[تميمي وافتخر]

حبايبي افكر حاليا تلبيس ارضية السيارة ببلاستك شفاف وتلبيس الدعسات كذلك منعا للاوساخ
اعترض على احدهم وقال انت تلبسها علشان يستانس فيها الي بيشتريها عادي اذا توسخت غسلها والحمد لله بلا تغليف ولا خسارة

سألت عن تلبيسة الارضية مع الدعسات 450 ريال عند درايفر 7
خويي غلف الدعسات فقط ب35 ريال !! عند محل الاسماعيل في الغرابي

عطونا رايكم وشوركم نغلف او لا انا بانتظاركم ولكم تحياتي

[وسـ افالون ـط 600]

أهلاً أخوي نحاسي وحيّاك الله معنا ومبروووك عليك السيارة

الله يطعمك من خيرها ويكفيك شرها

من رأيي أن أهم شيء تحرص على تلبيسة الدعاسات بس ويكون نايلون مقوّى

أمّا الأرضيه لا تحرص على تلبيسها لأنك بتضطر تفك المراتب ويمكن ماترجع مثل أول

وغير كذا ممكن تكون سبب بتجميع الرواسب ومن هالأمور



بالتوفيق أخوي ،،،،

[ابوفيصل]

والله اخوي نحاسي انا غير مقتنع بفكرة تلبس الارضية

اشوف انها تشوه منظر وفخامة السيارة من الداخل

وحتى تلبيس الدعسات ما يعجبني

انا شاري دعسات من محلات الزينة وحاطها فوق الدعسات الاصلية وجاية على قدها تمام

وبكذا احافظ على نظافة الدعسات الاصلية وعلى فخامة السيارة ويمكن تنظيفها بكل سهولة

[متعب الليل]

السلام عليكم

أنا بالنسبه لي أول ماطلعت السيارة أول شي سويته
لبست الدعاسات عند الاسماعيل في الغرابي (150 ريال) بالنايلون المقوى

اما الأرضية فمااا فكرت أبدا اني البسها
أول شي مثل ماقلت بيستفيد منها غيرك
ثاني شي تخرب شكل السيارة من جوا
ثالث شي احتمال ابويمن يلعبون في كهرب المراتب وماترجع مثل أول (( تعرف السيارة حساسه شوي))
رابع شي بتنصلخ رجولك من الحر ايام الحر الشديد وبالذات في المسافات الطويلة والسفر (( واسألني مجربها))


هذا تعليقي أخي الكريم

[افا(لومافيه)لون]

السلام عليكم

انا لبست الارضيه في شارع التحليه محطة العربه

والله اخوووووي ماتتحسف بــ 200 ريال

وزي العسل

كم مره انكب كوفي , حليب , مويه

والحمدلله السياره ما طلع منها ريحه وايضا التراب

لا يفوتك خياطتهم وانا مستعد اقابلك هناك في المحطه عشان تشوف

تحياتي

[تميمي وافتخر]

والله حيرتونا يا جماعة !!

مثل ماذكرتوا قضية فك المراتب مشكلة ولا تضمن انها ترجع مثل اول

الله يرضى عليكم ما قصرتوا

[ابوفيصل]

والله اخوي نحاسي لا حيرة ولاشي

انت طلبت المشورة من جميع الاعضاء وطبيعي تسمع وتشوف آراء وقناعات مختلفة

وانت شوف اللي مقتنع فيه ومرتاحلة وسوية

وبالتوفيق ان شاء الله

تحياتي لك

[ميتم الروح]

أنا أؤيد كلام الشباب،

و أقول لا لتلبيس الأرضية !!
عندك أفالون مو بيكب هذا ..

[المهذب]

نصيييييييييييييييحه
لا لتلبيس أرضية السيارة
اول ما شريت سيارتي قابلت واحد في الوكاله عنده افالون وعنده مشاااكل في كهربة السياره من مشكله ورى مشكله والرجال محتاس وحاس الوكاله معاه محتارين
بالآخر
اكتشف المهندسين بأن السبب هو تلبيس ارضية السياره مما ادى الى جرح الأسلاك لأن السياره كلها كهرب تحت الأرضيه فأحذروا يا إخوان
أما الدعاسات ماعندك مشكله لبسها لأنها اكثر شي معرضه للإتساخ بس ما نصحك بالمقوى لأنه بيتشوه بعد فتره ويتغير لونه وصعب الفك لكن الخفيف مريح سهل الفك ومظهره احلى وانت بكيفك
وآسف على الاطاله