[جارجر_سابقا]

السلام عليكم..انا ناوي اخذ افالون ابيض وحصلت واحد موديل 2007 عند واحد من الشباب بيبيعه وكنت باخذه ولاكن صارت احتكاكات بيننا وماخذيته...
واليوم رحت حراج السيارات المستعملة عندنا فالشارجة ادور واحد حلو...اغلبهم وارد وباسعار رخيصة...
بس حصلت واحد ابيض خليجي ليميتد موديل 2006..من وكالة الفطيم والسيارة ماشية 30 الف كيلو....
الريال قال ب 96 الف درهم واعتقد انه بينزل لل 94 الف...طبعا باقي على الضمان 30 الف كيلو ثانية...والسيارة من برع شكلها نظيفة..بس حبيت استفسر عن التالي :
1-هل يستاهل الفرق عشر الاف..عشان الوارد والخليجي..خصوصا انه على الفطيم وضمان وكالة للحين جاري فيه..
2-ماهو الفرق بالضبط بين 2006 و 2007 من ناحية الشكل الخارجي..لاني لاحظت عدم وجود الجناح الصغير فالخلف
3-هل سعر 94 الف مناسب ل 2006 ابيض لؤلؤي والضمان ساري فالامارات؟؟لانه نادر عندنا شوي الافالون...
4-لاحظت انه المفتاح الذكي لما كان فجيبي حاولت افتح الباب مارضى يفتح معي..واضطريت افتحه بالضغط على فتح البيبان فالمفتاح...ياترى خربانة ولا البطارية ضعيفة ولا شو موضوعها؟؟
5-لما حطيت السيارة عال R الستارة نزلت..ولما رجعتها عال D ما ارتفعت الستارة..هذا طبيعي؟
6-بالنسبة لتبريد وتدفئة الكراسي فيه زرين على الجنب تحت شغلتهم وحطيتهم على ابرد شي بس مالاحظت هوا يطلع من فتحات الكراسي وكاان ضعييف جدا شبه معدوم؟؟هل هذا طبيعي؟؟وشو حله؟؟
7-السيارة راعيها حاط فيها قطعة بلوتوث اسمها pattriot والدليل حقها موجود..هل هذي اصلية وكيف اتاكد من انها شغالة تمام؟
8-اللي يقدر يساعدني فهالشي بس ممكن الطريقة اللي اعرف اذا السيارة مدعومة ولا لاء؟؟يعني لو اعطيكم رقم الشاصي تقدرون تطلعونلي؟؟

ادري انه اسئلتي كثيرة بس انا ماعندي فكرة عن الافالون واحس انه السيارة حلوة ومابيها تطير عني بس مابي اندم فيها فاللي عنده نصائح او شغلات اجيك عليها قبل الشراء ياريت يخبرني..وعلى فكرة المساحات للسيارة auto...واتريا طرح الاراء من جميع الاخوة وخصوصا اهل الامارات والسعودية

[جارجر_سابقا]

للرفع

ماشالله 22 مشاهدة ولا رد للحين لهالدرجة اسئلتي صعبة وانا متوقع اني سألت فالمكان المناسب

[فوو سبورت وود]

1-هل يستاهل الفرق عشر الاف..عشان الوارد والخليجي..خصوصا انه على الفطيم وضمان وكالة للحين جاري فيه..

اضمن لك (ما الضامن الا الله سبحانه) تآخذها على ضمان الفطيم ..

2-ماهو الفرق بالضبط بين 2006 و 2007 من ناحية الشكل الخارجي..لاني لاحظت عدم وجود الجناح الصغير فالخلف

لا يوجد اي فرق بين الثنتين والجناح موجود من قبل بس ما نزل بالخليج ، والاختلاف بس ..
في شكل الريموت والباقي مثل ماهو ..

3-هل سعر 94 الف مناسب ل 2006 ابيض لؤلؤي والضمان ساري فالامارات؟؟لانه نادر عندنا شوي الافالون...

انا اشوف ان سعرها مناسب ، لان عبداللطيف نزل دفعه جديدة لـ 2006 وسعرها 106 الاف تقريبا ً ..

4-لاحظت انه المفتاح الذكي لما كان فجيبي حاولت افتح الباب مارضى يفتح معي..واضطريت افتحه بالضغط على فتح البيبان فالمفتاح...ياترى خربانة ولا البطارية ضعيفة ولا شو موضوعها؟؟

جواب هذي النقطه للي عندهم افالونات ، هم الي يجاوبون بشكل صحيح (تقريبا ً )

5-لما حطيت السيارة عال R الستارة نزلت..ولما رجعتها عال D ما ارتفعت الستارة..هذا طبيعي؟

نعم طبيعي ، لان نزول الستاره لكي ترى بوضوح ولا ترجع عند وضع القير على D ..

6-بالنسبة لتبريد وتدفئة الكراسي فيه زرين على الجنب تحت شغلتهم وحطيتهم على ابرد شي بس مالاحظت هوا يطلع من فتحات الكراسي وكاان ضعييف جدا شبه معدوم؟؟هل هذا طبيعي؟؟وشو حله؟؟

اتوقع (والله العالم) انه طبيعي لكي لا تتقلص العضلات وتطيح مريض (الله يشافيك )

7-السيارة راعيها حاط فيها قطعة بلوتوث اسمها pattriot والدليل حقها موجود..هل هذي اصلية وكيف اتاكد من انها شغالة تمام؟

ما عندي اي خلفيه عن البلوتوث وممكن الشباب يفيدونك اكثر فيها ..

8-اللي يقدر يساعدني فهالشي بس ممكن الطريقة اللي اعرف اذا السيارة مدعومة ولا لاء؟؟يعني لو اعطيكم رقم الشاصي تقدرون تطلعونلي؟؟

تقدر تعرف ان السياره مضروبه بحالتين ، اما ان توديها لورشه ويشيك عليها او بأنك تضرب البدي (هيكل السياره) ..
تلاحظ اختلاف في الصوت (مثلا ً ضربت بداية الرفرف وبعدين بالوسط وشفت اختلاف بالصوت) ..

انا ما عندي اي خلفيه عن الطريقه لمعرفه ان كانت مضروبه ام لا ، ولكن ارى ..
بعض الاصدقاء يعملونها بسيارتي ويقولون مضروبه من هنا وانا اقول صح ..

اتمنى ان اجبت بشكل صحيح وانك استفدت من معلوماتي ، وان شاء الله ..
باقي الاعضاء (على رأسهم ابو فيصل) يفيدونك بمعلومات اكثر يالغالي ..


.: فائق الاحترام :.

[جارجر_سابقا]

thx for answer

50 moshahada and 1 answer only!!
lelrafe3

[منيره]

بسم الله الرحمن الرحيم

مبارك عليكم الشهر وجعلنا الله وياكم من صوامه وقوامه إنشالله

[جارجر_سابقا]

abe rodood akthar

[جارجر_سابقا]

up plzz!!!

[بنت الخران]

و عليكم السلام ورحمه الله وبركاته


مبرووك عليك السياره مقدماا

والحمد لله اخونا فورد سبورت وود ما قصر

استخير ربك وتوكل على الله


ولو تبا اي مساعده بخصوص رقم الشاصي للافالون تفضل

والسموحه على التأخير

[جارجر_سابقا]

مشكورة اختي عالرد واخيرا شخص ثاني عطاني ويه..الاخ فورد ماقصر وياي بس فيه بعض النقاط ماوضحها بما انه مايمتلك افالون فياريت توضيح اكثر على النقاط خصوصا انك من الامارات ...

والريال رفع سعر السيارة يبي عليها 97 الف!! السعر بدا يصير خيالي طبعا انا بخليه ينزل عالاقل لين 94 الف بس ياترى عنصر المجازفة يكون موجود فالسيارة خصوصا انه من الحراج ولا اي مشكلة بتكون على ضمان الفطيم يعني اطمن؟؟لاني محتار بصراحة...ورقم الشاصي انشالله خلال يومين بالكثير بيكون عندي...

[بنت الخران]

بخبرك بنصيحه

اي سياره جديده اي موديل فى قانون يمشون عليه فى اي مكان فى الامارات

حتى ولو السيارات ماشيه 5 الاف كيلو

الا وهو ان بعد الست الشهور الاولى من عمر السياره ينقص بين 10 الى 15 % من قيمه السياره

والسنه 20%

والسنه الثانيه 40%

وهناك ايضاا على حسب موديل السياره ونوعيتها والطلب عليها والعرض

وتوفر السياره فى الوكيل ام لا

ولون السياره

والاستمرار على الصيانه الدوريه المنتظمه فى ( الوكاله )

وبدوون حوادث او صبغ او شحف للسياره

وبدوون اي مشاكل داخليه او خارجيه
السعر المناسب للسيارهلو نظيفه نظيفه جداا هي علشان
انها من المعرض نفس السعر الى عندك 94

والمعرض لازم يستفيد اشوي


استخير ربك اخوي والافالون ما فيها اي خساره

والخساره خساره الرووح

وتوكل على الله

[جارجر_سابقا]

استخرت وحسيت انه الموضوع مشكوك فيه والمستعمل مول مافي منه أمان فقررت اني انقع سيارة وكالة واحول الاقساط الى ست سنوات بدال خمس سنوات..بس على الاقل بكون راكب موديل السنة...ومحتار بين الافالون 2008 او لكزس is او انفنتي g35 كلهم وكالة طبعا..بس الارجح اني باخذ الافالون...المشكلة انه البنك معطيني حد 120 الف ويوم سرت الوكالة قالوا 2008 بيوصل بعد اسبوعين وبيكون سعره 2004...وبما اني قريت موضوع عنج انه تقدرين تسوين خصم في الفطيم فلو تقدرين تنزلينلي فالسعر 120 او 121 عالاقل ثلاثة وبزيد الف من عندي بقدر اخذه من الفطيم يكون احسن من عمان...وياريت تخبريني لو عندج فكرة هل الشكل راح يتغير 2009 او لا...لاني باخذه على ست سنوات ومابا اندم فيه ...

والسموحة

[بنت الخران]

المشاركة الأصلية كتبت بواسطة جارجر_سابقا

استخرت وحسيت انه الموضوع مشكوك فيه والمستعمل مول مافي منه أمان فقررت اني انقع سيارة وكالة واحول الاقساط الى ست سنوات بدال خمس سنوات..بس على الاقل بكون راكب موديل السنة...ومحتار بين الافالون 2008 او لكزس is او انفنتي g35 كلهم وكالة طبعا..بس الارجح اني باخذ الافالون...المشكلة انه البنك معطيني حد 120 الف ويوم سرت الوكالة قالوا 2008 بيوصل بعد اسبوعين وبيكون سعره 2004...وبما اني قريت موضوع عنج انه تقدرين تسوين خصم في الفطيم فلو تقدرين تنزلينلي فالسعر 120 او 121 عالاقل ثلاثة وبزيد الف من عندي بقدر اخذه من الفطيم يكون احسن من عمان...وياريت تخبريني لو عندج فكرة هل الشكل راح يتغير 2009 او لا...لاني باخذه على ست سنوات ومابا اندم فيه ...

والسموحة

بارك الله فييك

لكزس is ممتازه جداا بس ضيقه اشوي من الداخل

الانفنتي غاليه وممكن يغيروون شكلها بعد سنتين (علشان الناس مالحقو يشترون المديل الجديد الا ونزلو موديل شكل اخر مخلتف)

الافالون 2008 انا ما بتكلم وبمدحها علشان افالون ( الميدان يا حميدان )

الميدان يحكم ان الافالون بالسعر المعقوول جداا والفخامه والصيانه والاعطال وقطع الغيار وتوفرها والضمان فى الفطيم ليين 100 الف والمرغوووبه جدا جدا جدا قبل وبعد البيع والسياره صرفيتها للبترول ممتازه

فى الزحمه عندكم فى الشارقه بترتاح وانت فى السياره ومديل 2008 فيها تغيرات بسيطه جداا مثل :

موديل 2008 فيها تغيرات

مثل القير بوكس بيكون ست غيارات

صفيحه البريك كبروها اشوي الدرام وييل

لون الخشب من الداخل غيرووه للون اخر

الكشافات الاماميه صارت دائريه

الليتات الخلفيه led

الرنكات

وممكن النفيكيشن يكون فى الخليجي او لاء

وبخصوص السعر في وكاله الفطيم اللمتد 123 الف درهم

وفي عرض رمضان بتحصل على كوبون 750 درهم مشتريات


والافالون العماني بخصوص السعر هو اقل من الفطيم بين 3 الى 4 ألاف درهم

ووكاله راك موتور الموجوده فرع فى الشارقه فرق الفين درهم بس ما انصحك تاخذ منهم علشان الصيانه والضمان اشوي تعقيدات فيها مثل ( اطول السياره عندهم من اسبوعين الى 3 اسابيع لتبديل اي قطعه على الضمان ولازم تخلى السياره عندهم وبدون اخذ سياره اخرى )

وبخصوص الصيانه عند الفطيم ممتازه جداا ومتوفره فى جميع امارات الدوله ومع الضمان ليين 100 الف


وعقد الصيانه بمجرد انك تشتري عقد الصيانه بسبعه الاف ليين 90 الف تودي السياره الوكاله وهم يتصرون فقط في الصيانه اما قطع الغيار فيوصل عندك التخفيظ ليين 40 % علشان عقد الصيانه الي عندك

واي شي يخترب فى السياره او تش فييه يبدلون لك القطه على طوول بدوون كلام

اسئل وشوف ممكن حد ثاني عنده نظره اخرى للسياره

وانشاء الله تتوفق فى الافالون

ودمتم سالمين

[جارجر_سابقا]

مشكورة اختي على الرد السديد والله يسوي اللي فيه الخير...
انشالله راح اركب اللكزس من الداخل ولو ماعيبني اعتقد اني باخذ الافالون....