[سايبر]

متى ينزل الفوتشنر تكفون من اللي عنده خبر او علاقه بتويوتا

[الأستاذ محمد]

سمعت يا أخوي من أحد الشباب المهتمين بالموضوع بتنزل في شهر 11/2007 وتأكدت من أحد العاملين بوكالة تويوتا والله أعلم

[سايبر]

الأستاذ محمد شكرا لتجاوبك
وإذا فيه خبر جديد لاتبخلوا علينا

[استندر مزيون]

عمي مشتري فورتشنر امس كنت وياه فالوكاله ....وبيستلمها اليوم او يوم السبت (موديل 2008)

[الجفني]

استندر مزيون متاكد انه 2008 اخاف انه 2007 وشكرا

[الأستاذ محمد]

الأخ استندر مزيون أظن إنك غلطان لأنه ماخلّص 2007 من الوكالة للحين ومانزل 2008 والله يبارك لكم في السيارة ويعطي عمك خيرها ويكفيه شرها أتمنى أكون أنا الغلطان وشكرًا للتواصل

[استندر مزيون]

السلام عليكم
هذي صورته قبل لا نطلعه من ساحة البهوان



وهذي صورته فالكراج


تاكدت علني فداك انه 2008
السموحه عالقصور

[سايبر]

أبو محمد مابقى في الوكالة ولا سيارة فورتشنر إلا أربعة سلندر

أستندر مزيون ياليت تعلمنا عن مواصفاته قيمته

[الجفني]

يامل العافيه والله يا اخوي استاندر يامزيون
تصدق انه عندنا بسعوديه لين الحين ما نزل وانا انتضره على احر من الجمر
بالله عليك الله لا يهينك ممكن تزودنا وش الفرق بينه وبين 2007 من حث الشكل والموصفات واذا امكن صور الله لا يهينك يا مزيون .

[سايبر]

تكفى ياستندر مزيون عطنا مواصفاته وسعره
كلمت واحد يشتغل في وكالة عبد اللطيف وقال أتحدى إذا كان 2008 وقال يبي له وقت
تكفى عطني المعلومات كاملة من مواصفات وسعر خلني اعلمه

[الأستاذ محمد]

مشكور أخوي استندر مزيون ونبي صور وتفاصيل أكثر لاهنت

[عابر البحار]

وينك يا استندر مزيون تراك ابطيت


نبي الاخبار الزينة

[استندر مزيون]

السموحه عالتاخير شباب ....السياره موديل 2008 مواصفاتها اربع سلندر فول اوبشن :رنجات المونيوم /تخشيبه / كروم عالليتات الي ورا /خطوط/ كشافات /وحساسات ورا بس
الفرق بينه وبين 2007 نوع التخشيبه ...2008 تخشيبته احلى من 2007 ..2007 تقول ورق ملصقينه
والسعر 91 الف درهم بس بعد المكاسره نزلها الف درهم بس يعني ب 90 الف
والسموحه

[استندر مزيون]

على فكره السياره ماخذيها يوم الخميس تاريخ 27/9/2007...وانا يوم كنت عندهم الاسبوع الي طاف قلتلهم متى بينزل موديل 2008 قالي بعد شهر واسبوع تقريبا (يباني اشتري 2007 عشان يفتكون منه ) قلتله في فرق فالمواصفات قالي لا وعمي مستعجل عالسياره قلتله يلا توكلنا على الله وكان بيعطيني اياها ب 87 الف ...يوم شاف فالكمبيوتر لقى ولا حبه باقيه كلها انباعت قالي مافي 2007 تبا 2008 قلتله اكيد ...عطاني عرض اسعار وقالي اختار اللون ودفعت 500 للحجز ...انا حجزت يوم الاثنين ويوم الخميس السياره وصلت من مسقط يعني السياره كانت موجوده من زمان فالمخازن بس ينتظرون 2007 يخلص

[سايبر]

أستندر مزيون
يقولون اللي نزل الأربعة سلندر السته سلندر يبي له شهرين
هل سألت عن السته

[المحظوظ]

أعتقد انه لا يوجد فرق لإن السيارة توها حدثة نزول في السوق (2006) لذلك التغيير ممكن يحدث بعد 4 او 5 موديلات من أول موديل نازل....لإنكم كما ترون في الصور السابقة الشكل الخارجي نفسة والداخل كما ذكر الاخ ستاندرد مزيون نفسة ....!!!!
هذا الذي اعتقد واللة أعلم

[الجفني]

يعطيك العافيه اخوي استاندر

[عاشق الدبل]

أنا مقتنع بما قاله الأستاذ ستندر مزيون