[*ابوفهد*]

عندي مشكلة بقزاز الراكب الامامي رفض يطلع او ينزل من عند ناحية السواق
و لكن يطلع وينزل من ناحية الراكب ولكن ليس بصورة اتوماتكية يعني بضغطة واحدة
يعني لازم تكون ماسك على الزر

الي عنده حل لا يبخل علينا به حتى استفيد ويستفيد غيري

ولكم الشكر مقدماً

[ابوفيصل]

اخوي ابو فهد هذه الحركة تصير اذا انفصلت البطارية او اذا تم اعادة برمجة كمبيوتر السيارة

لارجاع القزاز للعمل التلقائي : اول شي نزل القزار للنص ثم ارفع القزاز للاخير وخلك ضاغط على الزر لمدة ثانيتين وبعد كذا ان شاء الله بترجع طبيعي

[*ابوفهد*]

تصدق كنت متوقع انك اول من بيرد ويحل هذه المشكلة

واقول الله يعطيك العافية وتكون دخر لهذا المنتدى

وراح اجرب واردلك الجواب
مشـــــــــــــــــــــــــــــــــكور اخوي

[أبو ريان]

أنا حصلت لي نفس المشكلة تقريبا ...

وجربت اني أعيد ضبطها زي ما قال أبو فيصل ... بس ما نفع معاي

فدخلتها الوكالة، وغيروا لي الدينمو كامل على الضمان

[زمخشر]

نصيحتي لمن عنده افلون لا تخلي الزجاج مفتوح الى النصف وتغلق الباب بالقوة وانت مستعجل لانه
اوحتى تغلق الباب بالقوة حتى لو كان الزجاج مغلق في الباب لانه يؤثر على مكينة الزجاج في داخل الباب
مثلكم عارفين ما عاد هناك سيارات قوية مثل القديمة خليك رومنسي مع الابواب . مجرب وخاسر وناصح

[المكيانيكي]

اعتقد زر القزاز خربان ويبغاله تصليح او تبديل لان مالها علاقة البرمجة بالعطل هذا

[الحـ(درب)ـب]

اعقتد انه الزجاج خربان والموضع غريب
اذا برمجه نقول الحمد لله زين

بس اذا ماضبط

روح صلحه بالوكاله


وتقبل مروري

[ابوفيصل]

يا اخوان اللي يقولون الموضوع ماله علاقة بالبرمجة

هذا الشئ مكتوب في دليل المالك ما جبته من راسي

وانا صارت عندي الحركة اكثر من مرة بعد ما اطلع السيارة من الصيانة احصل الاوتو ما يشتغل

واطبق نفس الحركة ويرجع القزاز كما كان .

[طير بحر]

مبارك عليكم الشهر
اخوي ابو فهد اعتقد المشكله في ذراع الجام اي في الباب
اخوي مدام السياره على الضمان روح لوكيل احسن

[المهذب]

المشاركة الأصلية كتبت بواسطة ابوفيصل

اخوي ابو فهد هذه الحركة تصير اذا انفصلت البطارية او اذا تم اعادة برمجة كمبيوتر السيارة

لارجاع القزاز للعمل التلقائي : اول شي نزل القزار للنص ثم ارفع القزاز للاخير وخلك ضاغط على الزر لمدة ثانيتين وبعد كذا ان شاء الله بترجع طبيعي

كلام ابو فيصل سليم يا شباب

انا وانت ياأبو فيصل أكثر الأمور مرت علينا وهاي السالفه حصلت معي بعد ما خلصت البطارية واي شي اوتو ما يشتغل لا قزاز ولا فتحة سقف وبعد ما شحنت اشتغلت تمام