[رومنسية البدر]

السلام عليكم ورحمة الله وبركاته..

قبل شهر تقريبا وديت سيارتي الوكاله عشان صيانة ال 30 الف .. وبعد مااستلمتها وشغلت التكيف وحطيته على الآخر .. ومسكت الطريق السريع جيت بقصر على التكييف وضغط الزر اللي يقصر على دفع المروحه .. علق .. مو راضي يرجع .. طبعا نزل دفع المروحه إلى اقل شي .. ضغطت الزر اللي يزيد من دفع الهواء ورجع الزر طبيعي
وعلى هالحاله كل ماضغط الزر اللي ينزل من دفع الهواء يعلق .. وإذا طفيت المكيف يرد يشتغل ( لأن الزر معلق ) لازم اضغط على الزر اللي يزيد الدفع عشان يتحرر وبعدين اطفي المكيف..
المهم رحت الوكاله ثاني وقلت لهم المشكله وقلت إن العطال ماكان فيها يوم سلمتكم السياره .. قالوا مو مشكله السياره على الضمان وراح نبدل لك الزر ..
طبعا الزر مو متوفر عند الوكاله .. سووا طلب للقطعه و وصلت بعد 35 يوم ..
ودقوا علي وركبتها امس

وهذي صورة الزر اللي تعطل ..




قولوا لي وش رايكم بهالعطال غريب صح .؟

أنتظر تعليقاتكم

[م.أنس]

يمكن منكب عليه مشروب غازي أوشيء .. أو مركب فواحة للعطر ومع الشمس قطرت عليه فصار دبق ..

عموماً مدام صلحوه على الضمان الحمد لله ..

والله يوفقك ..

[رومنسية البدر]

لا ما إنكب عليه شي نهائيا

لكن يوم جيت استلم السياره .. لقيتهم موقفينها بالشمس ( صار لها يومين واقفه بالشمس بعد ماسووا الصيانه لأني تأخرت عليهم ) واتوقع أثرت عليه حرارة الشمس واخترب

وماكانوا منسمين بالجام نهائيا .. ولو حاط خروف مصلوخ داخل السياره لمدة يومين بالشمس كان استوى .. لأن درجة الحراره عندنا وصلت 54

[رومنسية البدر]

والله يوفق الجميع
وشاكرلك على المشاركه يالغالي

[سفاري الكويت]

فعلا شي غريب
يا معود لا تخوفنا .ضارب فينا الوسواس من السيارة

[بورغد]

الله يغربلهم

[ابوفيصل]

والله حالة غريبة الله يكون بعونك عزيزي بوعبدالله

انا الحمدلله السيارة عندي اكثر من سنتين ما قد صارتلي مشكلة بزراير المكيف او المسجل

وسيارتي ما اوقفها الا بالشمس لاني ماعندي قراج للسيارة مع الاسف

وان شاء الله ما تكون القطعة مبدلة من السيارة وقت الصيانة ...

[رومنسية البدر]

والله يابو فيصل إنك فتحت مخي على شي ماجا على بالي أبد
تصدق عاد إني بديت أيقن إن القطعه فعلا مبدله أثناء الصيانه لأني سلمت سيارتي لهم سليمه 100%
والله مشكله
هذا شي ظاهري واكتشفناه وما خفي كان أعظم
إنعدمت الثقه فيهم والله
والخوف كل الخوف إنهم مايسوون صيانه ولا شي بس زيت وفلتر ويقولون سوينا وسوينا وياخذون من هالفلوس
أنا ماأشك بالمدراء أبد
أن أشك بالعمال إنهم حراميه وجذابين
نقط فلوس بالهبل على الصيانه ولا نستفيد
في مشكله ثانيه طلعت لي وشكلها عويصة وراح أفتح فيها موضوع جديد قريبا بس بعد ما اتأكد منها ومن حلها
عشان لا تداخل الأمور

وشاكر لجميع الإخوان اللي شاركوا في الردود ؛)

[المهذب]

المشاركة الأصلية كتبت بواسطة ابوفيصل

والله حالة غريبة الله يكون بعونك عزيزي بوعبدالله

انا الحمدلله السيارة عندي اكثر من سنتين ما قد صارتلي مشكلة بزراير المكيف او المسجل

وسيارتي ما اوقفها الا بالشمس لاني ماعندي قراج للسيارة مع الاسف

وان شاء الله ما تكون القطعة مبدلة من السيارة وقت الصيانة ...

نفس كلام الأخ ابو فيصل
لكن
ماشاء الله عليك
شكل يدك جامده على الأزرار
اهدأ اهدأ

وابشرك يا بو فيصل سويت كراج للسيارة اول موسم الحر

[وااوأفالون]

اللحمدلله أنهم غيرو للقطعه على للضمان وكلامي نفس
كلام أبوفيصل ترا حرميه وسط للورشه يبدولون للقطع

وصارت لأي هذي للحركه قبل كدا في الإفالون موديل 2000

لكن إنتبهوا منهم ياشباب

[الـــقـــرنــي]

المشاركة الأصلية كتبت بواسطة رومنسية البدر

لا ما إنكب عليه شي نهائيا

لكن يوم جيت استلم السياره .. لقيتهم موقفينها بالشمس ( صار لها يومين واقفه بالشمس بعد ماسووا الصيانه لأني تأخرت عليهم ) واتوقع أثرت عليه حرارة الشمس واخترب

وماكانوا منسمين بالجام نهائيا .. ولو حاط خروف مصلوخ داخل السياره لمدة يومين بالشمس كان استوى .. لأن درجة الحراره عندنا وصلت 54

الحمدالله انهم خلاصولك السياره

بس ترا انا لحضت ان السواقين الي في الوكاله ما يهتمون في السياره ابدا
ويسوقونها بأهمال وثاني شي يوقفونها في الشمس
والله يخارجنا من الوكاله

[الحـ(درب)ـب]

اولا اخوي رومنسية البدر
والله لك وحشة

ثانيا الله يستر من الإزرار اذا هي كذا
بس الحمد لله انا من النوع اللي يحطة أوتو على درجة 21.0 او 20.0 وهو يخفف التكيف ويقووية على كيفة

يعني مازخ الأزرار خير شر (( وهذ الأفضل ))

[شمعة بلا فتيل]

ماادري بس احس انه منكب عليه شيء وانت ما تدري...

وقد يكون العطل منهم..
الحمد لله ازمه وعدت...
والحمد لله على سلامت الفوفو...

[عرباوي للابد]

الله يفك ازمت

[شكمان ابوكنداسه]

يمكنه العطل من الوكاله نفسها
وغريبه مثل ها الاعطال تحصل

[بـــــــوفــهد]

شكلهم لاعبين في ازرار التكييف