[احمدجاسم]

السلام عليكم
كل عام وانتم بالف خير واعاده الله عليكم وانتم بصحة وعافيه

بعد اليأس من الحصول على افالون xl جديد اتجهت للمستعمل وحصلت وحده لونها رمادي وماشيه 25 الف لمتد 2006 في احد المعارض وصاحب السيارة استمر على الصيانه الدوريه الى غايه 10000
وشيكت مع الوكاله وقالي بان هذا ماراح يلغي الضمان وسئلت المهندس اذا كان اقدر اعمل تشيك كامل للسياره داخل الوكاله وقالي ما عندنا خدمه اجراء فحص للسيارة قبل الشراء وانا متردد لاني خايف يكون السيارة فيها عله مع اني راح اطلع اليوم مع ميكانيكي علشان نفحص السياره بس خايف لان السيارة كلها كمبيوترات وحاجات دقيقه والمشكلة وقتي ضيق لاني افحص السيارة اليوم الساعه 3 العصر
ياليت تنصحوني وش الاشياء اللي لازم اركز عليها في الفحص واذا عندكم نصايح ثانيه وادعولي بالتوفيق

[ابو كيموو]

شوف أخوي احمد عليك بالفحص الشامل لجميع نقاط السيارة واذا كانت السيارة نظيفة ولا طلع في الفحص شي والسيارة عاجبتك لاتتردد أخوي والله يوفقك

تحياتي

[ابوفيصل]

كل عام وانت بخير اخوي احمد ومبارك عليك الشهر وعلى جميع المسلمين

مبروك السيارة مقدما وبالتوفيق ان شاء الله

-بالنسبة للسيارة اخوي احمد والله اشوف ممشاها معقول جدا وانت ما علمتنا سعرها لكن اتوقع اذا نظيفة مرة ما تتجاوز 95 الف ،

واللون الصراحة من اجمل الالون على الافالون .

-من الناحية الميكانيكية فبالتأكيد الميكانيكي اللي معاك ان شاء الله راح يفيدك كثير من هذه الناحية

-وطبعا ما يحتاج اوصيك تتأكد من سلامة ( بودي ) السيارة خااااااصة من المقدمة لان السيارة اذا انصدمت من قدام ما تشوف خير

-ضروري تتأكد من سلامة الهوبات وانها ما انخرطت قبل كذا لان الافالون معروفة بهذه المشكلة

-تأكد من سلامة جميع الزراير للمكيف والمسجل وزراير الدريكسون وحاول تاخذ معاك سي دي اوديو حتى تتأكد انه شغال مافيه مشاكل

-اول ما تشغل السيارة تأكد من بعض لمبات العدادات انها شغالة واهمها :

(ABS) ، (VSC ) ، ( لمبة نظام الايرباق ) ، ( نظام مانع الانزلاق - صورة سيارة زالقة ) ، ( نظام الوزن التلقائي للشمعات الامامية )

( لمبة الايرباق للراكب تلقاها في اليمين ) وجميع هذه اللمبات المفروض تطفي بعد تشغيل السيارة بثواني اذا بقت لمبة شغالة فمعناه مشكلة في النظام

- تأكد من نزول الستارة الخلفية مع الريويس اما طلوعها يكون بالزر

- تأكد من زراير تحريك المقاعد الامامية للسائق والراكب

والله هذه اهم الامور اللي حاضرة في بالي الان والله يباركلك ان شاء الله وييسرلك امورك

[فيصل الموسى]

كل عام وانت بخير اخوي والله ما راح ازيد كلام عن اببو فيصل لكن مادام انو السياره بس ماشيه 25000 الف فا مو معقوله يكون فيها شي والله يعطيك خيرها

[احمدجاسم]

السلام عليكم
اخواني جزاكم الله الف خير على ما قدمتم وما تقدمون لهذا المنتدى ولزواره واخص بالشكر الاخ ابو فيصل
بالنسبه لسؤالك عن سعر السيارة فهو 88500
لقد ذهبت مع الاخ الميكانيكي واطلع على السيارة وركزنا على النقاط التي ذكرتوها والسيارة ممتازه جدا ولكن عند ملاحظة وهي
اذا السيارة واقفه وحولت القير من الاوتو الى العادي يضع العادي على الرقم 4 وكذلك اثناء مشي السياره فما ادري اذا كان هذا طبيعي او لا اتمنى النصح لاني بعد التراويح انشالله راح ادخل السيارة على الكمبيوتر في احد الوكلات لاطمئن اكثر
وايضا الميكانيكي قال كلام يخوف قال يشك ان السياره ماشيه فقط 25000 وانا صاحب السيارة قد يكون فاصل العداد , هل فصل العداد بهذي السهوله؟

وشكرا كثيرا لكم

[ابوفيصل]

مرحبا اخوي احمد ولا شكر على واجب وما نقدمه من حق المنتدى وحق الاعضاء علينا

بالنسبة للسعر والله اشوف انه ممتاز جدا وبصراحة اذا كانت السيارة نظيفة مرة وما اجتها اي صدمة او رشة فاشوف انها صيدة

بالنسبة لحركة القير عند تحويله للعادي فهذا طبيعي تروح للرابع بعد كذا انت تقدر تزود او تنقص

اما فصل العداد والله ما عندي فكرة لكن اللي اعرفه ان السيارات اللي تعتمد على نظام الكتروني وكمبيوتر

صعب فصل العداد ، والمفروض كان الميكانيكي يشيك عليه بما انه شاك في الموضوع .

وحاول تتأكد من هذا الشي اذا شيكت عليها الليلة

تحياتي لك

[متعة الإحساس]

الله يعطيك خيرها ويكفيك شرها..

بس اخوي انا انصحك اهم شي تتأكد ان السياره انشاء الله ما جا لها اي دقه او صدمه من اي جهه وليس فيها اي سمكره لان كل الي يباع في الاسواق المستعمله يا مصدوم يا فيها عله..
وإذا كانت نضيفه يصير سعرها زي الجديده.

والله يكتب لك ما فيه الخير ويوفقك.

وتقبل شكري.....

[منيره]

بسم الله الرحمن الرحيم

مبارك عليكم الشهر وجعلنا الله وياكم من صوامه وقوامه إنشالله

[احمدجاسم]

السلام عليكم
ابشركم السيارة اجتازت الفحص بنجاح وراح استلم السيارة يوم السبت او الاحد
اشكركم مجددا لتعاونكم

[ابوفيصل]

الف مبروك اخوي احمد

الله يعطيك خيرها ويكفيك شرها ان شاء الله

لكن ما علمتنا ايش صار على موضوع فصل العداد !!

واي خدمة او استفسار جميع الاعضاء حاضرين وما يقصرون

تحياتي لك

[أبـو خـالـد]

الف مبروك و الله يعطيك خير ويكفيك شرها ..

[احمدجاسم]

شكرا لكم
بالنسبة لموضوع العداد سئلت الفلبيني وقالي لو تم فصل العداد راح يظهر تنبيه على لوحة المعلوات الخاصة بالسيارة والحقيقه انا بعد ردكم السابق ما اعطيت هذي النقطه اهميه لان نظافة السيارة تدل ان السيارة مستخدمة استخدام بسيط واخوانا الميكانيكي استند في شكة بان الكفرات الامامية مستهلكة اكثر من استخدام 25000

[وااوأفالون]

اخوي ألف مبروك على للسياره والله يديك خيرها ويكفيك شرها

تعرف ويش سبب بإنو كفرات مستهلكه لإنو للكفرت إلي راكبا على سياره تويو وهذا عيبها تسهلك بسرعه

وعلى خصوص للعداد إلي أعرفه أنو أذا فصلت للعداد للجربوكس مايعشق مزبزط


ومإزيد شي على كلام ألإخوان والف مبروك