[برهوم جده]

عندي سيارة كامري 2007 SE الرياضية ماشيه 45 الف بس

اخويا الصغير سوا بيها حادث قوي ولاكن الحمدلله نجا بأعجوبة طبعا ماتتصلح
رحت لتويوتا قالولي قيمة اصلاحها اعلى من قيمة السيارة فما نصلحها قلت على كذا بصحلها برا قالو لي لو تصلحها ماترجع زي ماكانت والصراحه السيارة شكل جاها عين جبت حقين التشليح للبيت يشوفو السيارة للى حط فيها 10 واللى حط 15 واللى حط 19 واللي 20 واخر واحد حط 21

جبت الاتراك حقين الورش قالو نصلحها ب12 بس انت جيب القطع القطع كلفت تقريبا 20 الف

وجبت اتراك يبون يشترون السيارة قالو لازم نرفع السيارة نشوفها من تحت وش رايكم

شوفو السيارة

يلاااااا استنى منكم ايش افضل حل لاتاخذه

[المسيوري]

شف اول شي الحمدالله على السلامة وعلى قولة المثل الحديد غيره حديد اما الروح مابعدك روح
انا من رايي انك تبيعها لانها لو جابتلك ب 21 وزدت عليها 12 بتصير 32 وجة نظر بعها وتوكل على الله

[ابوصالح]

تصلح مين ياعم
هاذي تشليح
حتى لو صلحت تبي تتعبك
بيعها كذا افضل لك
وحمد لله على سلامة اخوك

[لكزس]

الف حمدالله على السلامه
بعها تشليح افضل لك

[ابو الوليد]

لااله الا الله

الله يعوضك خير ان شاء الله

شوري انك تبيعها تشليح
لان مهما تصلح فيها ماراح ترجع مثل اول مستحيل وراح تكلفك كثير وتكره السياره

او حطها في ورشه تعرفها زين واتركها هناك يصلحونها على مهلهم حتى لو جلست سنتين
عدل فيها حبه حبه هذا اذا حبيت مع اني اشور عليك بالتشليح

[برهوم جده]

الله يسلمك اخوي المسيوري من ناحية ابيعها خلاص بكرا بيجي السوداني بيااخدها بيـ 21 الف ونا بنسق مع اخو صاحب الحوش لان الصدمه هذي كانت في حوش السيارة اخترقت حوش ولازم صاحب الحوش يحظر عشان الارض حقته واوراقي معلقة في المرور بروح اخدهم

وجهة نظرك حلوة وهي الانسب بالنسبة لي

اشكرك بعنف ع الرد
ــــــــــــــــــــــــــــــــــــــــــــــــــ ـ

ابو صالح من جد هذي ماتصلح لاكن الحمدلله ولو تصلحت ماترجع زي ماكانت انا ببيعها بكره والله يسلمك

اشكرك ع الرد

ــــــــــــــــــــــــــــــــــــــــــــــــــ ــــــــــــــــــــــــــــــــ
لكزس الله يسلمك ايوا حبيعها انا بكرا بيجي السوداني بيسحب السيارة من الحوش بيــ 21الف
شكرا ع الرد
ــــــــــــــــــــــــــــــــــــــــــــــــــ ـــــــــــــــــــــــــــــ
ابو الوليد الله يجزاك خير عزيزي بالنسبة للسيارة التشليح يدور عليها
وشكرا ع الرد

تحياااااااااااااااااااااااااااااااااااااتي

[العتيبي 511]

برهوم جدة حمد الله على سلامة اخوك
بس كنت ابغا اسال سؤال كيف صار الحادث

[مصفي الطبلون]

الحمد لله على سلامة اخوك والحديد بداله حديد الله يعوضك خيرا منها

[برهوم جده]

العتيبي اسعد الله مساك اخوي بكل خير

والله يسلمك والحديد يتعوض لاكن الارواح ماتتعوض

الحادث طول الله عمرك في الحرازات في جدة لو سمعت فيها
عموما اخونا الظاهر انه كان مسرع مره يمكن ا160 او 180 المهم كان قدامه جمس مو راضي يبعد او مو منتبه للخط فقام اخونا فالله تجاوز من اليمين وراع الجمس راح لجهة اليمين بشكل قوي مما اجبر اخينا في الله ان يخش في حوش الحوش هو ملعب اصلا نلعب فيه بس محوش خش شق الجدار بالسيارة وسنترعلى خط الثمنطعش الظاهر يبي يشوت فاول لاكن الحمدلله لولا الله ثم الاير باق اللى هو الكيس الهوائي لكان صار كلام ثاني تخيل من شدة السرعه اطالع للطبلون وهو معلق على 100 السرعه اخينا فالله هذا كله بعد مسكة الفرامل معناتو كم ماشي اسيب الحسبة لك

مصفي الطلبون الله يجزاك خير والله يسلمك عزيز وماتشوف شر وانتبه من السرعه ولاتصفي الطبلون

لاكن الحمدلله (( قدر الله وماشاء فعل ))

[برهوم جده]

نسيت اقلكم اخوكم في الله اللى هو انا ************************يبي سيارة ابي فورد احد خبر لي فورد نظيف مامشي كثير وبيبيع او يعرف احد


مااااااعندي سيارة سااااااااعدووني في البحث عن سيارة فورد وش رايكم في الفورد

[ولد الشايب]

الله يعوضك خيرا في الدنيا والاخره والحمد الله على سلامة اخوك ولو تبيعها اتوقع ابرك من تصليحها لانها ماراح ترجع مثل اول

[شريطي سيارات]

الحمد لله على سلامة اخوك وبالنسبة للسيارة والله ماتجيب حتى 1500 ريال ..
الله يعوضك بخير منها ..

[لعيونك ياكامري]

الحمد لله على سلامة اخوك