[امانى محمد]

السلام عليكم..
فى البدايه حبيت اقدم نفسى كمشتركه جديده فى هذا المنتدى والتوفيق للجميع

سيارتى لاند كروزر 2001 وحابة جدا فكره التغيير او الترهيم ارجو تزويدى بكافة الخطوات التى يجب على عملها من انوار اماميه وخلفيه والقواعد التى يجب على تبديلها وهل هناك انواع للشبك الامامى وبالنسبة لأكسسوارات الداخلية هل استطيع تجديدها مع لوحة العدادت اما بالنسبة للسؤال الاخير اذا صبغت الصبغة الجديده الؤلؤى هل هذا ينزل من قيمة السيارة وقت البيع ؟ ارجو تزويدى بالخطوات واسعار القطع فى دولة الامارات ..
لكم جزيل الشكر

[هاهاها]

ياخوي بيعة وخذلك اللؤلؤي2007

[المعلــــم]

كلام اخوي هاهاها صحيح............

مهما حطيت به من اكسسوارات مهب مرتفع قيمتة عند البيع إلا إذا كنت تقول ابي الشكل و منب مفكر بالبيع.....

لكن تبي شكل و قيمة بع و خذلك 2007 افضل لك...........

[المنتحي]

الاخت اماني

الفلوس اللتي ستخسريها على الترهيم والتحديث للسياره بيعي السياره وزيدي عليه المبلغ واشتري

موديل احدث وارتاحي فلايمكن للعجوز ان ترجع شابه مها فعلت


احترامي

[الحـسـن]

مايصح اختي أماني تستثمري أموال في ترميم الـ 2001 وبعدين حتى لو زينتيه ماراح يتحسن سعره عند البيع، وبالنسبة للصباغة بالتأكيد راح تنقص من سعر السيارة عند العرض.

[راعي الكروزر99]

السلام عليكم

مرحبا فيج اخت اماني معانا عضوه واتمنى تفيدي وتستفيدي

قبل كل شي يا شباب انا اعارض رأيكم لانه خطأ في نواحي عده وبعض النواحي صحيحه

أولا انا موتري موديل 2000 بس خذيته شهر 10 1999

ولليوم ماشي 120 ألف وصيانة الوكاله ومهتم فيه

المهم لما نزل الشكل الجديد فكرت ابيع موتري واخذ الجديد بس واحد من الشباب يقول " الموتر اللي في الوكاله نفس موترك من ناحية امكينه والقير والقوه فليش تخسر الموتر اللي هو ماشي معاك مظبوط وعارفه 100% ليش عشان مجرد اكسسوارات ليش ما تشتري الاكسسوارات وتعدله
وفعلا
رحت السعوديه الدمام لان انا من البحرين
واشتريت الانوار الاماميه والشبك الامامي ابو شنب والانوار الخلفيه واشتريت البمبر الامامي + اللحيه ((الدقن)) والجنوط خذيت جنوط جنوط لكزس قياس 17 إنج وخليت عليه علامة تيوتا وحطيت خطوط 2007 ومن الداخل وضعت شاشتان واحده في الامام وواحده في السقف والمراتب نجدتهم جلد ألماني وسويت لها تخشيبه والعدادات سويتهم عدادات 2007 وذهبت لمحل زيبرت وخليتهم يسوون لي أندر سيل تحت السياره وأرضية السياره عملت عليهم غطاء شفاف للحمايه مع وضع دوسات 2007 والموتر كل من يشوفه يقول ما شاء الله بكم طلعته من الوكاله اقول لهم هذا موديل 2000 ينصدم كلفني هذا التعديل 1500 دينار بحريني فقط يعني بالسعودي 15000 ريال فقط قريب بنزل صورته بس منتظر شغلات تستوي وبعدين بنزلها

[الشقردي الأول]

السلام عليكم ورحمة الله وبركاته
أختي أماني محمد حياك الله بينا عضوة ونورت المنتدى
بس الغريب أنت من الزلفي وكيف تكون عندك سيارة وما فيه عندنا بالزلفي بنات تسوق سيارة أو حتى في المملكة شيء غريب