[alshareef]

السلام عليكم

الفزعة يا أخوان


أنا عندي كامري 2007 من سلطنة عمان
والكامري معنا معروفة بهذا الإهتزاز في الشارع
كـــــــــل السيارات تقريبا
لدرجة معنا تسمى " النقازة "
ويقولوا " إذا فيها حامل راح تولد إجباري "
........... وغيرها من السوالف

وأنا فعلا ملاحظ هاشي
الهزة واضحة جدا
حتى أستحي أركب أحد معي
خصوصا الكرسي الخلفي
ما تشوف غير الرؤوس تقفز

والله فضيحة

فلو كان معاكم حل ياريت تساعدوني .......... بلييييز

:confused

[alshareef]

لا تقولوا الوكالو !!!

ما فيه فايدة

[ناوي الرحيل]

والله يا اخوي عندنا في السعوديه السياره عادي ما تنقز ما شاء الله
وراسيه في الطريق ما شاء الله

[احـــ قلبي ــب]

يا اخوي عندنا في السعوديه السياره عادي ما تنقز ما شاء الله
وراسيه في الطريق ما شاء الله

[بقايا جـروح]

يمكن المشكلة في شوارعكم

أما احنا نقزات بسيطة

والكامري ولله الحمد راسية

على خفيف

[أسير الليل]

انت سيارتك اكيد من الدفعه الاولى مثل سيارتي بعد ما طلعت عيوني من الوكاله غيروا لي المساعدات الحلفيهى واعترفوا ان فيهم خلل وتغيروا من المصنع بنوع آخر

[سري للغآيه]

والله ياخوك أنا اشوفها طبيعيه مافيها أهتزاز بالعكس راسيه ومريحه

[بلال]

علشان تعليقها رياضي

[alshareef]

ما أريد تعليق رياضي إذا كان كذا

وهذي المشكلة مب في سيارتي بس !!!!

كل السيارات تقريبا

والله هزة ورجفة قوية وخصوصا لما الشارع متعرج

واحنا شوارعنا جيدة نسبيا بالمقارنة ببعض الدول
وأصلا الرجفة ما تصير في السيارات الثانية

إيش الحل يا خبراء ؟!!!
لحقوني !!

[صقر الجزيره]

والله امثلك

والوكاله من جانبه

[شادي س س]

اخوي

الكامري و الاوريون اول ما تأخذها تنقز طبيعي لاكن اصبر عليها شهر تقريبا وراح تروح من حالها ....
و الحاجة الثانية تأكد ان ضغط الهواء في الكفرات 35 .
هذا اللي صار معي.....
انشاء الله اني افدتك و تقبل تحياتي.

[alshareef]

شكرا "شادي"

ألحين 10 أشهر تقريبا من أخذت السيارة
وما فيه تغيير

ضغط الهواء 35 طبيعي

والله محتار وشوي بكون نادم على السيارة !!

[alshareef]

ؤلاؤؤلارررلالا

[خليفة احمد]

والله اخوي انا من الامارات وماخذ سيارتي الكامري من عمان عشان المواصفات افضل...وجزاك الله الف خير..كنت اظن ان المشكلة في شوارع الامارات..بس انا مو دايمااا السيارة تتناقز ..احيانا احس بهالشي لدرجة ان احدهم قال لي انك منزل السيارة واستغربت من هالشي...

حبيبي نصيحتي...روح خذ السيارة اي وكالة غير الوكالة اللي اشتريت عندهم السيارة وخلهم يبدلون كل شي في الشيارة من البريك والسفايف وعلى حسابك لأن هذي العيوب مصنعية والوكالة ما تبي اتصلح على حسابها.

[alshareef]

يا أخ " خليفة "
هذي ما مشكلة سيارتي بس!
كل الكامري في عمان كذا
وصارت شكاوي في المحاكم ضد تويوتا عمان
وبعدين وصلت السالفة إلى اليابان

والحل / تم ارسال " جانبينات " من اليابان جديدة لإختبارها على الكامري
وتم تركيبها على السيارات
وبالفعل راحت الهزة وصارت السيارة تمام
بس المشكلة إنهم ما راضين يبدلوا كل السيارات
وألحين ناوي أروح الفرع الرئيسي في مسقط ونشوف السالفة
بس الدوام مأخرني شوي

إنت بعد لازم تتحرك

[كامري الزياد]

حلوه ذي تقفز

ابيك تطلع ريحتها

الكامري الى جاها دلع خربت
اولى جاها واحد شديد جت اوكي