[جارجر_سابقا]

شباب انا ناوي اشتري افالون مستعمل وسيوتلي بين ال 90 الف وال 95 الف...وابي لميتيد ابيض سواء 2006 او 2007 المهم يكون نظيف وعلى الضمان...
حصلت واحد من الشباب يبي يبيع سيارته ومواصفاته كالتالي(فالامارات) :

موديل 2007..ليميتد فتحة وكراسي بفتحات تهوية وكل شي فل اوبشن مع وجود شاشة(مدري ليش تقولون انها مافيها شاشة يمكن عندكم فالسعودية مافيها) ...ومع خدمة مجانية لغاية ال 60 الف كيلو..والسيارة ماشية 20 الف كيلو للحين...والشخص طالب فيها 97 الف؟؟ياترى تشوفون انها زيادة عليها ولا اقدر احصل بسعر اقل؟؟

[الأسد المتوحش]

هلا اخوي

الشاشة موجودة عندنا ولكنها شاشة معلومات فقط وليست ملاحة نحن نتكلم ان ما فيه ملاحه

اما عن السعر للأفالون إذا كان ممشاها أقل من 20.000 كليو ولم تتعرض للحوادث

فسعرها مقبول جداً هنا في السعودية احتمال تكون 95.000 ريال

وخدمة الصيانة عندنا كذلك السيارات 2007 والدفعه الأخيرة منها الصيانة 100.000 كلم أو 3 سنوات ايهما يستهلك اولاً

والله الموفق

اتمنى ان اكون افدتك

[القسورة]

أهلين أخوي( جارجر_سابقا)وأعتقد أنه سعره مرتفع شوي _نقص منه 5000_ ولا تنسى أن للون حكمه في السعر

[بنت الخران]

المشاركة الأصلية كتبت بواسطة جارجر_سابقا

شباب انا ناوي اشتري افالون مستعمل وسيوتلي بين ال 90 الف وال 95 الف...وابي لميتيد ابيض سواء 2006 او 2007 المهم يكون نظيف وعلى الضمان...
حصلت واحد من الشباب يبي يبيع سيارته ومواصفاته كالتالي(فالامارات) :

موديل 2007..ليميتد فتحة وكراسي بفتحات تهوية وكل شي فل اوبشن مع وجود شاشة(مدري ليش تقولون انها مافيها شاشة يمكن عندكم فالسعودية مافيها) ...ومع خدمة مجانية لغاية ال 60 الف كيلو..والسيارة ماشية 20 الف كيلو للحين...والشخص طالب فيها 97 الف؟؟ياترى تشوفون انها زيادة عليها ولا اقدر احصل بسعر اقل؟؟

الافالون من عمان ولا من الفطيم ولا من راك موتور ؟

اذا كانت من عمان تأكد من الحساسات والبلوتوث والسعر يكون اقل حوالى 94 الف درهم

واذا كانت من الفطيم بتكون بدوون حساسات والضمان ليين 60 الف كيلو مدفوعه عن طريق عقد الصيانه توكل على البراد المعارض بياخذونا على هذا السعر وانت مب خسران توكل على الله واستخير ربك

جربت مره اعرض السياره فى معارض السيارات فى الامارات جابت اكثر من 105 وهيه ماشيه 20 الف كيلو سابقا قبل سنه

والافلون ترتفع قيمه مع عقد الصيانه
والضمان تتقدر تزيده ليين 90 الف كيلو عن طريق عقد الصيانه لك فى الفطيم للسيارات

وتأكد اذا السياره اذا فيها زبارت من الوكاله

والوكاله الاخيره الا وهيه راك موتور تراهم يجيبون السيارات من كل مكان واذا تعطلت تنتظر اسابيع ليين يطرشونها لك للوكيل سواء فى عمان ولا السعوديه ولا قطر كلهم واحد

والسعر حلو جداا جداا

خذها وجربها فى سوق السيارات الكبير عندكم فى الشارقه اصحاب المحلات كلهم بيهجموون عليك وبتحصل اسعارخياليه فيها وانت الكسبان

الافلون فى الامارات بالحجز واقل مده 3 شهوور ومعارض دبي الافلون فيها بـــــ135 الف درهم بدوون عقود ولا حساسات ولا بلوتوث

واذا بغيت البلوتوث والحساسات بتحصلها كل مكان فى الشارقه فى دوار الساعه باتجاه السينما او فى الكابري فى الصناعيه وفيها ضمان 5 سنوات حساسات المانيه

توكل على الله وخذها تراها فرصه ما تتعوض

طرش لى رقم الشاصى مال السياره بتأكد من الخلو من الحوادث فى الوكاله والسيره الذاتيه لها

واذا بغيت اي شى بخصوص الافلون تفضل والكل فى المنتدى ما بقصر معاك

ولكم العافيه

[ابوفيصل]

بالنسبة للسعر اشوف انه مناسب تقريبا على حسب نظافة السيارة

والاخت بنت الخران ما قصرت الله يعطيها العافية هي ادرى بسوق السيارات في الامارات

اما بالنسبة للشاشة اخوي ، فالشاشة اللي نتكلم عنها دايما انها غير موجودة هي شاشة الملاحة ( GPS )

شاشة نيفيقيشن ، اما شاشة عرض المعلومات الزرقاء فهذه موجودة في جميع السيارات حتى XL

[جارجر_سابقا]

مشكوورين جميع عالردود..ومشكوورة اختي بنت الخران على الرد الوافي ...والريال قاللي انه ماعليه دعمات بالمرة...
يعني افهم من كلامج اختي انه لو الموتر عنده من وكالة الفطيم ومعاه عقد الصيانة لين 60 الف اخذه وانا مغمض وهالسعر يعتبر حلـو؟؟؟
وبالنسبة لرقم الشاصي انشالله باخذه من الريال وبطرشلج اياه

[جارجر_سابقا]

مشكورين جميعا على الردود الطيبة ماعليكم قصور يعني افهم من كلامكم انه سعره مناسب...

زين الحين عشان الخطوة الثانيه...لما اروح اجيك السيارة بما اني جديد عالافالون ممكن تقولونلي لو المشاكل المصنعية او المشاكل الي عادة تمر فيها الافالونات عشان اركز عليها وقت التجييك..وشو اكثر الاشياء اللي لازم اجيك عليها عشان اعرف انه السيارة نظيفة او غير نظيفة ولاعب فيها او لا....ياريت تساعدوني فهالموضوع لانه مبلغ 97 الف مو شوية على افالون ماشي 23 الف كيلو .يعني اي ملاحظات عندكم تبون تنبهوني عليها قبل شراء السيارة انا جاهز..

واختي بنت الخران انا خذيت رقم الشاصي ورسالتي الخاصة بتكون عندج الحين

[جارجر_سابقا]

أحاول اطرش رسالة خاصة بس للاسف يقولي لايمكن لازم ثلاثين مشاركة...
ياريت اضافتي عالمسنجر:

[جارجر_سابقا]

ملاحظة:السيارة طلعت من الفطيم للسيارات وماعليها حساسات..ياترى تستاهل؟؟ويقولي انه لين 60 الف ماراح اخسر ولا درهم كله عالضمان حتى تغير الزيت والفلاتر...
قلتله عن العيوب وقالي بصراحة كان فلتر الهوا ينسد بين فترة وفترة واضطر لتغييره مرتين من نفسه...ياترى فيه اي شي ثاني...انتظر الرد...وبالنسبة للاخت بنت الخران في حال ماكنت متواجد هذا هو رقم الشاصي ياريت لو تقدرين تطلعينلي معلومات عن هالرقمين :

4t1bk36b77u189371 (طبعا كل الارقام بالانجليزي والحروف كبيرة بس الكيبورد مشفر..هذا الافالون)

2b3ka43g47h644856 (وهذا الجارجر )

[نايف العتيبي]

الافضل زد المبلغ و اشتري سيارة افالون ليمتد جديدة

[بنت الخران]

المشاركة الأصلية كتبت بواسطة جارجر_سابقا

ملاحظة:السيارة طلعت من الفطيم للسيارات وماعليها حساسات..ياترى تستاهل؟؟ويقولي انه لين 60 الف ماراح اخسر ولا درهم كله عالضمان حتى تغير الزيت والفلاتر...
قلتله عن العيوب وقالي بصراحة كان فلتر الهوا ينسد بين فترة وفترة واضطر لتغييره مرتين من نفسه...ياترى فيه اي شي ثاني...انتظر الرد...وبالنسبة للاخت بنت الخران في حال ماكنت متواجد هذا هو رقم الشاصي ياريت لو تقدرين تطلعينلي معلومات عن هالرقمين :

4t1bk36b77u189371 (طبعا كل الارقام بالانجليزي والحروف كبيرة بس الكيبورد مشفر..هذا الافالون)

2b3ka43g47h644856 (وهذا الجارجر )

السياره نضيفة السجل بدوون حوادث ابداا


بدوون مشاكل او شكاوي


واخر صيانه لها تم في _/8/2007

20 الف كيلو
فى ابوظبي


اما المشكله التى تتكلم عنها ما احد سمع عنها ابداا فى الافالون

ولكم الشكر للجميع

[أفالون للأبد]

ما شاء الله عليك بنت الخران

تعاون طيب ومميز

هذا الذي نتمنى بين الأعضاء الكرام

تحية شكر وتقدير للجميع

[بنت الخران]

العفو اخوي افالون للابد

بس ويين صاحب الموضوع ؟؟؟

خرج ولم يعد ....

واذا اي حد عنده اي استفسار فى اي شى للافالون فى وكاله الفطيم فاليتفظل

[شمعة بلا فتيل]

مشكوووور على مشاركتك الحلوه...

[((ابومحمد))]

تبي الصراحه سعر معقول وانا انصحك توكل على الله