الا يـاحـرب يـــا حـــرب الأبـيــه
على الطاغـي لكـم ضربـه قويـه
الا ياربـعـي الـلـي دامـــي أنـــي
ولــدكــم يــاحـــلاة الـعـنـصـريـه
أنــا منـكـم ورثــت الـعـز عـــزة
وعــزة مـــن زمـــان الجاهـلـيـه
أشوش إليـا انتخـا منكـم حداكـم
وأهـلّــي ثـــم أرحـــب بالـمـنـيـه
أشوف الموت كنه شربة المـاء
أنـا روحـي لأجــل ربـعـي هـديـه
تعلـيـنـا عـلــى روس وجـمـاجـم
رجـــالً سـاطـيـة مـاهــي دنـيــه
نصـرنـا الله بـعــده مـــن يـديـنـا
تملـكـنـا عـلــى الأرض الـنـقـيـة
من أقصى شرق موطنا الجزيرة
إلى أقصـى الغـرب رايتنـا عليّـه
أخذنـاهـا وغـصـبً عــن عـدانــا
أخـذنـاهــا ولا جـتــنــا عـطــيــه
حـمـانـا نحتـمـيـه ولا نــفــاوض
ولـــو كـانــت لـيـالـي سـرمـديـه
لـنــا بـالـتـرك فــعــلً يـذكـرونــه
نـثـرنـا دمـهــم بـــأرضً خـلـيــه
نوردهـم عـلـى حـيـاض المنـايـا
ونـقـطـع دابـــر نـفــوسً رديـــه
لنـا سيـوفً تقاطـر مــن دمـاهـم
نقـوم و نضـرب الظـالـم سـويـه
جميـع ملوكهـم تخشـى غضبـنـا
لأنـــــا مـــــا نـشــابــه لـلـبـقـيـه
إذا قـمـنــا أبــدنــا ثــــم أبــدنـــا
سـرايـاهــم ولا نـبـقــي ســريــه
مـع ابـن سعـود قمنـا ثـم وقفـنـا
نـطـوع كــل مــن يعـصـي ولـيـه
عـن الديـن الصحيـح نـذود حـنـا
ونــدفــع كــــل ظــلامــن بـغـيــه
بـنـا ديــن وبـنـا عــز وشجـاعـه
بنـا شيـمـه ونـخـوه مــع حمـيـه
عـدانـا مــا يعـيـشـون بـسـلامـه
ولا تـلـقـى لـهــم لـيـلــه هـنـيــه
يشـوفـون المنـايـا مـــن سبـبـنـا
ونـنـضـج لا كـويـنـا كـــل كــيــه
تسمـيـنـا بـاســم حــربــن لأنــــا
لنـا سيـوفـن مــن عـدانـا رويــه
لنـا جـدن عـلـى العلـيـاء تمـكـن
ولــه صــارت حـقــوق الأولـيــه
ورثــنــا عــزتــه حــنــا عـيـالــه
ومــن عـــزه ورثـنــا الأفضـلـيـه
تـقــول جـنــون لا مـنــا زعـلـنــا
نميلـهـا عـلـى الـنـاس العصـيـه
تـقــول جـبــال لا مـنــا رضـيـنــا
لنـا عقـولً تـرا أثقـل مـن طميـه
ولا نظلـم ضعيـفً لأجـل ضعـفـه
نطـيـع الله ولا نـبـغـى الخـطـيـه
ولا نـرحــم ظـلــومً لأجـــل قـــوه
نجيه بجيـش مـا قـد شـاف زيـه
ومــن جـانـا لـقـى مـنـا كـرامــه
لـقـى نــاسً تـقــدر لـــه مـجـيـه
عـطـانـا مـــا نـمـنـه لا عـطـيـنـا
وحِسْـن الفعـل مـا نلحـقـه سـيـه
يـديـنـا مــــا تــكَــف ولا بـخـلـنـا
ومـن يبخـل لقـى ســوّ و زريــه
خلـق ربـي يديـنـا لأجــل تعـطـي
ولا تبـخـل لـــو الـحـالـة شـقـيـه
وفـانــا مــــا تـعـكــر بالـخـيـانـه
ولــو كــل واحــدً خـانــه خـويــه
وهـاذي كلمتـي يـا ربـعـي الـلـي
لـكــم عـنــدي مـحـبـه عـالـمـيـه
ولانــي جـاحـد حـقـوق القـبـايـل
ولانــي جـاحـد الـنــاس الـوفـيـه
نهايتـهـا ســلام الله عـلـى الـلـي
سطـع نـوره وعـم النـاس ضيـه
