[رياضي]

اخواني اعضاء منتدى تويوتا العرب

أحب اسأل عن مثبت السرعة متواصل التغيير أو المسمى مثبت السرعة المتقدم (كما في الصورة) وهو يقوم بتقليل سرعة السيارة للمحافظة على مسافة محددة عن السيارة الأمامية أثناء تثبيت السرعة. أعتقد موجود على GS و LS,

السؤال هو هل من الممكن طلبة أو تركيبة على ES عن طريق عبداللطيف جميل؟

الصورة ل ES أمريكية

[مخترع البرايه]

ياخوي هذا موجود عند عبدالطيف جميل بدون ماتطلبه

[محمــــــــــد]

لا يا خوي مو موجود عند عبداللطيف جميل في سياراته والحين عرفت مكان الزر ليش مغطى
وما اتوقع اخوي انه موجود في الgs وال Ls ما ادري
وما عندي فكره لو يمديك تطلبه ولا لأ

[طالب جامعي]

هذا أخوي ماهوي موجود على الgs متأكد أخوي

ماأتوقع أنو يمديك تطلبه ........

بس الشي اللي يقهر من جد أنو أغلب سيارات تويوتا الموجودة بامريكا متوفر فيها النظام هذا حتى الأفالون<*****<شكله بيطلب وحدة أمريكية خخخخخخخ



بالتوفيق أخوي........

[ابو كيموو]

والله اتوقع انه موجوود في ال es350 السعودية توقع وتحياتي

[رياضي]

الأخوان مخترع البرايه, محمــــــــــد, طالب جامعي, ابو كيموو

شكرا على الردود

هذا غير موجود في ES 2007, يمكن في 2008 إذا احد من الشباب عنده علم يفتينا تكفون

ما أدري على ايش ماخذ ابو جميل 149000 ريال للسيارة

اعلا الأسعار بأقل المواصفات...

[التقني]

أحبائي مساكم الله بالخير
هذي الميزة تسمى الرادار مع الكميرا الأمامية
و من مميزاتها تقليل السرعة اذا غفل السائق و تصوير الحيوانات عن بعد
و أعتقد أنها بتنزل مع البانوراما لأ السعر 166 ألف ريال

[رياضي]

أشكرك اخوي التقني على الرد

هذي الميزة إلى تتكلم عنها شفتها في برنامج عن الls460 وهي متقدمة اكثر من موضوعنا و مالها دخل في مثبت السرعة و مثل ما قلت أنت تقلل السرعة إذا غفل السائق او وجود خطورة على الطريق وأكثر من كذا تقوم بإيقاف السيارة تماما حتى من غير استخدام مثبت السرعة
وهي ميزة جديدة في 2007 اما نظام مثبت السرعة المتقدم نزل أول مرة في 2005 على Gs الجديدة

وعلشان أوضح الصورة هذا تعريف نظام مثبت السرعة المتقدم

نظام مثبت السرعة المتقدم الذي يمكن أن يعدل تلقائيا سرعة السيارة من اجل المساعدة في الحفاظ على مسافة محددة مسبقا بين سيارتك و المركبة في المقدمة باستخدامات الموجات الراداريه الملليمترية.

[راعي الإي اس]

يعطيك العافية يا أخوان على المعلومات

ومشكوووورين على هيك موضوع


تحياتي لكم :

[أفالون خاص]

للأسف مو موجودة عندنا .. اللي يقهر ان هذي الميزة موجودة في الأفالون اللي تباع في أمريكا من عام 2005
واسمها Dynamic Laser Cruise Control

[ابو كيموو]

وووالله عجيب ياناس ابي اعرف ليش احنا متأخرين عن العالم في كل شي حتي في السيارات واحنا من اغني دول اسيا او نقيم من الدول الغنية في اسيا ووالله قهر يحرق الصدر اااه ه

سلاااااااااااااااااااااااااااااااااااااااااااااااا اااااااااااااااااااااام

[كامري الزياد]

الله يرحم امكم هاذي موجوده في ال Bmw 2003

ومااتوقع ان لكزس تعرفها

هاذي اتوقع ان جت تب تجي في ال Ls460

[طالب جامعي]

8
8
8
لا ياشاطر هذي زي ماقلتلك موجودة حتى بالأفالون اللي بامريكا بس ماأقول إلا الله يهديكم ياوكلاء الخليج .....

الbmw مواصفات على غيييير سنع من واقع تجربة مريرة مع الوالد حرمنا من خلالها التعامل مع هالشركة ومع وكيلها النصاب ولا ويقولون عبداللطيف نصاب والله ماشفتوا النصب بعيونة......


وما أقول إلا الله يخليلنا لكزس ومرسيدس وبس

[م.طموح]

أنا اللي أعرفه ان المواصفة موموجودة في Es 2007 لكن موجودة في المرسيدس فئة E على حسب الطلب.

[ابو بكري]

يا رجال انا من ناحيتي اتوقع انها توها نزلت في لكزس Ls 460 اما الباقي فلا

[ابـــو عـــاطـف]

والله هالزر اول مرررة اشوفه هنا بالمنتدى

(( صبروا ابروح الحوش اشيك على موتري ))

ههههههههههههههه

[شيخ البانوراما]

المشاركة الأصلية كتبت بواسطة التقني

أحبائي مساكم الله بالخير
هذي الميزة تسمى الرادار مع الكميرا الأمامية
و من مميزاتها تقليل السرعة اذا غفل السائق و تصوير الحيوانات عن بعد
و أعتقد أنها بتنزل مع البانوراما لأ السعر 166 ألف ريال

اخوي التقني للأسف ما نزلت في 2008 بس موجوده في الـ ال اس 460 2007 ..