[محمد أبوفهد]

قبل شهر ونصف حصل حادث بسيط لسيارة

والحمدلله ماراح ألا اصدام الخلفي أنشق

رحت للوكالة ( وكالة وادي الدواسر ) وقالو لازم تغيير الصدام وبيكلف مع البوية والتركيب 1500 ريال

قلت مافيه مشكلة

وبعد مادخلت السيارة وركبوا الصدام

لحظت أن لون البويه حقت الصدام متغيرة بشكل واضح عن بوية السيارة

لون السيارة أبيض لؤلؤي

رجعت للوكالة بعد أسبوع

وقلت لهم المشكلة وطلع معي المدير

وشاف السيرة وقال الصدام متغير لونه وبنعيد صبغه مرة ثانية

دخلت السيارة للمرة الثانية وبعد ماطلعوها نفس المشكلة ماتغيرت

وقال لي مدير الوكالة البوية على البلاستك لازم يكون فيها بعض التغير وماتجي مثل شد البلد .

هل كلامة صحيح ؟

يليت يفيدني من حصلت له هذي المشكلة ( لون لؤلؤي )

ولو رحت لغير وكالة وادي الدواسر هل بتنحل المشكلة ويعدون البويه على الضمان ؟

والله حرام 1500 ريال ومايعرفون يضبطون البوية

والمشكله لويقعد كذا خربو والله شكل السيارة

أرجو الر د .

[نسكافيه]

نصابيييييييييين

عشانك في محافظة ومدينه رئيسية عمالها اي كلام

لو انك في احد المدن الرئيسية كان تشوف الشغل مظبوووط

واحد اعرفه مغير رفرف سيارته لؤلؤيه 2007

قسم بالله ما بيييييييييييييييييييييييييين

ماشاء الله تبارك الرحمن

يعني البلا من وادي الدواسر

قل لهم يرفعون المشكله هذي لجده والا الرياض وشكرا

[الحـ(درب)ـب]

لا لا

انا سيارتي مافيها اي دعمه

ولون الصدامين الأمامي والخلفي والقطع البلاستيك اللي تحت الأبواب متغير اشوي
وبشكل ملحوظ

واغلب الأفالونات كذا


لاتعور راسك
ترى هو في تغييير خفيف باللون
بس الوهم يخليه بعينك فرق كبيييييييير


وتقبل مروري

[بنت الخران]

الحمد لله ما في تغيير ولا شى

حتى اني صبغت الصدام ولا تغير لونه ابداا



مثل ما قالك راجع فى مكان اكبر فيه عمال اكفئ مثل الرياض

[الأسد المتوحش]

مو معقول لو ديته الصناعية كان طلع نفس اللون

مصيبة والله وكالة يطلعون كذا والمشكلة دافع مبلغ مو بسيط

أوقف لهم واتصل على الإدارة في الرياض واشرح لهم وضعك

الله يعينك عليهم

[محمد أبوفهد]

يادرب الحب

لون الصدام الأمامي يختلف عن الصدام الخلفي وكلهم بلاستك

الأسد المتوحش فيه رقم خاص بشكوى ؟

ياليت تقوله لي إذا موجود

وشكرا على مرور الجميع

[محمد أبوفهد]

ياليت أحد من الأعضاء يرد علي

[ياسررر]

السلام عليكم ....
محمد ابو فهد

هذا رقمهم
8002444400

[محمد أبوفهد]

أخوي ياسر
الله يجزاك خير ويعطيك العافية