السلام عليكم ورحمة الله وبركاته
مساكم الله بالخير جميعا
طبعا زي ما تشوفون اسمي متورط باكووورد والله اني متورط من جد نعنبوا بليسها قطع غيار جننتني جنووون
حتى التشليح طال عمره بالرياض صاروا يحتكرون القطع وصارت اسعارهم حول سعر الوكالة ويشهد الله اني ماا عندي اي مشكلة من الناحية المادية ولله الحمد لكن الي يقهر كيف غيري يحصل هالقطع وجديدة ومن الوكالة ولا عنده اي اشكال من الناحية المادية في السيارات الاخرى
المهم والزبدة انا ناوي اغير موتري هذا الله يعيني عليه
وطال عمركم
انا حاط عيني على لكزس 430 ال اس في الحقيقة درت لين دار فيني راسي من كثر هالدوران
وطحت سلمكم الله في صالة لبيع السيارات الامريكية واحصل عندهم لكزس 430 ال اس بهذي المواصفات
لكن قبل ما اعطيكم المواصفات صاحب احد المعارض ما يستخدم لكزس الا الوارد الامريكي وكمان ابناءه الله يخليهم له وفعلا انا شوفته عنده 400 ال اس 97 وزي الفلة معاه وما شكت من اي شي ولا مرررة ويقول لي قطع غياره نفس السعودي ولا يفرق شي وتركب القطعة وتنساها وصياناتها سهلة والرجال من الثقات والله حسيبه
المهم مواصفات الموتر الي قلته لكم :::
1- اللون لؤلؤي والجنوط جنوط 2003 المعروفة <*****< انوار زينون
2- اللون بيج من داخل وتكيف مقاعد وبصمه الابواب<*****< يعني في مكعبات سوداء على الابواب وتطعيم خشبي بني المعرووف والللائق
3- شاشة ملاحة بالاضافة لديفيدي معاها
4-ابواب عادية وشنطة شفط
5- طبعا في رد استقبال لكزس المعهود (نظام صوتي )
6- الكبوت الملاحظ فيه ان مسامير الاغطية(العلب) ما انفكت الا حقت الفلاتر وتغيير الزيت
7- بصراحة انا شغلت السيارة وخليتها شغالة شوي وشفت الموية من الشكمان يقطر <*****<دليل نظافة للمكينة وغير كذا كل الالكترونيات سليمة ميه بالمييه المقاعد والدركسون والذاكرة والازرار والنوافذ وكل شي
9- حصلت الموتر في صالة البيان <*****< وكل الناس تحذررر من هالصالة لكن البايع قال لي خذ مفتاحه ورح شيكه بكل ثقة وقال لي والولد على نياته الموتر صيده
10- ماشي 90 الف كيلو متر وبالميل والله ما اذكر
11- حد السيارة 120 الف ريال وغير قابل للتفاوض
12- الضمان 4 سنوات وتغير الزيت ست مرات مع التشييك الشامل للضمان وتغيير الفلاتر وغيره والتصفيه الاولى مجانية
لكني ابيه موتر للعمر وهو لا افالون جديدة في الحقيقة
الأسئلة الحين
وش رايكم فيه والي يبغا يروح يشيكه يروح في صالة البيان الجديد على خط خريص ويعطيني خبر ؟؟
كيف قطع الغيار هل هو متوفر ولا لا كما ذكر لي صاحب المعرض الاخر ؟؟؟
هل فعلا مافيه اي مشاكل في الحرارة وغيره ؟؟
والحد الي معي يغطي قيمته بالراحة
كما اني لست مستعجل عليه لاني على وشك التخرج من الجامعة ان شاء الله والزواج
وانت عارفين مثل هالسيارات ما تنقطع عن السوق
واسف على الاطالة لكن اتمنى اني اجد مايروي العطشان من ارائكم
ودمتم بحفظ الله سالمين
المواضيع المتشابهه للموضوع: عضو متورط من جد وانوي لكزس تعالو عطوني رايكم&lt*****&lt;هااااام وارجو المساعدة 
