[مسكين سوفت]

انا نويت اخذ افالون لميتد .... احتمال كبير اخذ 2007 مو 2008 ...... لاختلاف السعر ...... (ماتوقع فروق كبيره) ؟

انا بغيت استفسر شلون السياره على الخطوووط ؟ (لأني بكون دايم السفر)تقريباً اسبوعياً ؟ وكيف مريحه ؟
والسياره دفع أمامي ؟ .... يعني كيفها راسيه ... وكيف العكوس ماتخرب كثير؟؟؟؟
وكيف خراباتها ؟ دايم تخرب ؟؟؟
وهل تنصحون بالإنتظار للـ 2008 ؟؟

[مسكين سوفت]

بغيت اسأل عن ..... جودة العزل الصوتي .... وكيف تنسيم الهوا ؟!!؟

[الأسد المتوحش]

2007 انتهت من الوكالة عند أبو جميل بحسب كلام الوكالة في جدة

[مسكين سوفت]

افا ....
طيب كيف السياره عموماً !!

اقولكم شباب هل خاصية الرادار الليزر موجوده ولا لا ؟ الي بتتحسس السيارات الي قدامها ولا هذي من المواصفات الي ماتجينا !!!!

[مسكين سوفت]

للرفع....للرفع....للرفع....للرفع....للرفع....للرفع ....

[مسكين سوفت]

شدعوه 55 مشاعد وواحد رد بس !!

[الحـ(درب)ـب]

انا سافرت بالسيارة بأسبوع واحد
وقطعت فيها حوالي أكثر من 7000 كيلو

اللي ابي اقووله لك ان السيارة فيها عيوب وفيها مميزات
عيوب :
1. وجود تسريب خفيف للهواء (( واللي اضن انه مش تسريب ولكن ضرب الهواء بالمراية الجانبيه ، احس ان الصوت صادر منها لكبر حجمها))
2. تنزل السيارة بشكل ملحوظ عند تحميلها كمن شنطة (( وهذا يخليك تاكل المطبات اكل ))
3. عدم وجود نيفيجيشن يدلك على الطرق

ومن ميزاتها:
1. اقتصاديه بالبترووووول بشكل فوق المتوقع (( كأنها اربعه سلندر))
2. رحابه من الداخل للأربعه ركاب لدرجة تبعث بالنووم (( مريحة ))
3. ماتتأثر بالنزلات المفاجأة اللي بالشارع (( جامبيناتها مريحة يقارب للأمريكي القديم ))
4. مكييييييييييييف باااااااااااااااااارد مع الخطوط (( اضن لثبات الريس على سرعه معينه ))
5. لايوجد صوت للمحرك إلا بعد 180 (( اضن لعدم وجود الجير السادس بس هدوئها محسوووب وهو اللي يخليك تميز صوت تنسيم الهواء عن غيرها من السيارات))
6. تجاوب سريع للظغط المفاجئ للبنزيل في حالة تفادي سيارة بشكل إظطراري.
7. اسمها تويوتا افالون

[مسكين سوفت]

شكراً درب الحب ...
على كذا يقول الاخ خلصت 2007 ! .... ناخذ 2008 ...
الـ 2008 ... 6 سرعات .... تتوقع بتكون اهدأ ؟ ولا ممكن انه ماراح تنزل عندنا ؟
تنصحون بالسياره وخاصة بهذا السعر .... يعني سعرها فيها ولا لا ؟
واانا حست الوكالات كلها .... ورسيت على الافالون كسعر مقابل مواصفات ولو اني ملاحظ ان التيوتا اسعارها مبالغ فيها كثييييير ......
وهل هناك سياره تتوقون تكون اكثر جوده وافضل من الأفالون وتنصحون فيها ؟!
مولازم تيوتا ؟! والاوريون بصراحها سعرها جداً جداً مبالغ فييييه...

وكيف السياره مع المطبات ؟؟؟؟

[بنت الخران]

موديل 2008 فيها تغيرات

مثل القير بوكس بيكون ست غيارات

صفيحه البريك كبروها اشوي الدرام وييل

لون الخشب من الداخل غيرووه للون اخر

الكشافات الاماميه صارت دائريه

الليتات الخلفيه led

الرنكات

وممكن النفيكيشن يكون فى الخليجي او لاء

والله العالم


السياره ممتازه جدا جدا جدا ننصح بها كل المشترين بمواصفاتها وحجمها المالي وحجم السياره من الرحابه

وفى المطبات ممتازه جداا

ننصحك بشراء الافلون 2008

[مسكين سوفت]

شكراُ بنت الخران ....

لكن عندي سؤال لك أو لكِ .. !
وشو الخران ؟!

وترا مطباتنا مو مطبات احنا !!! احنا عندنا الشاره مطبه كله ... يعني ماندري احنا عندنا بدال كايحطون مطبه لا يحطون لنا شارع .... !!! ....!!

[بنت الخران]

معناه الله يسلمك اني من اهل راس الخيمه من الامارات

من منطقه الخران الرمليه المعرووفه والتى بالقرب من عوافي

تسميتها ترجع الى خرير الماء اللي كان متوفر بكثره فيها نسبه لأنخفااضها

[مسكين سوفت]

شباب تتوقوعون كم سعر موديل الـ 2008 ؟؟

[أحـ أفالون ب]

أتوقع أول ما تنزل راح تكون ب 128 ألف وبعد كم شهر 125 مجرد توقع