياة]

الدنيا قضاء وقدر ونا بصراحه تعرضت للحادث الثالث في سيارتي الكامري 2007
الحادث الأول على باب السواق .
الحادث الثاني خلفية السيارة كاملة وهي واقفه
الحادث الثالث مأساوي .
بصراحه تعبتني الكامري ما أدري وش فيها احس ان فيها شي بس ايش ما أدري ..
اللي ابغى منكم اعزائي الاعضاء انكم تنصحوني وش اشتري سياره ؟
الله يبعد عنكم ايام الشر .

[أبو عابد]

السيارة يا اخوي لونها اسود؟
انصحك كل ما تركب السيارة تقول دعاء ركوب السيارة ومن ثم اية الكرسي والمعوذات وقبل هذا كله المحافظة على الصلوات والله يا اخوي هي الحصن الحصين باذن الله من الحوادث
انا سيارتي الان لي معها 3 شهور والحمد لله ما قد لمستها سيارة
وأسال الله ان يبعدك عن شر الحوادث والحمد لله على السلامة والله يعوضك خير

[علي بن عايض]

اول شي الف حمد لله على السلامة اخوي عطر الحياة ( ان شاء الله تكون في صحة و عافية )
ثاني شي انا اقول ان السيارة فيها عين و العياذ بالله و عندي لك قصة صارت مع ابوي ( الله يرحمه و يسكنه الجنة ) ذاك اليوم اشترى سيارة مرسيدس من المعرض في الصناعية يوم كنا في تبوك و بعدين جلست السيارة معها مده سنة و 4 شهور و بعدها الا و كل ما جاء الوالد يسوق السيارة الا و يصدم فيها و اليوم الثاني نفس الشيء و بعد 3 اسابيع نفس الشيء بعدين قرر انه يبيع السيارة و الحمد لله ربك سلم و جاب العواقب سليمة محد مات في الحوادث كل ما في القصة انها مجرد عين ما صلت على النبي
اما بالنسبة للسيارة اللي تبي تشتريها شوف ايش اللي قلبك نفسه فيها و ايش عقلك يفكر بأي سيارة و توكل على الله و اذكر الله و صلي على النبي
بالتوفيق اخوي عطر الحياة و تقبل مروري

[ستورم]

مشكلة اللي مايقول ماشاءالله
وبعدين ترى العين حق
وانت راكب السيارة
قل : بسم الله توكلت على الله ولا حول ولا قوة الا بالله
وان شاءالله مايصير الا كل خير
ومن ناحية السيارة اللي بتشتريها فإن شاءالله بيفيدونك الاخوان

[بو سعود]

جايتها عين

دايما اذكر الله


وبنسبة للسيارة اللي انت تحبها اشترها

[وحيدالحي]

الحمدلله على السلامه اخوي عطر الحياة في الحديد ولا فيك

الله يعوضك الي احسن منها

[ابوعبودي]

الحمد لله على سلامتك والله يعوضك باحسن منها
ولا تنسى دعاء الاستخاره

[* النهيم *]

الحمد لله على السلامه

مع عشقي الدائم للكامري Se

انا اقولك جرب الهوندا Accord

انا شريتها وماشاء الله موتر حلو وفخم ومريح وراسي بالخط

وانت رح للمعارض وجرب لك وحده

والله يوفقك دنيا و آخره

[متعاون]

أخ عطر الحياة حمدلله على السلامة

نصيحة لك خذ اوريون فل أو أقل نوع على حسب فلوسك صرااحة حلوة وماكينه قوية

أو

كامري se رياضية حلوة