[غريب المكان]

السلام عليكم

بكرا ناوي على الافالون كنت انتظر رمضان قلت يمكن يكون فيه خصومات عليها

ان شاء الله امر على ابو جميل وابي اشوف كم سعرها ؟ واذا ناسبني ان شاء الله شاريها

بس ممكن طلب منكم : وش افضل لون على الافالون وش الاشياء اللي تجي معها من اكسسوارات وغيرها

وغير كذا وش الاشياء اللي علي التاكد منها حتى ما يلعبون علي (يمكن يعطوني سياره 2006 ) ممكن ؟؟؟؟

[متعب الليل]

السلام عليكم

ومبروك السيارة مقدما

وإذا انت خايف يعطونك 2006

بقول لك زين اذا حصلت افالون 2007 لأنها انتهت من الوكالة

وإذا حصلت ماراح تحصل اللون اللي انت تبيه

------------------

بالنسبه للون :
انا يعجبني بالتدريج 1- لؤلؤي 2- فيراني غامق ((لون نادر)) 3- فضي 4- أسود

--------------------
اما الإكسسوارات:

أنا اجبرنتي الوكاله على وضع ( بلوتوث + تظليل عازل )
قالوا ياتاخذها كذا والا خلها

وسعرها 119850

وبصراحه مهيب حسوفه

--------------------------------------------

مبروك مقدما
والله يرزقك ويكتب لك اللي فيه الخير

اخوك
متعب

[الفرهود]

امس ان كنت في كاله عبدالطيف جميل بالشفاء ..ولما سالت مندوب المبيعات عن الاقالون 2007 ليمتد قال موجوده لكن بحجز وسعرها مع الاكسسورات 119600

[غريب المكان]

شكرا لكم سؤال بالنسبة للتامين هل يكون مامن عليها والا لا (شامل ) مثل التاجير المنتهي بالتمليك

[متعب الليل]

للأسف لايوجد تأمين

(( أنا سيارتي مالها اسبوعين معي ولافكرت اسوي تأمين ))

الحافظ الله ان شاء الله

لكن السيارة عليها ضمان 100 الف كلم او 3 سنوات

[غريب المكان]

اخوي متعب الليل شكرا لك

يقولون ان السيارة غير موجوده في الصالا ت وانت ماخذها من فترة قريبه

كم كلفتك (كم سعرها)

[أبو ريان]

اخوي غريب المكان

انتبه يلعبون عليك ويبيعونك الاكسسوارات غصب ( بلوتوث + تظليل عازل )

تراها مو غصب، بس للأسف بعض الناس ما عندهم ذمة ولا ضمير .. يبي يكسب وبس

انا شريت أفالون .. وفعلا قالي واحد منهم لازم الاكسسوارات ولا ما نبيعك ( الفرع اللي على الدائري الشرقي)

وبعدها طلعت على فرع شارع ثلاثين العليا ... واستقبلني مدير المبيعات أو مشرف المبيعات ... ودخلني مكتبه ... وللأسف طلع أنصب واحد شفته .. بياع درجه أولى ... غير إنه كذب علي بالاكسسوارات .. قالي مافيه الا لون واحد بس اللي موجود في الصالة .. وحاول يقنعني آخذها !!!

بعدها طلعت على فرع لكزس العليا ... وقالي واحد منهم نفس الكلام ... لازم اكسسوارات ... وبعد مداولات معهم ... دخلت على المدير ( حجازي ... بس خطير) قالي: مين قالك لازم اكسسوارات ؟؟!! ... ونادى الموظف وشرشحه

فما عليك من اكسسواراتهم ... إذا انت مو مقتنع فيها فمن ابسط حقوقك تقول ما أبيها

تحياتي لك

[متعب الليل]

والله يابوريان

هذا اللي صار معي
والوقت اللي كنت رايح لهم مافيه الا هم يبيعيون وانتهت السيارة من المعارض والصالات والعدد الباقي طلبية ومحدود

على كل حال الاكسسوارت مثل ماقلت لكم (( ماعليها حسوفه )) يعني مبسوط فيها الحمد لله


بالنسبة لسعر السيارة أخوي غريب كلفتني

(( 119850 ريال )) طبعا معها البلوتوث والتظليل

[وااوأفالون]

نفس للطريقه عام 2006 قال اللازم الإكسسوارت ياتظليل أو بلوتوث

إلى الإن لم يتغيروا لابد أني يمشي للبظاعه تر يإخوي مايقدر يجبرك على الإكسسوارت


و الله يديك خيرها ويكفيك شره

[عرباوي للابد]

انصحك اخوي بالؤلؤي لان جونا في الخليج حار والون الفاتح يبعد الحراره

[غريب المكان]

شكرا لكم جميعا