[سراب كامري]

سلام


كيفكم شباب


اسمحولي ابدا اول مشاركة لي بستفسار

عندي كامري gl للاسف جاية من الوكالة بدون ريموت

ابغى اعرف سعر الريموت لا هنتم

[راعي اليمامة]

الأخ سراب كامري

انا عندي نفس موترك بالضبط وبدون ريموت

واليوم رجعت من الوكالة

وقالوا لي بـ 550 ريال شامل التركيب وضمان 6 شهور

بيني وبينك ما ركبته لأن مافيه جهاز انذار ولا شي ويستغرق التركيب 2 ساعة


مشواااااااااار


ارجو اني افدتك

[سراب كامري]

مشكور وما قصرت

الله يعطيك العافية

بس حقيقة 550 ريال
كثير مرة

شكلي باركب لي واحد خارج الوكالة

[راعي اليمامة]

دامك مركب مركب

فترى اللي برا

ما ينقصون كثير

يعني يمكن تحصله بـ 250 + 50 ريال تركيب

وبدون ضمان

زائد عامل المخاطرة


فرأيي ان الوكالة اصرف لك

حتى لو خرب شي ثاني هم اللي يصلحونه

وتقبل شكري

[أبو عابد]

والله انا عندي جي ال وصلحته من الوكالة وطلع 100% شغل نظيف

[سراب كامري]

ما شاء الله

بس لو تقولنا كم كلفك يا غالي

ويعطيك العافية

[دقات قلب]

شفت كامري منذ حوالي اسبوع جي ال اي اتوماتيك
وكان سعرها 71500 ريال طبعا بدون رموت

اخذنا كامري جي ال اي ليمتد اتوماتيك
وكان سعرها 72500 ريال ومعاها 3 مفاتيح وعدد 2 ريموت

يعني الفرق 1000 ريال

[الجبل الشامخ]

من الوكالة اضمن لك

[أبو عابد]

المشاركة الأصلية كتبت بواسطة سراب كامري

ما شاء الله

بس لو تقولنا كم كلفك يا غالي

ويعطيك العافية

كلفني 550 مع التركيب

[عليك لمبه]

انا مركبه قبل 3شهور ورهيب ماشاء الله تبارك الله .. بس انتبه خلهم يربطون مفتاح الشنطه زين لان بعد فتره ماقام يفتح الشنطه .. الا يوم انا والسواق ربطنا السلك تبع قفل الشنطه وفتح .. لانه ارتخى ولا كان مشدود زين فحبيت اقولك تجربتي بكل امانه .. والتوفيق والبركه مقدما ..

[حبيتك يا كامري]

انا انصحك انك تركبة من الوكالة
وبالنسبة للي يقول مافي جهاز انذار حتى glx مافيها انذار
اللهم بس انك انت بنفسك تضغطه فيبدا العرض بتشغيل النور وتطفاته وهكذا والبواري تشتغل ومن ثم تتوقف يعني مامنه فايده
الا انك تتحكم بالريموت بفتح البيبان والشنطة وتقفيلها فقط
فإذا انت معزم ركبه بالوكالة ولا تركبه عند غيره يلعبلك بالكهرباء
والوكاله شغلهم مضمون صحيح انهم غالين شوي بس اضمن لك وش تسوي
احسن من الغرابي وطقته لو خربوا عليك الكهرباء مراح يساعدونك الوكالة لأنك ماركبته عندهم
تقبل مروري

[ي&و&س&ف]

ركبه بالوكاله وتوكل على الله بتلقى رخيص بمحلات الزينه لقيت ريموت 150 ريال بس انواع مضروبه اكثرها ودمت بخير

[احـــ قلبي ــب]

مالك الا الغرابي وراح تحصل طلبك هناك

[شاعر الوجدان]

يا شباب اللي عنده العلم ويقول ركب في الوكالة بـ 550 ريال أنا رحت للوكالة صدمني المهندس وقال لازم تركب كمبيوتر جديد ب 5000 وحاولت أفهمه بدون فايده اللي ركب يقول في أي منطقة علشان أتصل عليهم الظاهر الوكالة اللي عندنا في عالم ثاني

[راعي اليمامة]

شاعر الوجدان


وش اللي 5000 هذا يبي يركب لك ماطور مهوب ريموت

رح لأقرب فرع غير اللي ذكرته

وقل ابي ريموت جي ال

ريموت عادي جدا 3 ازرار واحد يفتح والثاني يقفل والثالث للشنطة


الريموت + التركيب + الضمان لمدة 6 شهور = 550 ريال

هه والله العظيم قال 5000 قال !!!!!!!!

[ابومنيف]

مين يعرف قيمة الجناح لحاله بكم glx2007

[سراب كامري]

بالنسبة للجناح انا شريته ب 700 ريال جاهز على لون السيارة