[ولد السعوديه]

الى الاخ/ابوصالح
مشرف منتديات عروض الشراء والبيع

السلام عليكم ورحمة الله وبركاته .اما بعد

اخوي انا ابحث عن كامري موديل 2004.2005
المواصفات .جي ال .
القير. اتوماتيك
الممشى ماتعدت 100.000
خالية من الصدوم .والرش ونظيفه .
اللون بحري .او فضي .او كشميري
سعرها يكون في حدود 40000.45000
واهم شي تكون في الرياض علشان اشوفها .وتراني متامل فيك خير يابو صالح .
والسيارة لاخوي .
والله الموفق .

[ابوصالح]

ابشر يالغالي
بس اطلب منك تعطيني وقت
الكامري اسعارها معروفه بالغالب وانا نازل خميس وجمعه للمعارض بالرياض وراح ابحث لك من عيوني
اذا تقدر ترسلي ايميلك مايمنع
وبسعرك تحصل 2004 باذن الله
ولنا عوده معك
وتقبل تحيتي

[ابوصالح]

مبدئيا شفت هذا العرض بالنت
عارض سيارته بموقع مستعمل وهذا نص اعلانه:
((للبيع كامري 2004 بحريه فتحة ور اوتماتيك وتخاشيب ودلع

استعمالي انا شخصي ونظيفه وعلى الشرط انا اللي

مطلعها من الوكاله ماشيه 90 الف بصراحه فرصة لاتفوت

للي بيستعمل الموتر نظيف وعلى الشرط والفحص ما جاه

لا سمكره ولا صدوم ولله الحمد ....اللي بيسوم من 45 الف وطالع وانا بالرياض ورقم جواله
0555001344

))


واذا نزلت نهايه الاسبوع للسوق عطيتك مافي جعبتي

والله الموفق

[ولد السعوديه]

ابو صالح اتصلت بصاحبها وقال انها وصل السوم فيها 49300
وانا ابيها ماتعدى 45000
ابيها بين40000 و 45000
وشاكرلك على الاهتمام

[ابوصالح]

لا اجل ماتسوى
انا بايع وحده انا شخصيا فاكها وكاله انا ومايسوقها غيري ب 47 الف فل كامل فتحه قير اوتو ستبنتها مانزلت موديل 2003 هذا الكلام سنه السبله ....تقريبا قبل سنتين مو عاد الان وكانت ماشيه بالعشرينات
مايهمك وانا اخوك انشالله نحصل لك وحده بسعر مناسب وانا رايح رايح للمعارض وبحطها في بالي

[ولد السعوديه]

الحين 2005 جديده تروح تطلعها
من الوكاله ب 49000 ريال
والشيخ يبي فيها 493000
بس يابو صالح ابي وحده نظيفه تكفى
اوكيه.............