[الأستاذ محمد]

بفضل من الله طلعت لي فورتشنر vx2 بس ماركبت ولا اكسسوار للحين خبروني عن أحلاها (أفضل عازل وغيره)ووين ألقاها بالدمام...( تكفون لاتقولون لي تلقاها بإحدى محلات الزينة بشارع التويوتا ، أعرف شارع التويوتا بس وين؟؟؟!!!) شاااااااااااااااااااااااااااكرًا لكم المساعدة علمًا بأن أحد الأخوان ذكر الكثيرعن الإكسسوارات والإضافات الموجودة للفورتشنر حتى الآن بالسعودية (الرياض على وجه الخصوص):

1. جنوط (شكل آخر) أو نفس الموجودة على V2 (أبو جميل)
2. واقي من الضجيج عند فتح النوافذ يوضع على النوافذ الأربعة (أبو جميل)
3. تخشيب (أبو جميل و العليان)
4. غلاف بلاستيكي واقي للأنوار الأمامية (الغرابي و العليان)
5. دعامة خلفية (الغرابي)
6. شبك أمامي بشكلين (العليان)
7. أنوار LED خلفية (العليان)
8. زوائد على الجوانب (أبو جميل)
9. دعامة بلاستيك (العليان)
11. دعامة بلاستيك أخرى نفس الموجودة بالـ V2 (أبو جميل)
10. ثلاث أنواع من الدعامات التي تركب على الشاصيه (أبو جميل)
11. مرايا جانبية بأنوار LED نفس الموجودة بـ V1 و V2 (أبو جميل)
12. قطعة بلاستيكية توضع على طرف غطاء المحرك أعتقد لقليل مستوى الضجيج بالرحلات الطويلة (أبو جميل)
13. إكسسوار -تكحيل- يوضع على الأنوار الأمامية و الخلفية (أبو جميل)
14. إكسسوار -تكحيل- يوضع على أنوار الضباب السفلية (الغرابي)
15. قفل دفرنس أمامي ARB (الرماية)
16. صدام Bull Bar و Sahara (الإمارات ARB)
17. مثبت سرعة (ورشة بالقصيم يعمل بها فني تويوتا سابق)
18. ونش ARB (الرماية)
19. جهاز سحب المقطورة Trailer Hitch (الغرابي)
20. و العديد من الإكسسوارات و الإضافات الأخرى التي تشترك فيها معظم السيارات مثل: زنون ، شبك علوي، شنطة شبك علوي. (الغرابي أبو جميل العليان إلخ..)

[بنت الخران]

ماشاء الله عليك

معلومات كثيره

اطلع عليهم وشوف الفرق فى السعر والشغل

اما بخصوص الاكسسورارت الكهربائيه ما انصحك الا عند مختص

مبرووووك عليك السياره الجديده

[الأستاذ محمد]

الله يبارك فيك يابنت الخران أنا اتردد على دبي من وقت إلى الثاني وين ألقى محلات الاكسسوار وترى واحد قال لي عن سابتير للتجارة بس عندي سؤال غريب اشوي إذا مافيه تدخل شو معنى (الخران)!!!؟؟؟
تحياتي لك ولأهل الإمارت الحبايب وننتظر مشاركتك!

[ويسكر]

مباااااااااااااااااااااااااااااارك على السيارة

والله يعطيك خيرها ويكفيك شرها ..

اخوي انا ناوي على وحدة ( شكلها شبابي )

شورايك فيها ؟؟ يعني انطباعك عنها ؟؟

كيف العزل الصوتي ؟؟ والسيارة ممتعة سواقتها وثابتة في الخطوط ؟؟؟

وفي النهاية تنصحني فيها ؟؟ يعني انا عندي طامري 2005 اربع سلندر اذا بدلتها بهذي السيارة احس بفرق كبير؟؟

اسمحلي اخوي على كثر الاسئة لاني ناوي على سيارة جديدة وكنت الصراحة ناوي على افالون بس يوم شفت هذي السيارة غيرت رايي .. لانها قوية وسعرها معقول ..

بالنسبة للاكسسوارات اظن في محل في الشارقة اسمه " الكابري " بس ما اعرف وين مكانه

شوف الموقع هذا عن الكابري يمكن يفيدك ..

الكابري

وسامحنا على الازعاج ..

[رفاعة]

السلام عليكم :

مبررررررررررررررررررووووووووووووك اخونا الاستاذ محمد .... بلا اكسسوارات ولا بطيخ ولا تضيع السالفة وتقول نسيت ... اول شيء متى العشاء ومن وين وفي وين ولا تقول سندوتشين من التنور وخلاص ..... الله يبارك لك فيها ويكفيك ويبعد عنك كل شر ويحرسك من العين والحسد .......

انا ان شاءالله راح استلم السيارة بداية الاسبوع الجاي ... وبالنسبة للتضليل انا سويته مرة وحدة من الوكالة واتوقع ان بالنسبة لمثبت السرعة يجي معها الفل اوبشن.... والاكسسوارت الثانية انا ما افهم فيها ... وما ادري شنو راح اسوي ...اهم شيء تطلع بالسلامة ....... والله يكفينا كل شر ويحفظنا من الحاسدين ... ويعطينا ويعطي الجميع كل خير ....
بالنسبة للون شريت ابيض ... طبعا فل Vx2والكثير يمدحوا في اداء السيارة ..البعض ما يمدحها بسبب رأي شخصي يعني ما تعجبه .......

لنا عودة

[ع ـاشق]

يعطيك خيرها ويكفيك شرها
والله يبارك لك فيها ويكفيك شر كل حاسد

وبإذن الله حنا ناويين على وحدة ان شاء الله
بس انت قولنا كيف سواقتها مريحة بالخطوط وداخل المدينة

<*****اسبوعيا جدة ينبع
هل الفل يجي بزينون ولا ؟
عطنا كل شي

[بنت الخران]

محلات الزينه فى دبي فى سوق نايف وسوق السيارات

ومحلات الزينه فى الشارقه دوار الساعه الي بجنب البريد على طريق السينما

ومحل الكابري فى الشارقه شارع البي ام دبليو مقابل مستبيشي للسيارت بعد ايبكو

وركبت عندهم الحساسات مع ضمان 5 سنوات والتلفلون الثابت فى الافالون الجديد

بس اسعارهم اشوي غاليه

[الأستاذ محمد]

أبشر يا ع ـاشق أنت وويسكر السيارة من وجهة نظري ممتازة ومريحة داخل وخارج المدينة شبابية عائلية خاصة الفل الكامل Vx2 وهذا النوع الأفضل لأنه 6 سلندر والعزل الصوتي فيها ممتاز وبالنسبة للزينون موديل 2007 ما جا معاه زينون لأني سمعت إن زينون موديل 2006 كان كله مشاكل ولهذا ماحطوه في الموديل الجديد، والأخ العزيز رفاعة أنا ما نسيت العشاء بس الظاهر فرحة السيارة انستني وتستاهل أكثر من سندوتشين من التنور أنت تستاهل سندوتشين وعصير كبير بارد معاهم...بس أنت شرفنا وما يهمك

[رفاعة]

اخونا الاستاذ محمد الف مبروك مرة ثانية ......... اكيد ما راح افوت العشاء ..

انت من وين شريتها ؟؟ هل فيها مثبت سرعة او لا؟؟؟ اكيد عندي اسئلة كثيرة ويمكن اكثر لما استلم السيارة ان شاء الله اسألك ...... هل فيها وسادة هوائية حتى للراكب جنب السواق؟؟؟

طيب قول لنا انت شنو شفت شنو انطباعك؟؟؟

[الأستاذ محمد]

1000000000 مبروك عليك السيارة ويعطيك خيرها ويكفيك شرها وشر العيون والحساد ، أشتريت من عبداللطيف جميل وكنت ناوي أشتري من حسن جميل بس اللون اللي أبيه ما عنده وقسم بالله فيها مثبت سرعة ووسادة هوائية للراكب لأن سيارتك يا حبيبي vx2 بالعربي فل كامل وانطباعي عن السيارة بدون مجاملة اللي هي سيارتي عبارة عن هجين بين واجهة الهايلوكس وأجناب وماكينة برادو الـ( 6 سلندر) وخلفية لاند اكروزر هذا من الخارج حلوة وهذا مو عيب بالسيارة من الداخل ديكورها جيد وليس سيئ مافيه فخامة البرادو أفخم والمقاعد مريحة والمخمل اللي فيها ممتاز جدًا ولعلمك تشغيل التكييف للأسف عندنا يدوي وسيارت برا لمس والله قهر ومقتنع تمامًا إن السيارة ممتازة ومريحة في القيادة داخل المدينة وفي السفر والبر من خلال التجربة واستهلاك الوقود ممتاز بس بعض الناس تذم في السيارة لأنها جديدة اصبر السنتين الجاية وشف كيف الطلب عليها مثل الكامري أول ما نزل ماحد يبغاه والحين شف!! علمًا إنك لوتروح أدوّر السيارة بالوكالة ما تلقاها أنتظرت شهر ونصف حتى جتني فيه شغلتين ما عجبتني بالسيارة مافيه فتحات تكييف أعلى المقاعد الثانية والأكثر قهر أريال الراديو يدوي ولقيت 90 % من الشباب بالمنتديات يمدحونها بالأضافة واحد من أصحابي اشتراها قبلي ومدحها كثير

[الأستاذ محمد]

خاص للأخ العزيييييييييييييييييييييييييييز جًدا رفاعة وباقي الشباب تحياتي لكم :

[رفاعة]

السلام عليكم ورحمة الله ........ استاذنا الفاضل محمد ..... شلون بداية الدراسة اذا انت مدرس؟؟

انا راح اقبل بوجبة سريعة من سبايسي ميل الى ان يجهز العشاء ...
شنو اللون الي انت كنت تبيه وما حصلته؟؟؟ اونت شنو رايك في الابيض؟؟
صاحبي قبل اكثر من سنة كان يقول حرام ادفع المبلغ هذا وبعدين اشغل المكيف بالطريقة هذه او ارفع الانتل كذا بس قبل فترة كان يقولي هذا ما هو عيب يعيب السيارة !! الي شفته من خلال بحثي زي ما قلت ان العيوب الي في السيارة ما هي عيوب جوهرية بس شخصية يعني واحد ما يعجبه المكيف او الديكور بس الجميع ان شاء الله متفق على السيارة من ناحية الاداء والفاعلية وهذا اهم شيء ... البعض يقول كل ما صارت السيارة بسيطة من ناحية الديكور والاشياء هذه تقل مشاكلها .....

ان شاءالله استلم السيارة قريبا وراح اقول لكم .....
كيف استخدامك او كيف شفت السيارة من ناحية عائلية ومن ناحية وجود اطفال وراحتهم؟؟؟؟

اتمنى تبادل الخبرات لكن مع الوقت ..... ونحن في الانتظار ...... وفق الله الجميع

[الأستاذ محمد]

المشاركة الأصلية كتبت بواسطة رفاعة

السلام عليكم ورحمة الله ........ استاذنا الفاضل محمد ..... شلون بداية الدراسة اذا انت مدرس؟؟

انا راح اقبل بوجبة سريعة من سبايسي ميل الى ان يجهز العشاء ...
شنو اللون الي انت كنت تبيه وما حصلته؟؟؟ اونت شنو رايك في الابيض؟؟
صاحبي قبل اكثر من سنة كان يقول حرام ادفع المبلغ هذا وبعدين اشغل المكيف بالطريقة هذه او ارفع الانتل كذا بس قبل فترة كان يقولي هذا ما هو عيب يعيب السيارة !! الي شفته من خلال بحثي زي ما قلت ان العيوب الي في السيارة ما هي عيوب جوهرية بس شخصية يعني واحد ما يعجبه المكيف او الديكور بس الجميع ان شاء الله متفق على السيارة من ناحية الاداء والفاعلية وهذا اهم شيء ... البعض يقول كل ما صارت السيارة بسيطة من ناحية الديكور والاشياء هذه تقل مشاكلها .....

ان شاءالله استلم السيارة قريبا وراح اقول لكم .....
كيف استخدامك او كيف شفت السيارة من ناحية عائلية ومن ناحية وجود اطفال وراحتهم؟؟؟؟

اتمنى تبادل الخبرات لكن مع الوقت ..... ونحن في الانتظار ...... وفق الله الجميع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
وعليكم السلام ورحمة الله وبركاته يا أخ رفاعة..........

بداية الدراسة جيدة ولله الحمد بس الطلاب كسلانين يبون الكتب الجديدة ويردون البيت بسرعة وأنا مدرس عربي بحق وحقيقي وأمارس العمل الإداري (وكيل) بالمدرسة إلى جانب كوني معلمًا واسمي الحقيقي بالمنتدى وخارجه (الأستاذ محمد) .
من سبايسي ميل أو التنور أبشر بالسعد .
واللون اللي كنت أبيه هو اللون الرمادي ولقيته أخيرًا بعد انتظار والسيارة ما كانت موجودة بالشرقية أساسًا وماكان موجود عند حسن جميل فتوجهت لعبد اللطيف جميل وبعد سلسلة من الاتصالات جابوا السيارة ويدل عدم توفرها على شعبيتها ، واللون الأبيض أشوفه جميل جدًا مع الرمادي، والألوان بشكل عام مسألة ذوق وارتياح وترى اللون الوحيد اللي مانزل بالسعودية اللون الأزرق لأنه قبيح.
ولعملك السيارة الآن رقم واحد في تايلاند من حيث الرغبة في تويوتا وهذا الكلام شوف عين مو سمع أذن بس هناك يحطون واجهة لكزس للسيارة ماأدري ليش!!؟؟ يمكن السبب المصنع عندهم للأسف ما عندي صورة، والانتل أوتوماتيك ومليانة تايلاند اكسسوارات للسيارة لكن ماتصلح لنا لأن ذوقهم غير ذوقنا ، وكذلك مرغوبة بشكل عام في شرق آسيا.
استخدامي للسيارة مرتاح جدًا فيها ومقنتع تمامًا إن السيارة حلوة ومواصفاتها ممتازة يكفي أنها شبابية من ناحية الشكل ورياضية قومات وبر وغيره وعائلية 3 مقاعد ودفع رباعي وكاستخدام عائلي السيارة أيضًا واسعة ومريحة.
أنا أستفيد من خبراتك أكثر إن شاء الله والله يوفقك في السيارة ويعطيك خيرها ويكفيك شرها ... تحياتي....

[الأستاذ محمد]

وشهد شاهدٌ من أهلها يا أخ رفاعة شوف واحكم على الفوتشنر ياراعي الفورتشنر الأبيض

[اسير الذكرى]

آســـف على تعديل الردود

بس غير مسموح بوضع روابط منتديات

[الأستاذ محمد]

ماشي كلامك يا أسير الذكرى