شباب في الفتره الأخيره أشوف أصحاب الأفالون والكامري يتفلتون علينا ويقولون الأوريون كامري معدله
والسبب كما هو معروف إن شرق آسيا مسمين الأوريون كامري ( وهذا شرف للكامري ولنا لما لها من شعبية في قلوب الناس )
وهناك سبب ثاني وهو إن التصميم الداخلي للأوريون نفس ديكور وتصميم الكامري من الداخل
فيجون الناس ويقولون حرام هذا السعر على كامري مطوره
طيب ياخي لا تتكلم على حاجه ما تعرفها .. , تحكم على الشكل بس عشان تشبه الكامري
بالنسبه للشكل الخارجي والله الكامري أحلا بكثير من الأفالون ( من الخارج ) الأفالون كأن فيها نوم وتحسها كسوله
وأنا عندي أحلى شكل سياره خارجيا في تويوتا : الأوريون ( وجهة نظري ) والشكل الخارجي يعتمد على ذوق الشخص وكل واحد وذوقه وأنا ما بتكلم عالشكل الخارجي في موضوعي هذا....
نجي للمميزات وهذا محور حديثي :-
أنا سيارتي أوريون لكن أقر وأقول أفضل سياره من ناحية المواصفات هي الأفالون ( وتويوتا وضعتها أفضل سياره لها )
1- واسعه
2- مكيف مقاعد
3- 12 سماعه
4-ذاكرة مقاعد
5-مرآه حاسه للضوء وبها بوصله
6- لمبات زينون
هذي الست المميزات فقط التي تتميز بها الأفالون عن الأوريون ( يعني موجوده بالأفالون وغير موجوده بالأوريون )
لكن
لاحظ إن الأوريون نفس مكينة الأفالون في القوه بل يمكن أقوى كمان
ولا تنسى إن هناك مميزات موجوده بالأوريون غير موجوده بالأفالون :-
1-القير الذكي المتطور .
اضغط هنا
2- الطبلون إلكتروني 3d .
اضغط هنا
3- شاشة الملاحه ( في الفل كامل ) الشاشه تشغل أفلام dvd
4- مشغل الأقراص يشغل أغاني mp3 ( بس ماني متأكد هل هي موجوده بالأفالون أو لا ) لكن طبعا موجوده بالأوريون أتمنى الأخوان يسألوا ويردوا
في نظري 4 مميزات جباره تميز الأوريون عن الأفالون مع أنها أدنى مرتبه منها وأرخص
,,,,,,,,,,,,,,,,,,,,,,,,
نجي للكامري أبي أحد يجاوب على سؤالي
إيش في الكامري مميزات غير موجوده بالأوريون ............ أممممم ( لا يوجد )
واللي يميز الأوريون عن الكامري مميزات كثيره أبذكر اللي أنا فاكره إن شاء الله ما أنسى شيء :-
أول شي الأربعه المميزات السابقه +
5- المكينه الجباره وقومتها القويه 6 سلندر وموفره للبنزين
6- مكيف إلكتروني منفصل التبريد ( أي أن الراكب يضع درجة حرارة خاصه به تختلف عن درجة الحراره التي في جهة السائق ) .
7- شاشة المعلومات الصغيره الموجوده بالطبلون التي تبين بعض المعلومات المتعلقه بالرحله .
8- الحمايه ( عدد الأيرباج )
9- لمبات hid شبيها بالزنون ( بس ماني متأكد هل هي موجوده بالكامري أو لا ) لكن طبعا موجوده بالأوريون أتمنى الأخوان يسألوا ويردوا
9 مميزات والله العالم إني ناسي كمان كم ميزه إن شاء الله الشباب يفكروني بيها ...
أما الأن أعيد السؤال مره ثانيه وش فيه بالكامري من مميزات غير موجوده بالأوريون ؟؟؟؟؟
هههههههههههههه
أظن إن الآن عرفتم إن لنا حق نشبه بل ونفضل الأوريون على الأفالون
واللي يجي ويشبه الكامري بالأوريون يسمحلي والله عــبــــيـــــــــــــــــــــــــــــط وما يفهم والله يتولاه
مع إحترامي للسياره العملاقه اللي أحترمها ( الكامري )
,,,,,,,,,,,,,,,,,,,,,,,,,,,,
في نقطه أخيره لوكانت الأفالون لها شكل أخر غير هذا ( أقصد التصميم الخارجي ) كان أشتريتها بدون تردد
كلامي هذا ما يقلل في شأن الأفالون لأن الشكل الخارجي حسب أذواق الناس ( ولكن هذي وجهة نظري أنا )
وشكرًا لكم على المرور ,,,,,,,,,,,,,,,,,,,,,,,,,
