[القسورة]

السلام عليكم ورحمة الله وبركاته ؛؛؛ وبعد :

أخواني فزعتكم أنا لما أخذت سيارتي الأفالون لقيت في درج السيارة قطع مطاطية سوداء في كيس صغير ( الحقيقة كيسين) وكل كيس فيه ثنتين ولا أدري وش أسوي فيها وما هو عملها _ خابرين خويكم غشيم_ وأنا من أول كان عندي كامري جراندي ولقيت نفس الشيء بالدرج
اللي عنده خبر عن هالقطع يعلمني والا هذي زيادات

ودمتم سالمين

[سفاري الكويت]

هذي كبسات حق دواسة الرجل
الله يرزقنا احنا اهل الكويت حاطين لنا دواسة ام دينار وربع !
رحت شريت لي دواسات بقيمة 19 دينار من شركة المجد الاول وقطيت القديمات بالزبالة

[بورغد]

اذا القطع مستديره فهذه تركب تحت السياره على الجوانب اثنتين من الامام واثنتين من الخلف بس لابد انك اتركبهم لانهم ضروريات

[احمدجاسم]

ياليت تحط صور لهذي القطع لان من الصعب التعرف عليها بالوصف

[وااوأفالون]

هذي أخوي تبع دعسات الإماميه تبع للسواق تثبت فيها دعاست السائق أكرمك الله

وتقبل مروري

[أبـو خـالـد]

أخي الكريم ..
ان ما يأتي مع السيارة هي تقريباً خمسة اشياء
الاولى ((مشكبيات)) مساكات بلاستيك توضع تثبيت دواسة الارجل (اعزك الله) بالارضية للسائق ..
والثانية شبك مطاطي يركب في الشنطة ..
والثالثة زوائد بلاستيكيه (قطعتين) احدهما طفاية السجائر (المنفضه) و الاخرى شكلها مربع وللاسف لا اعرف استخدامها
والرابعة شنطة الاسكسوارات معلق بها طفاية الحريق (بها منفاخ هواء كهربائي يوصل بفيش الولاعة , و شنطة الاسعافات الاولية , و مثلث الخطير ..وبعض الاشياء التي لا اتذكرها ..
وخامساً درج اسود بالشنطة ( اتوقع انه ثابت لا يتحرك <*****<خايف يتعبث فيه ويكسره )
طبعاً كل هذا بالاضافة
الى العفريته
و كفر سبير
و الدوسات
و الرموت السبير
وطاسات الجنوط 4

اتوقع هذا كل ما يجي مع السيارة ..
الا اذا تبغانا نجرد لك البواجي و الرافارف
فما راح نخلص
راجع كتالوج السيارة ستجد فيه طريقة تركيب هذه القطع ..

[هلالي الى الابد]

ياليت تحط صور لهذي القطع لان من الصعب التعرف عليها بالوصف لو سمحت ومشكور علىالجهود

[عاشق منصور]

السلام عليكم...
القطع الغريبه الي تجي في الدرج يا انو زي ما قالو الشباب مشكبيات لتثبيت الفرش الارضي ..
او قطعتان سودا بيضاويتا الشكل تضعها الشركة عن صيانة الالف كيلو متر كسدادات للماء اسفل السياره..

[القسورة]

مرحباً بالجميع وشكرا على ردودكم الجميلة

والقطع مثل ماقالوا الشباب مستديرة أوبيضوية (تقريباً) ولكن السؤال الآن : هل المطلوب مني إني أنا أركبهم؟؟ وكيف؟؟ والا تركبهم الوكالة

وشاكر للجميع التفاعل ( والفزعة)

[عاشق منصور]

لا يا خوي لا تركب شي وريح نفسك ..

الوكاله هي الي تركب هذي القطعه عند صيانة الالف كيلو متر.


وتقبل شكري...

[منيره]

بسم الله الرحمن الرحيم

مبارك عليكم الشهر وجعلنا الله وياكم من صوامه وقوامه إنشالله