[متوكل على الله]

السلام عليكم ورحمة الله وبركاته
كيف حالكم عساكم بخير انا عضو جديد
انضم الى هذا المنتدى الرائع
المهم عندي مشكله في المكيف حق الوانيت 97 شغال ما شاء الله عليه
بس المشكله فيه صوت يطلع مع تشغيل المكيف مزعج
صرير وديته لكم مهندس مانفع نفس الصوت
والغريب انه يختفي الصوت لامسكته الخط ولا وقفة عند الاشاره يطلع الصوت

أتمنا ان أجد عندكم الحل باذن الله
وأسف على الإطالة

أخوكم / متوكل على الله

[تــ تيربوــــون]

بدل سير الكمبريسر

السموحه

[فرحة لقانا]

من السير او البكرة حقت الكمبروسر

عوافي

[ابوفيصل]

والله اخوي انا كنت بقلك من كلتش الكمبرسر

لكن انت تقول وديتها لاكثر من مهندس وما عرف المشكلة

خليتني احتار

الله يكون بعونك ان شاء الله

[متوكل على الله]

تــ تيربوــــون ، فرحة لقانا ، ابوفيصل
رايح اغير السير أولا وبشوف
وبعدين أشوف البكرة لانه المهندس الي وديت السياره عنده شحم البكرة و بس
كلتش الكمبرسر اخر العلاج
مشكورين على المعلومات المفيده
وفي النهايه نتوكل على الله
أخوك / متوكل على الله

[بنت الخران]

في قطعه فى محور الكمبريسر لو كان الصوت فى الخارج


اما اذا كان الصوت من الداخل

جنب السايق تحت الطبلون فى حجره الهو ( مراوح التدفق للمكيف )

تأكد من نظافتها ممكن عالك فيها كيس ولا كرتونه افحصها وشووف

[المكيانيكي]

بدل السير اكيد قديم بحكم ان السيارة موديلها 97 ويروح الصوت

[اسمي]

اخوي
السلام عليكم

كان معي هايلوكس 92
طلع نفس الصوت عندي
صرير يطلع من الكبوت
رحت لمهندس
شد سير المكيف فقط ولا اخذ ولا قرش
واختفى الصوت نهائيا ولله الحمد

اتمنى انني افدتك
تحيتي

[كربوع]

السلام عليكم

المشكله عندك من حاجتين لا ثالث لهما

الاولى / السير ( وهذي تطلع عندما تبي تمشي او تدوس بنزين )

الثانيه / رمان الكمبروسر ( وهذي تطلع عندما تكون واقف او تمشي بشويش وتروح مع المشي ودعست البنزين )

يعني احد المشكلتين ياتبدل الرمان او تشد السير



وتقبل مروري

المهندس / كربوع