[سفاري الكويت]

زجاج الامامي لسيارتي انكسر !
طول الكسر نصف ذراع .......من واحد الله يهديه نثر الصخر بوجه السيارة
والمشكلة ان الكسر بالزاوية والكسر كل ماله ويزيد وامام وجهي وما اشوف عدل لما اسوق السيارة

[بورغد]

اهم شيئ ماصار فيك حاجه وتستاهل السلامه ولاتهون اشتر زجاج اصلي وربله الزجاج كامله علشان تضبط معاك وماتنسم

[بنت الخران]

الحمد لله على السلامه

لسلامتك بدل الزجاج وبأسرع وقت

فى الوكاله اضمن لك واحسن مثل ما قال بو رغد التسنيم

بس لا تنسى التأمين راجعهم ومعاك التقرير المروري

[ابوفيصل]

الله يعوض عليك اخوي سفاري

انا انكسر على الزجاج الامامي قبل تسعة شهور تقريبا

وبدلته في الوكالة وكلفني 1500 ريال مع التغيير

وضللته كول لايت من جديد بـ 500 ريال

[المهذب]

اذا ما تبي تبدل وكان الكسر على خط واحد تراه يتصلح
انا انشعر القزاز تبعي وصلحته
ملاحظه :
ترون اقلقت راحتنا سيارات نقل الحصى بالدائري وين المرور شاطرين على السرعه بس وتاركين الجماعه يكسرون سياراتنا

[سفاري الكويت]

المشكلة والخطأالكبير ان سيارتي ما أمنت عليه تأمين شامل
بس راح اشوف احدى الشركات اللي تلحم الزجاج

[سفاري الكويت]

تعقيبا على المشاركة السابقة
لحمت الزجاج واختفى اثرها بنسبة 80%
وعساني انسى الكسر علشان لا يضيق خلقي

[وااوأفالون]

الحمدلله على السلامه أهم شي

[أبـو خـالـد]

خطاك السو اخوي (سفاري الكويت)
والحمد لله ان السيارة سليمة .. و تفداك ..
الحمد لله على سلامتك
والف مبروك على التصليح ..
ولكن مشكلة الزجاج الامامي مشكلة ...


انا تعقدت من سيارتي القديمة ..
كل ما تجاوزني واحد من يسار خلف الخط الاصفر يطير لي حجر و يصيب الزجاج الامامي و ينقره لي ...
وبعد ما اشتريت الافالون صرت امسك المسار الاوسط عشان ما يجيني مثل هالنوعيات
بس تظل المشكلة قائمة عندما تمر من قدامك تريلة محمله بطحى ..
وما ادري وش الحل ؟؟؟
هل هناك شيء ينفع في حماية الزجاج الامامي من الحجارة ؟؟