[عيدشاكر]

عندي مشكلة في التكييف فقط في الفتحات اللي عند السائق في حالة توقف السيارة يكون التكييف ضعيف وباقي الفتحات يكون التكييف فيها ممتاز وكذلك التكييف الخلفي ايضا ممتاز حتى في حالة توقف السيارة
ما ادري احد يعرف شي عن هذه المشكلة

[ابوفيصل]

شيك اخوي على الفلتر حق المكيف يمكن محتاج تنظيف او استبدال

[أبوحمد]

فعلا كلام أبو فيصل مضبوط ,, وشيك ايضا على فتحات المكيف اللي تسحب الهواء من الخارج .

[عيدشاكر]

شكرا اخوي بوفيصل واخوي بو احمد بس تتوقعون ان الفلتر يحتاج تبديل والسيارة ما لها الا اربعه شهور وليش بس المشكلة في الفتحتين اللي عند السائق بالعلم ان المكيف فيه نظام فصل درجة حرارة الفتحيتين عن الفتحات الاخرى بالنسبة لنسبة التبريد يعني تقدر تخفض التبريد في فتحنين اللي عند السائق بينما الفتاحات الثانية برودتها اكثر وتقدر تخلي الفتحات كلها نفس درجة الحرارة ... عموما بحاول التشييك يمكن يكون من الفلتر شاكر ومقدر لكم حسن تواصلكم

[ابوفيصل]

والله اخوي انا قريت في احد المواضيع هنا في المنتدى

ان احد الاعضاء طلع كامري جديدة وكان دفع الهوا ضعيف

ووداها الصيانة وطلع الفتر محتاج تغيير لان السيارة اثناء فترة التخزين

كانت الهواية مفتوحة على الهواء الخارجي ، واحتمال سيارتك صار معها نفس الشي

فانت شيك على الفلتر منت خسران شي ، وفي مثل هذه المشاكل ابدأ بالاسهل دائما

تحياتي لك

[عيدشاكر]

ما قصرت اخوي بو فيصل وبالفعل محنا خسرانين شي وهل اقدر اشيك عليه بنفسي ولا لازم كهربائي مختص

[وااااااااو]

الله يكون في عونك

[ابوفيصل]

المشاركة الأصلية كتبت بواسطة عيدشاكر

ما قصرت اخوي بو فيصل وبالفعل محنا خسرانين شي وهل اقدر اشيك عليه بنفسي ولا لازم كهربائي مختص

الحقيقة في البداية استغرب عدم تفاعل اعضاء منتدى لاند كروزر مع الموضوع

رغم ان المشكلة مطروحة في منتداهم وتهمهم بالدرجة الاولى باستثناء اخوي ابوأحمد

بالنسبة اخوي لفلتر المكيف في معظم السيارات يكون خلف الدرج اللي قدام الراكب الامامي

وفكه سهل جدا ولا يحتاج كهربائي فك الدرج وبتلقا غطاء اسود فك الغطا وبتلقا الفتر

اذا لك خبرة في الفك والتركيب تقدر تفكه بكل سهولة

بالنسبة للافالون الفك سهل جدا وتعليمات الفك والتشييك على الفلتر موجوده بدليل المالك

واعتقد البرادو نفس الشي قلب صفحات دليل المالك اذا موجود عندك وان شاء الله بتلقا التعليمات موجودة

تحياتي لك اخوي عيد

وان شاء الله اكون قدرت اساعدك