[كريتشر]

السلام عليكم
نظراً لاني طرحت هذا الموضوع في صفحه اخرى ولكن بدون تجاوب فقلت اني احطه في موضوع مستقل لكي انا استفيد وبقية اخواني بالمنتدى يستفيدون
الموضوع هو انا اشتريت شاشة ملاحه والبرنامج الي جاي مع الشاشة هو Route 66 Navigate7 والبرنامج هذا بعد البحث بالنت مالقيت له تحديث ومافيه مميزات كافيه فا قلت بعون من الله ثم منكم اتمنى انكم تفيدوني بكيفية تغيير البرنامج من روت 66 الى برنامج افضل منه علماً انو عندي برنامج الرينج روفر بس ماعرفت اركبه واذا كان عندكم اي اقتراحات ياليت تفيديوني فيها .
شاكر لكم يا اخواني
شهركم مبارك وكل عام وانتم بخير رمــــضــــان كـــريـــم

[ويلي]

والله ودي لو اقدر اخدمك

بس انا للحين ما شريت السياره عشان افتيك بالشاشه خخخ

[نايفي]

اخي الكريم هذه الشاشه تتعامل بنظام windows ce 5
MIPSⅡ

وايظا البرنامج يتقبل ابعاد الشاشه 400x234 فقط

وعلى فكرة شاشة الكامري الي عندك مقفله وموجود اخفاء لملفات الستب الي بامتداد
exe , cab
انا حاولت احدث او اكرك البرنامج بس بدون نتيجه بالاضافه محاولة تغيير البرنامج
ولم الاقي برنامج بهذه المواصفات ممكن ان اضعه

اذا لقيت علمني

هذا ردهم على الايميل
2.The operating system of our production is Windows CE5.0,but if you want to install other new software,the software first should be accord with MIPSⅡarchitecture and Windows CE5.0,then it has possibility to run in our unit,or it can't run and to be installed.

If you want to use the other different navigation software,it should be accord with MIPSⅡarchitecture and Windows CE5.0 and the resolution should be 400x234 then it has possibility to run,or it can't.

[كريتشر]

السلام عليكم
اخوي ويلي اخوي نايفي الله يعطيكم العافية على الفزعة الطيبة
انا حاولت اركب حق الكزس ال 460 بس ما مشى الحال معي وبيني وبينكم ما اعاد ادري وش اسوي
رحت للمنتديات حقت البوكيت بي سي بس نزلت كذا برنامج ومثل ما قلت يا اخوي نايفي لما ادخلها على السيارة ما القى برنامج التثبيت .
اتمنى من جميع الأخوان الي يقدرون يساعدوني بحل هذه المشكلة انهم يفزعون معي
لان البرنامج الروت 66 مافيه المميزات الكافية غير انه ضيعني كم مره ولا حتى يعطيني طريق مختصر والخرائط قديمه ومالقيت لها تحديث ولا يكشف الرادار ولا الكميرات مع العلم انهم يقولون البرنامج يكشفها
اخوي نايفي انا بدور اي برنامج نافيجيشن بنفس هذي المواصفات واذا لقيت ان شاء الله برد لك خبر

الف الف شكر لكم يا اخوان

[أبو الجوهره]

الي فهمته من الموقع حق الشركه المصنعه للشاشه

تقول انهم هم الي حطو الخرائط وهم جايبينها من وكيل في الخليج العربي ومعترف من دول الخليج الي هو روتي 66

يعني اتوقع ماتقدر تغيره الا عن طريق الشركه

اتمنى يكون فيه جديد لان الخريطه حقت السعوديه قديمه مره

[كريتشر]

يعطيك العافية اخوي ابو الجوهرة واتمنى اننا نلقى حل لهذي المشكله بأسرع وقت
شاكر لكم

[كريتشر]

السلام عليكم
اخواني انا حاولت اغير البرنامج من جميع النواحي ولكن بدون اي فائده طلعت كرت الذاكره ودخلت كرت ذاكره ثاني عليه برنامج ثاني لكن يقول لم يتم العثور على برنامج روت 66 مدري في طريقه افرمت فيها الشاشة وامسح البرنامج ولا وش السالفه ؟
ياليت يا اخواني تحرصون على هذا الموضوع لان الكثير من الشباب راح يركبون الشاشه واكيد مستقبلا يبغون يغيرون البرنامج.
انا لقيت كذا برنامج حلو لكن للاسف ما قدرت انزلها --- الفزعه يا اخوان
شاكر لكم

[آيروني!]

متحمس تغير الشاشة ياكريتشر ..

فيه برنامج طريق الخليج الملاحي عربي 100% من إنتاج مؤسسة الملاحة القطرية
البرنامج سعره تقريباً 750 ريال ..



ووكيله في السعودية عندنا سمير كوداك ..
تلقى لهم فرعهم في حراج الكمبيوتر ..

الخرايط عربية مية بالمية مثل ماقلت إضافةً إلى أنها محدثة وإعدادتها عربية والإرشادات الصوتية عربية كذلك .. إضافةً إلى أنهم يعطونك تحديث مجاني للخرايط كل 6 شهور ..

وهذي صفحة المنتج
http://www.qatarnavigator.com/Ar/products2.htm

أنا رحت لهم .. طلبت من موظف الدعم يطلع معي يشوف هل شاشتي تقبل البرنامج هذا ..
قال الموظف الآن مو موجود ..

أنا ناوي عليها الله لايعوق بشر -طبعاً إذا كانت تركب على نظامي- ..
إذا حاب تروح لهم وتسألهم .. أكون ممتن لك

آيروني !

[الجــ02ـهني]

اخوي على حسب ما فهمت انك تحطها على الميموري

طيب ما جربت تحطها على قرص دي في دي


؟؟


والله انا ناوي اشتري شاشه بس مجنتني هذي البرامج ماني لاقيلها حل مثلك


ادووور على برنامج ويكون مجرب

[آيروني!]

هذي على حسب فهمي تركب على السيدي وعلى الميموري الكارد ..
لكن السؤال هل هو يدعم شاشاتنا هذي ؟

أتوقع ذلك .. شوف روح لهم إذا عندك وقت ,،

[كريتشر]

السلام عليكم
اخوي آيروني ! يعطيك ربي الف عافيه على المساعده وشاكر لك جزيل الشكر والله الظاهر اني بغير الشاشه بسبة برنامج الملاحه لكن ربي يسهلها وانا ان شاء الله بروح لحراج الكمبيوترات واسالهم وش طريقة البرنامج هذا والله يسهل.
اخوي الجهني شكراُ على مرورك وبالنسبة للمكيف الالكتروني تراني ناوي اركبه لأني يوم جيت اركب الشاشه وفكو الديكور صار حتى المكيف العادي كهرب واتوقع 90% ان المكيف الالكتروني يشتغل دايركت بدون شغل توليف واتمنى لك التوفيق وعطنى النتيجه .
---
الميمري جربناها السي دي جربناه الدي في دي جربناه لكن للأسف مثل ما قال اخونا العزيز نايفي ان الشاشة مشفره ولا يشتغل عليها اي برنامج الا بمواصفات الشاشه وطريقة تثبيت البرنامج غير معروفه .
لكن نقول الله يهونها والي عنده اخر تحديث لبرنامج route66 ياليت يعطينا اياه نمشي فيه امورنا الا ما ربي يفرجها .
موفقين جميعاً

[أبو الجوهره]

الله وكبر بتغير الشاشه علشان النفقيشن

ليه ماتدل الرياض زين

والله انا بركبها علشان انها شاشه بس والى مافرقت نفقيشن

ابي بنيتي جوجو تتفرج على توتبيز و افلام كرتون وتتونس وقولة ان سيارتنا شاشه

بس والى الحمد لله ندل الطريق

[كريتشر]

السلام عليكم
اخوي ابو الجوهرة سعيد بتواجدك
المسأله مو بالرياض المشكله اذا طلعت لدبي او للبحرين او للكويت يعني اماكن ما ادل فيها نهائياً يعني مثال انا رحت لدبي يمكن 6 مرات كل الي اعرفه هناك الوايلد وادي - ستي سنتر - شارع نايف - شارع الرقه - واعرف وشلون اروح من شارع نايف للشارقه بس .
اما بالنسبة لك ما اتوقع تحتاج النفيجيشن انصحك انك تاخذ الشاشة الي فيها بلوتووث بدون نفيجيشن وسعرها بدبي 1900 درهم ارخص لك حوالي 1200 درهم .
وما شاء الله عليك وعلى الصغيرونه الجوهره واتمنى لك التوفيق.

[الجــ02ـهني]

اخووي

رحت للكهربائي وقالي ما تركب على طوول


لان المكيف العادي ينزل منه 5 اسلاك والالكتروني 7 اسلاك لانه خطين تحكم مختلف


وهذا يبغاله اي سي ينحط في الكمبيوتر

صح انها مجازفه بس بنجرب والله يستر لنه صراحتا


الالكترووني شي يعطي منضر حلوووو

[أبو الجوهره]

المشاركة الأصلية كتبت بواسطة كريتشر

السلام عليكم
اخوي ابو الجوهرة سعيد بتواجدك
المسأله مو بالرياض المشكله اذا طلعت لدبي او للبحرين او للكويت يعني اماكن ما ادل فيها نهائياً يعني مثال انا رحت لدبي يمكن 6 مرات كل الي اعرفه هناك الوايلد وادي - ستي سنتر - شارع نايف - شارع الرقه - واعرف وشلون اروح من شارع نايف للشارقه بس .
اما بالنسبة لك ما اتوقع تحتاج النفيجيشن انصحك انك تاخذ الشاشة الي فيها بلوتووث بدون نفيجيشن وسعرها بدبي 1900 درهم ارخص لك حوالي 1200 درهم .
وما شاء الله عليك وعلى الصغيرونه الجوهره واتمنى لك التوفيق.

جزاك الله الف خير وعقبال عندك ان شاء الله

بس سمعت انه في الخليج مغطيه 100%

لاكن السعوديه تغطيته ضعيفه وبعدين شفته انا مع مديري في الرياض حليو يمشي الحال صح ان المحطات والصرافات والمساجد مايوضحها كلها بس يجي منه بعض الشي

والله يكتب لنا الي فيه الخير كله

[كريتشر]

اخوي الجهني انت اشتريت القطعه حقت التحكم (المكيف الالكتروني) ؟
اذا كانك اشتريتها ركبها وجرب بدون ما تضيف شي اتوقع راح تشتغل معك بس اذا ماني غلطان انا اخبر الفل تحكم بمكيف السائق والراكب ويمكن بتكون هذي المشكله الوحيده الي عندك وبيشتغل طبيعي بس نصيحتي لا تجازف بكمبيوتر السياره ترى والله الدعوه ماتسوى ولا لا تسوي شي بموترك خلني ان شاء الله اركبه على موتري واعلمك بس الله يعينك يبي لك تصبر شوي الين نشوف كم سعره لا يصير غالي مره .
اخوي ابو الجوهره عزيز وغالي والله
بالفعل انا سمعت انه يغطي المملكه 10% الظاهر المهم انا شكلي نهايتها بطفش وببيع الشاشه لاني ابغا بلوتوث مع الشاشه اذا جيت ببيعها ببيعها بسعر 3400 مع التركيب مع العلم اني شاريها من دبي 3150 بس على الاقل خلوني اطلع مشوار الطريق ههههههههههه
موفقين ان شاء الله

[آيروني!]

طُرح البرنامج مع خرائط حديثة في جايتكس دبي ,,
http://www.ce4arab.com/vb7/showthread.php?t=97573

,,