[الوكري]

[السلام عليكم ورحمه الله

للبيع Vxr 2006

فل كامل ماعدى الشاشه

خليجي وارد البازعي

تظليله عزل حراري في كول

خلفيه لكزس

ماشي 76000

اللون لؤلؤي

الصدامات نفس اللون

هدرليك

ونش

الداخلي جلد بيج

خالي من الصدوم او لرش

# الشبك والانوار والزجاجه الاماميه مرمله (سافي) والحمدالله بسيطه

رابط صوره السياره

IMG]http://www.arb-up.com/upfiles/HgJ73627.jpg[/IMG]

السياره للبيع كاش وفي اسرع وقت

للمفاهمه الايميل
وشكرا

[الوكري]

وينكم يا اهل vxr


( مابه احد يسوم )

[حمد المجروب]

السلام عليكم...الوكري الموتر كم مسيومارجو الافاد

[الوكري]

والله ياحمد مسيوم بــــ 157 الف ريال سعودي

وانا ماني بعيد

للجادين

[الوكري]

وترا فيه هديه مع السياره


كيس ارز بسمتي 5ك

وين الناس وين هاوين الجيوب

[عاشق الجبيل]

الله يوفقك ببيعه طيبه

[الوكري]

الله يوفقك يا راعي الجبيل

الموتر عندي مابعد تم بيعه والظاهر اتمسك فيه افضل لي (اقنيه) مالقيت احد يسوم سومه زينه وهو صامل

[سايبر]

ما دام مسيوم 156 الف
الله يوفقك ما اقدر أزيد
لكن بنرفع الموضوع
والله ادور لي جيب نظيف

[الوكري]

الله يبارك فيك

يا سايبير

السياره مسيومه بـــ157 وانت تنزل سومتها

الله يهديك

والسياره نظيفه والحمد الله


وشكرااا

[الواكز]

السلام عليكم
.
.
حياك الله يا الوكري انت ما قصرت ذكرت المواصفات كامله وقلت الوجه متضرر بس مدري عن بطن الموتر وش وضعه .

السومه هذي على ممشى الموتر الان او قبل .

ارجو الرد لاني ادور جيب وفي حاجته .

و زود في الهديه وخلها 50 كيلو خلنا نطمع في الموتر .

[الوكري]

تستاهل يالواكز

ماهو خمسين كيلو تستاهل قعود لقي

مافهمت وش تقصد ببطن الموتر؟؟

السياره جديده ومافيها لا ضربات في بطنه ولاشي الحمد الله

اطلع على جال السفلت من قريب مالي في التطعيس وغيره

قلبي مايطاوعني ادخل به البر

عندي هايلكس اروح عليه واجي

والجيب االى اليوم ماشي 76الف و600

وانا اجيبه من اقصاه ابي في السياره160

وسلامتكم

[صقار الهلالي]

الوكري وين الوجهه

2007 او 2008

[الوكري]

لا والله يالصقار

لا 2007 ولا 2008

الوجهه

قطعه ارض جنب بيت الشايب

الله يبارك فيك

لاكن مرات اقول vxr عديل الروح مقدر اعيش بدونه اضفته مع المره والعيال في دفتر العائله

ولا ادري وش السوات

ومافيه ناس صامله في المنتدء وزوار المنتداء تبي تشري

افيدونا سيارتي كم تسوى من جد وبدون بخس في السلعه او مجامله

[الوكري]

ما رديت علي يالواكز

وش تقصد ببطن الموتر؟؟؟

[أبـوخالد]

يارجال ماتفرق 3000 ريال على اللي يبي يدفع 157

وانت المفروض ماتفرق معاك

وان كانك مستعجل بعة نصيحة

وانا افضل انك تنتظر على دخلة الشتاء

موسم الجيوب

وبالتوفيق ..

[الوكري]

الله يبارك فيك يا ابو خالد


ومشكور على المرور

[الوكري]

وينك يالوكاز

مارديت لي العلم؟؟؟؟؟