[سوسومومو]

السلام عليكم ورحمة الله وبركاته

اولا : انا عضو جديد بالمنتدى وهذي اول مشاركه لي وانشالله بتلاقون مشاركات مني ونتعرف على الناس الطيبه هنا

ثانيا : لاتضحكون على اسمي البايخ لان مشالله مالقيت اسم سنع نصها محجوزه ومشالله المنتدى رايق واعجبني


ثالثا: انا يا اخواني على وجه زواج حرمه جديده وسياره جديده <***** تفكير سطحي

والسياره اللي اخترتها أفالون رحت وسألت عند عبداللطيف لقيتها ب 120 طبعا ماعندي مشاكل لين ما نصحني
احد اصحابي وقالي روح للبازعي رحت له وتعجبت لقيت نفس السياره طبعا اتكلم عن الـ (لمتدد) 2007 ب 116

بس بدون بلوتوث سألت طبعا الموظف وقلتله شفرقكم عن جميل قالي كلام صراحه انا انصدمت منه

ولو طلع صدق ف الله لايحلله ولا يبيحه

ما ابغى اظلم الرجال

قالي عبد اللطيف سياراته يجيبها يغير السيديات والكاسيت ب نوع تقليد عشان تضطر ترجعله بعد فتره للصيانه

وقال انه يفكفك بالسياره ويغير فيها بعض الاشياء

وقال انها ترج على 120 كم

انا احترت


الأسئله اللي ابغاكم تساعدوني فيها يا اخواني بارك الله فيكم :

- هل كلامه صحيح ؟

- ووش الاحسن بوجهة نظركم عبداللطيف ام البازعي؟

- هل انتظر 2008 ام اشتري 2007؟





خاص للمشرف
( اعذرني اخي ان كان موضوعي مكررا لاني جديد وان كان مكررا فأسف ومشيها ياعمي بس خليهم يجاوبوني على اسئلتي وان كان جديد مع اني ما اظن عطوني ارائكم)




طولت عليكم عارف



ارجو المساعده

=)

[متعب الليل]

السلام عليكم

حياك الله عزيزي في منتداك
ومبروك مقدما والله يبارك لك فيها


بالنسبة للبازعي ما اتوقع انه صادق
لان اكثر الشباب موديل سياراتهم 2005 و 2006
وماقد احد اشتكى من المسجل الا يمدحونه
وبالنسبه للـرجة انا الى الان والحمد لله ماحسيت فيها مع ان سيارتي مامشت الا 2400 كلم
وماخذها من عبد اللطيف

((على فكره انا في رأيي انتظر 2008 مابقى الا شهر ان شاء الله بالكثير واذا تبي 2007 زين اذا حصلت الحين))

وانتظر الشباب كل واحد يمحط تعليقه

تقبل مروري
متعب

[المكيانيكي]

كلامه غير صحيح بس هذا اسلوب تسويق
وعيب عليه يقول كذا
ياخي الرازق في السماء والحاسد في الارض

[م.أنس]

أهلاً وسهلاً بك بين إخوانك في هذا المنتدى الرائد في مجاله ..

وألف مبروك مقدماً والله يتمم عليك ويرزقك الذرية الصالحة .. ويعطيك خير سيارتك الجديدة ويكفيك شرها يارب العالمين ..

أما بالنسبة لأسئلتك فأقول .. أنا من ملاك أفالون وارد عبداللطيف جميل .. ولكن مع الأسف لا أعلم ماهو سعرها الحالي الآن .. لكن على حسب كلام الإخوان أنه فعلا ً 116000

وبالنسبة لموضوع القطع الغير أصلية مثل المسجل وغيره .. فهذا الكلام غير صحيح أبداً ..

أنا أكثر مايعجبني في السيارة مسجلها وجودته ونقاوة صوته .. أما القطع الغير أصلية والتي يتم تركيبها في مخازن عبداللطيف جميل فهي .. الحساسات الأمامية والخلفية .. والستارة الخلفية .. والبلوتوث فقط ..

أما باقي القطع فهي أصلية وتحت الظمان .. وحتى القطع الغير أصلية يشملها الظمان ..

أما بالنسبة لموضوع الرجة فهذا الكلام غير صحيح .. فالحمد لله وصلت بالسيارة إلى سرعات عالية لهدف التجربه ولم اجد الكلام الذي تقوله إطلاقاً .. ولكن هي محاولة لكسبك كزبون عنده فقط لاغير ..

أما بالنسبة لموضوع المقارنة فلا أستطيع إجابتك لإني لم أجرب قيادة أفالون وارد البازعي ولم أراها .. فإعذرني عزيزي ..

أما بالنسبة لموضوع الشراء أم الإنتظار فأقول ..

إذا كنت من المعجبين والمقتنعين بالشكل الحالي فأنصحك بالإنتظار لحين نزول موديلات 2008 .. ثم إذهب إلى الوكالة وأطلب موديل 2007 .. فسيكون سعرها أقل بكثير بالتأكيد لمحاولة تصريف الموديل 2007 ..

أما إذا كنت من المعجبين بالشكل الجديد وهو موديل 2008 .. وصور السيارة ومواصفاتها سوف تجدها في المواضيع المثبته في المنتدى .. فأنصحك أيضاً بالإنتظار لحين نزولها وشراءها وتوكل على الله واستخير ..

وألف مبروك مره أخرى على زواجك وعلى سيارتك ..

[سوسومومو]

متعب الليل ************ كفيت ووفيت يالذيب ما قصرت

الميكانيكي ************ تسلم والله يهديه

م.انس ************ تسلم على الرد والمساعده ماقصرت الله يهديك وراك تقولني ماقلت شي انا. . حق البازعي هو اللي يقول


والله 2008 روعه بس السؤال هل بينزل زي ما شفناه بالصور هنا بالسعوديه؟؟ <***** اخر سؤال والله


جزاكم الله خير يا اخواني ويبارك لكم بعيالكم وان كنتو عزاب يرزقكم ويزوجكم

[الفيتو]

المشاركة الأصلية كتبت بواسطة م.أنس

أهلاً وسهلاً بك بين إخوانك في هذا المنتدى الرائد في مجاله ..

وألف مبروك مقدماً والله يتمم عليك ويرزقك الذرية الصالحة .. ويعطيك خير سيارتك الجديدة ويكفيك شرها يارب العالمين ..

أما بالنسبة لأسئلتك فأقول .. أنا من ملاك أفالون وارد عبداللطيف جميل .. ولكن مع الأسف لا أعلم ماهو سعرها الحالي الآن .. لكن على حسب كلام الإخوان أنه فعلا ً 116000

وبالنسبة لموضوع القطع الغير أصلية مثل المسجل وغيره .. فهذا الكلام غير صحيح أبداً ..

أنا أكثر مايعجبني في السيارة مسجلها وجودته ونقاوة صوته .. أما القطع الغير أصلية والتي يتم تركيبها في مخازن عبداللطيف جميل فهي .. الحساسات الأمامية والخلفية .. والستارة الخلفية .. والبلوتوث فقط ..

أما باقي القطع فهي أصلية وتحت الظمان .. وحتى القطع الغير أصلية يشملها الظمان ..

أما بالنسبة لموضوع الرجة فهذا الكلام غير صحيح .. فالحمد لله وصلت بالسيارة إلى سرعات عالية لهدف التجربه ولم اجد الكلام الذي تقوله إطلاقاً .. ولكن هي محاولة لكسبك كزبون عنده فقط لاغير ..

أما بالنسبة لموضوع المقارنة فلا أستطيع إجابتك لإني لم أجرب قيادة أفالون وارد البازعي ولم أراها .. فإعذرني عزيزي ..

أما بالنسبة لموضوع الشراء أم الإنتظار فأقول ..

إذا كنت من المعجبين والمقتنعين بالشكل الحالي فأنصحك بالإنتظار لحين نزول موديلات 2008 .. ثم إذهب إلى الوكالة وأطلب موديل 2007 .. فسيكون سعرها أقل بكثير بالتأكيد لمحاولة تصريف الموديل 2007 ..

أما إذا كنت من المعجبين بالشكل الجديد وهو موديل 2008 .. وصور السيارة ومواصفاتها سوف تجدها في المواضيع المثبته في المنتدى .. فأنصحك أيضاً بالإنتظار لحين نزولها وشراءها وتوكل على الله واستخير ..

وألف مبروك مره أخرى على زواجك وعلى سيارتك ..

اتفق مع كل ما قاله م انس بس عندي استفسار هل الستارة الخلفية من تركيب عبداللطيف جميل (لا اظن ذلك )

[المعلــــم]

صحيح إن ابو جميل يغير المسجل وأشياء بسيطة اخرى لكن القطع الي يحطة ليست سيئة الى هذي الدرجة

لكن هذا في صالح المشتري من ناحية السعر............

مثلآ الجيب السعودي أقل من الخليجي الى حوالي 7 او 8 ألاف ريال ومع ذالك تلقى فية مميزات مثل التحكم في ارتفاع النور- جهاز إنذار وأشياء اخرى.............

مع العلم ان المميزات السابقة ما تحصلة في في بعض انواع الجيب الخليجي وأن حصلتهن بيكون الفرق في السعر أكثر

[متعب الليل]

السلام عليكم

وهذي مواضيع عن افالون 2008

http://www.toyota4arab.com/forum/showthread.php?t=11088
Avalon 2008 (حصريا)

[ابوفيصل]

المشاركة الأصلية كتبت بواسطة الفيتو

اتفق مع كل ما قاله م انس بس عندي استفسار هل الستارة الخلفية من تركيب عبداللطيف جميل (لا اظن ذلك )

فعلا الستارة الخلفية في الافالون اصلية وشد بلد

بدليل ان تعليماتها موجودة في دليل المالك

وايضا تباع مع قطع الغيار الاصلية ولا توجد في قسم الاكسسوارات

اما بعض الوكلاء في الخليج فهم اللي لاغينها من سياراتهم

اما عن المسجل فمثل ما اتفضلو الاخوان فهو اصلي 100% وشد بلد

وما واجهتني فيه اي مشاكل ولله الحمد من يوم شريت السيارة

الاشياء اللي مركبها عبد اللطيف جميل على الا فالون هي بالتحديد الحساسات الامامية والخلفية ، والبلوتوث فقط لاغير

اما موضوع الرجة بعد 120 فهذه كذب وكلام فاضي ولا اذكر اشتكى منها اي احد من الاعضاء

والف مبروك مقدما الزواج والسيارة

[أبو الجوهره]

حسب معلوماتي البسيطه

ابتداء من عام 2007 سيارات البازعي ياخذها من عبداللطيف

بعكس السابق كان يجيبها من الخارج على وكالة على طووول

يعني اتوقع مافيه فرق

[مجنون الأفالون]

سوسو موتو = والله إسمك تذكرني بسبيس تون ههههههههههههههههه <===< متابعين للقناة خاصة جزيرة الكنز



مساك الله بالخير طال عمرك


وان شاء الله موتر جديد و زوجه والذرية الصالحه وبيت جديد

ويجيك ولد وتسميه أحمد على إسمى

قل آمين

بخصوص سيارتك يالغالي :


انا مع كلام م. أنس بكل اللي قاله

وما قصر بصراحة

اما بالنسبة لكلام الرجل اللي قالك في البازعي عن أبو جميل

بصراحة شخص يمكن على قولتهم يدور التسويق عن طريق حساب غيره

وهذي سياسه معروفة عند أشخاص المبيعات ... خصوصا لو كان مصري الجنسية


وله نسبة معينة من شرائك السيارة .....

لكن كلها واحد سواء البازعي او أبو جميل

لكن صيانة البازعي تختلف عن صيانة أبو جميل ...



وهذي نظريتي


وبخصوص السيارة

ترى 2005 + 2006 + 2007= نفس الأشكال اللهم إختلاف الريموت ... وما ظنتي أدفع 20 ألف عشان ريموت


موديلات 2005 ما راح تلقى طبعا جديد


موديلات 2006 في جديد وليمتد 97 ألف ريال .... عند عبداللطيف


موديلات 2007 جديد وليمتد 118750 ريال

اما موديل 2008 الشكل طبعا جديد وراح تشوف شكله خلال مواضيع شكل 2008

لكن نفس المكينة وكل شي

يعني لا تدور الموديل الجديد دامك بتستخدم مدة طويلة ...... خذ الشكل


وهذي نصيحتي لك


واعذرني على القصور


وفرصة سعيدة

اخوك

احمد

[أبو جمانه]

يا أخي الكريم بحسبه بسيطه لو كان الكلام صحيح كان زمان سكر عبداللطيف
وألف مبروك مقدماً يعطيك خيرها ويكفيك شرها

[وااااااااو]

اخوي انس وفا وكفى وانصحك تستخير

[وااوأفالون]

الله يوفقك أخوي على سياره وعلى زواج ويرزقك الذريه الصالحه إن شاء الله


أما عن كلام موظف البازغي فهذا كلام فاضي يدور على عمولته فقط لاغير

للحمدلله سياره ماء شاء الله لها معاي مايقارب الإن سنه ونص ولاحظت أي مشكله من هذا الكلام

وتقبل مروري

[سوسومومو]

تسلمون اخواني ماقصرتو وجزاكم الف خير

منتداكم بطل ابطل شي <***** لا استطيع ان اعبر عن مشاعري

صراحه ساعدتوني في اتخاذ رأيي

السياره خلصنا منها عندكم قسم عن المطابخ <***** ناوي يئثث شقته


الف شكر مره ثانيه

[ولد الأمير]

والله ياخوي انصحك تروح لمعارض النسيم

انا عندهم امس فيه واحد من المعارض موجود عنده سيارتين افالون ليميتد 2007 لؤلؤي

بـ 118000 ريال( اذا تبي 2007 خذها من عنده لان عبداللطيف جميل ياخذ وقت حتى توصل السياره)

وبعدين ارخص منه بـألفين ريال

والقرار لك