[كريتشر]

السلام عليكم يا اخواني

انا عندي مشكله بسيارتي التورينج واتوقع برضو اي واحد معه اوريون تورينق اما عن القراندي لا اعلم.

المشكله هي ان الموتر لو تنقز بعلاقه او لا قدر الله انكسر الزجاج حق السيارة وانسرقت مافي انذار ولا اي تنبيه وكأن شياً لم يكن .
فا اتمنى من اخواني انهم يشوف حل لهذه المشكله ويساعدوني انا واخواني فيها.
ارجو منكم الافادة يا اخوان ترى العالم في الوقت هذا مالها امان الله يكفينا ويكفيكم الشر.

شاكر لكم

[شادي س س]

لا يوجد جهاز انذار في الاوريون بكل فئاتها .
وقف سيارتك وتوكل على الله ........... واذا انك حريص مرة ركب جهاز انذار.
تقبل تحياتي

[كريتشر]

يعطيك العافية يا اخوي شادي
بس ما ادري اذا في شي يستاهل يعني جهاز انذار زي الناس كل الي اخبره حق الغرابي البايخ
تلقاه ب 90 ولا ب 100 ولا ادري اذا في احد ركب من الشباب قبل ياليت يفيدنا لأن هذا اهم شي.
الله يستر مالها داعي اركب الشاشة واليوم الثاني اجي ما احصلها . ما شاء الله على الي عنده قراش بالبيت.
مشكور جدا يا اخوان

[ابوعبودي]

وعليكم السلام
انا يوم استلمت السياره من الوكاله كان عندي خبر عن هذه المشكله عن طريق المنتدى فقلت لحق المبيعات هذا الشى فقال لي اثبتلي:
فدخلت داخل السياره واعطيته الريموت وقلتله قفلها بالريموت وروح بعيد طبعا الرجال قفلها وراح بعيد وبعدها فكيت القفل حق الباب من الداخل وخرجت منها ولا انذار ولا شي فاسغرب الرجال وبعدها نادى رئيس الصيانه وسويت الوضع قدامه فقال لي انا حسال وارد عليك وبعدها ناداني وقال لي انا سالت حقون جده وقالولي هذا النظام هو كذا وحتى في اللكزس نفس الشئ.
فقلت يالله دورك اثبتلي انو اللكزس نفس الشى . ورحنا صاله العرض وكان في لكزس واقف ( والله ما ادري وش نوعه ) وجربت نفس الشئ فيه ومع الاسف انو من جد نفس النظام موجود في اللكزس لا انذار ولا شئ .

وبعدها قلت يا عمي وش اسوي غير انو اوقفها واتوكل على الله .

[ويلي]

طيب محد يخبر انذار نقدر نعتمده ..؟

[المكيانيكي]

اعتقد السوق فيه اجهزة انذار كويسة
والسيارة اللي يجي فيها انذار ضد السرقة يكون عليها استيكر في القزاز الجانبي للسواق والراكب انه يوجد فيها انذار ضد السرقة
ترا الكزس فيها بس شكل اللي في الوكالة ما عنده سالفة

[نايف العتيبي]

يا اصحاب الاوريون هل انتم مصدقين انكم راكبين مركبة فضاء

مثال :

احد اقربائي عنده مرسيدس S 350 موديل : 2005 كسرت الزجاج للباب الامامي للسائق و سرق جوالاته و لا صوت انذار و لا شي

هذه سيارة المانية و معروفه مرسيدس

و تاتي و تقول : اوريون

[ويلي]

^^^
طيب يخوي وراك زعلان
هد اللعب

[حياة_التميز]

يا شباب من وجهة نظري الخاصة فيه اكثر من وسيلة حماية بالسيارة او بمعنى اصح تذكير و طبعا هالشيء جدا حلو

مثلا لو تركت اي شيء مفتوح او في غير محله ( مثل السقف مفتوح , الشنطه " الدبة " مفتوحة , المفتاح داخل السيارة , الوضع على N و غيرها في كل الحالات راح يطلع لك صوت و ما تقفل السيارة و انا جربتها , بالنسبة لانذار السرقات ما اتوقع انه فيه بالنسبة للشبابيك لو انكسرت بس اتوقع بالابواب فيه انذار و جربتها باكثر من طريقة و طلع صوت بس والله ما ادري هل هذا انذار ام مجرد اشارات تحذير . كان معاي كامري امريكي موديل 98-99 و كان فيها انذار بيلت ان ( شد بلد ) و الاورين ما فيها انذار ؟؟ بس مو مشكلة تركيبها سهل و بسيط و على ما اعتقد بالوكالة عندهم انذار و تسخين سيارة



بالنسبة للاخ نايف ( مراكب ايش و فضاء ايش < شكلك و انا اخوك توك مخلص Star Wars الجزء الاول ) و على فكرة كلامك خطاء انا واحد من اعز اصحابي عنده s350 بكيت S600 موديل 2004 و فيها انذار و تحفظ البصمة و تشتغل بزر ووو الخ . شكلك مضيع يابو

[دقات قلب]

المشاركة الأصلية كتبت بواسطة نايف العتيبي

يا اصحاب الاوريون هل انتم مصدقين انكم راكبين مركبة فضاء

مثال :

احد اقربائي عنده مرسيدس S 350 موديل : 2005 كسرت الزجاج للباب الامامي للسائق و سرق جوالاته و لا صوت انذار و لا شي

هذه سيارة المانية و معروفه مرسيدس

و تاتي و تقول : اوريون

نعم مركبة فضاء .. عندك مانع <*****

[دقات قلب]

المشاركة الأصلية كتبت بواسطة حياة_التميز

يا شباب من وجهة نظري الخاصة فيه اكثر من وسيلة حماية بالسيارة او بمعنى اصح تذكير و طبعا هالشيء جدا حلو

مثلا لو تركت اي شيء مفتوح او في غير محله ( مثل السقف مفتوح , الشنطه " الدبة " مفتوحة , المفتاح داخل السيارة , الوضع على N و غيرها في كل الحالات راح يطلع لك صوت و ما تقفل السيارة و انا جربتها , بالنسبة لانذار السرقات ما اتوقع انه فيه بالنسبة للشبابيك لو انكسرت بس اتوقع بالابواب فيه انذار و جربتها باكثر من طريقة و طلع صوت بس والله ما ادري هل هذا انذار ام مجرد اشارات تحذير . كان معاي كامري امريكي موديل 98-99 و كان فيها انذار بيلت ان ( شد بلد ) و الاورين ما فيها انذار ؟؟ بس مو مشكلة تركيبها سهل و بسيط و على ما اعتقد بالوكالة عندهم انذار و تسخين سيارة

موكلين امرنا لله ..

ملاحظاتك حلوة ... لكن نبغى نركب هالانذار بـ احاول اشوف الوكالة وش عندهم المرة الجاية
ما لها الا الوكالة

[حياة_التميز]

ونحن بانتظار قلبو


تحياتي

[كريتشر]

السلام عليكم
شاكر لكم يا اخواني على ردودكم السريعه وحرصكم على الموضوع واتمنى اننا نلقى الحل الافضل وباسرع وقت .

[اوريون الشرقية]

اعتقد ان زيبارت عندهم جهاز منع السرقة ومضمون..........

وبالنسبة ان اللكزس مافيها نظام سرقة انا اخالفكم الراي لان اللكزس حقنا اذا قفلت السيارة بالرموت وانت داخلها وبعد 30 ثانية حاولت تفتح القفل من الداخل يشتغل الانذار.........

[كريتشر]

يعطيك العافيه اخوي اوريون الشرقيه
وانا ان شاء الله بروح لهم واسال عنه
شاكر لكم

[ملك الخطوط]

السلام عليكم الحل الامثل
http://www.movalarm.com.sa/
تحياتي سويد اس اس