[الفارس الاول]

السلام عليكم

من يومين حجزت افالون ليمتد لؤلؤي توصل بعد اسبوع ان شاء الله وعندي شوية اسئلة

1- وكيل قطر يجيب الافالون من غير ستارة كهرباء فهل اقدر اركب ستارة كهرباء وكم سعرها
2- كم سعر الجناح الاصلي للافالون
3- كم يكلف تظليل السيارة في في كول او جونسون وايش الافضل واي لون احط
4- هل من الممكن تركيب سنسورات في الصدام الامامي وكيف يشتغل لان الخلفي يشتغل
لما نحط الجير على الريوس زين في الامامي اذا يصير كيف بيشتغل
5- هل البلوتوث مفيد وصوته جيد ولا اي كلام

وشكرا

[الفارس الاول]

افا ولا رد للحين !!

[مجنون الأفالون]

اسعد الله مساك الفارس الأول

وحياك معنا

ومبروك الأفالون ويعطيك خيرها ويكفيك شرها

بالنسبة لأسئلتك

1- وكيل قطر يجيب الافالون من غير ستارة كهرباء فهل اقدر اركب ستارة كهرباء وكم سعرها


والله مشكلة وكيل قطر ... حنا وكيلنا عبداللطيف موجوده الستارة وجاهزة ... لكن اذا موجوده الستارة عندكم بالوكيل يمكن سعرها راح يكون فوق الـ 1000 ريال قطري ... وتركيبها راح يكون معقد ( يمكن ما تكون لي خلفية هل يوجد مكان جاهز للستارة او لازم تحفير وحالة خاصة ) ولو إني في قطر كان أفدتك أكثر لكن الشباب فيهم الخير والبركة


2- كم سعر الجناح الاصلي للافالون

برضو ما اعرف والله يالفارس الاول ... لكن برضو شباب قطر راح ينفعونك بالمبلغ كامل مع التركيب
واتوقع كل اللي تبغى تعرفه عن الجناح يمكن تلقاه بالوكالة وسعرها وتركيبها ...

3- كم يكلف تظليل السيارة في في كول او جونسون وايش الافضل واي لون احط

تظليل Vcool اتوقع يتراوح ما بين 2000 ريال إلى 2500 ريال . والأفضل بصراحة Coolite او في كوول حلو ما عليه

وأنصحك باللون الشفاف .. لانه حلو ويطلع منظر السيارة بصراحة ... وتفادي للمخالفات المرورية


4- هل من الممكن تركيب سنسورات في الصدام الامامي وكيف يشتغل لان الخلفي يشتغل
لما نحط الجير على الريوس زين في الامامي اذا يصير كيف بيشتغل

يمكن تركيب الحساسات او اللي تقصدها سنسوارات ... حتى عبداللطيف وكيل المملكة يركب الحساسات عنده
اما بخصوص كيف يشتغل ... في زر خاص لتشغيل الحساسات الامامية وتقدر تشغله او تطفيه ..
وبالنسبة لما تريوس ... شي طبيعي ما راح يشتغل الحساس الأمامي .. لانك إنت في وضع الريوس.. حتى في اللكزس والبانوراما لا توجد هذه الخاصية يالفارس الأول .

5- هل البلوتوث مفيد وصوته جيد ولا اي كلام

والله مفيد وحلو بصراحة وواضح صوته... وينفعك كثير وقت السفر او زحمه الطريق .. ولازم تكون ماسك الدركسيون بالزحمه .. او في طريق سريع

يعني بكل الأحوال حلو البلوتوث .... لكن ما اتوقع انك راح تدمن عليه ....


بالاخير أتمنى اني وفقت يالفارس الأول بالإجابة ....

واتمنى إني اكون من اهل قطر ( ويشرفني هالشيئ ) عشان أفيدك أكثر ...


وعالبركة مرة ثانية

ولا تنسانا من الدعاء برمضان


اخوك

احمد

[الفارس الاول]

تسلم اخوي احمد ماقصرت بخصوص الستارة شكلها مالها مكان يبغالها تحفير بهون عنها الجناح بشوف الوكالة
وبخصوص الحساسات والبلوتوث ان شاء الله بركبهم بس مادري كأني سمعت ان الحاساسات تكون خلفية بس مش امامية
اذا حد عنده فكرة ياريت يقولي

[مجنون الأفالون]

لا شكر على واجب ياخوي الفارس

حنا بخدمتك

بالنسبة للحساسات: تقدر تركبها في أي مكان للزينة



هذا في حال رفض الوكالة لتركيبها ... وما أظن بترفض

بس لازم تعرف أن محلات الزينة لازم تكون معترف فيها ويعطيك ضمان عليها


ولو تتصل على الوكالة وتستفسر منهم وانت مريح بالبيت أحسن لك

تحياتي لك

[الفارس الاول]

كلامك عدل اخوي
انا لما سألتهم قالولي بنركب بس على الصدام الخلفي استغربت في الموضوع بس ما باقشتهم على العموم
من كلامك فهمت ان في امكانية للتركيب في الصدام الامامي وعند وصول السيارة لكل حادث حديث

[السـ(الناري)ـهم]

هلا وغلا اخوي

اول شي مبروك على السياره

الله يعطيك خيرها ويكفيك شرها

وبخصوص اسئلتك

1- وكيل قطر يجيب الافالون من غير ستارة كهرباء فهل اقدر اركب ستارة كهرباء وكم سعرها

بخصوص الستاره والله مادري هو يجيب ولا لا بس على ما اظن يجيب الستاره اذا طلبتها

2- كم سعر الجناح الاصلي للافالون

سعر الجناح بين 1300 و بين 1500 واذا تبيها طلبيه ويجيبونها لك خلال 3 شهور واذا تبي اسرع في الامارات خلال 20 يوم

3- كم يكلف تظليل السيارة في في كول او جونسون وايش الافضل واي لون احط

انا مركب جونسون بـ 1700 ومركب زيرو زيرو بس الناس يمدحون في كول والاختيار لك

4- هل من الممكن تركيب سنسورات في الصدام الامامي وكيف يشتغل لان الخلفي يشتغل
لما نحط الجير على الريوس زين في الامامي اذا يصير كيف بيشتغل

في زر تضغط عليه يشغل لك الحساسات اللي جدام لين تبي تستخدمهم

5- هل البلوتوث مفيد وصوته جيد ولا اي كلام

بخصوص البلوتوث والله ما جربته

[الفارس الاول]

تسلم اخوي السهم الناري على مشاركتك

[منيره]

مشكووووووووووور

[عرباوي للابد]

السلام عليكم كيف الحال يا اخوان انا بغيت اسالك اخوي الفارس الاول ابكم طلعت الافالون لاني ناوي اخذها في هاالشهر وشكرا

[الفارس الاول]

اخوي الوكالة عندهم ب 120000 كذالك طارق والتضامن بس ممكن ينزلون انا منتظر يجيبون دفعة جديدة بتوصل ان شاء الله بعد اسبوع السعر تقريبا 116000 اخرها ويبغالك تكلم المدير عشان تاخذه

[عرباوي للابد]

مشكور على المعلومه وانا اعرف صديق الوالد اخذ 2006 لمتد 115 لما نزلة بس اتهقا احصل في الوكاله لون لؤلؤي لاني افكر اروح يوم الاحد او الاثثنين احجزلي وحده موديل 2007 وشكرا

[العتيبي 511]

مشكور على الموضوع المتميز

[شمعة بلا فتيل]

مشكورين اخواني على الافادة....وانا اللي اعرفه عن الجناح يتركب بــ1800 ر.س

[بوغاليه]

هلا اخووي الفارس الأول
ويعطيك خيرها ويكفيك شرها وبخصووص الأسئله



1- وكيل قطر يجيب الافالون من غير ستارة كهرباء فهل اقدر اركب ستارة كهرباء وكم سعرها

في ستاره قريبه من ستارة الوكاله موجوده في محلات الزينه الي صوب دوار سناء وسعرها مب غالي تقريبا 350 ريال

2- كم سعر الجناح الاصلي للافالون
موموجود في الدوحه وسئلت مره في البحرين قالي سعره 1600 تقريبا

3- كم يكلف تظليل السيارة في في كول او جونسون وايش الافضل واي لون احط
العازل تقريبا سعره 1700 ريال بس الله يعينك مع قانون المرور الجديد وبخصوص الأحسن ما اقدر أفيدك بس ناس وايد امدحو جونسون

4- هل من الممكن تركيب سنسورات في الصدام الامامي وكيف يشتغل لان الخلفي يشتغل
لما نحط الجير على الريوس زين في الامامي اذا يصير كيف بيشتغل

يشتغل اول ما تحطه في الدي D اذا كان تجاري طبعا أما الأصلي ما عندي خبر والله
5- هل البلوتوث مفيد وصوته جيد ولا اي كلام
خذ نصيحة اخو لا تركبه ما منه فايده
وأتمنى قدرت أفيدك
وما أقول غير الله يسامحك يا عبدالغني

اخووك
بوغالية

[سعد ابو حمود]

اخواني عندي ملاحظه اخونا الي قاعد يذكره ان من دون ستاره تعمل بمجرد التعشيق للقير
والجناح ماكوووو
ذلين اساسا يكون فرق بين افالون اللمتد والعادي ال اكس ال فتأكد اولاا اخوي انك حاجززز اللمتد
والا ماااعتقد اكو وكيل بالخليج بينزل الافالون من دون هذيي الشغلتين الي تعتبر اساسين الستاره اساسيه بموديل 2007 والجناح هم اساسي بموديل 2007 يعني 2008 اكيد موجودين
مسأله لبلتوث مااعندي ادنى فكره عنهااا
الحساسات ماننصح تركب خل الموتررررررر بطبيعته ماتعلم تسلم سيارتك لمن يركبهاا وتطلع مشاكل بالكهرباء السياره تأذيك
اما العازل الحراري مهم جدا واحنا بالبحرين مااكووو شئ افضل من فيي كول وسعره اكثر ويوصل الى 1500 ريال سعودي