النتائج 1 إلى 11 من 11

الموضوع: طقطقه عند الانعطاف يمين او يسار

  1. #1
    عضو جديد
    تاريخ التسجيل
    Jun 2010
    المشاركات
    4
    معدل تقييم المستوى
    0

    طقطقه عند الانعطاف يمين او يسار

    عندي كامري 2007 المشكله في الدركسون عند الالتفاف يمين او يسار اسمع صوت طقطقه كأن فيه فراغ بالدركسون .


    للاخوان الي عندهم خبرة هل هذه المشكله بسيطة وهل تصليحها مكلف وشكرا .....

  2. #2
    مشرف قسم اللاند كروزر
    تاريخ التسجيل
    Sep 2009
    العمر
    48
    المشاركات
    2,565
    معدل تقييم المستوى
    9

    رد: طقطقه عند الانعطاف يمين او يسار

    هلا بك ياغالي/ اذا كنت تقصد بصوت الطقطقة يعني وانت واقف بالسيارة وتلف يمين وشمال يطلع صوت طقطقه هنا تحتاج الكشف على الاذرعه وجلد المقصات الأمامية ويمكن لاي محل وزن وترصيص كفرات الكشف عن مدى صلاحيه الاذرعه وجلد المقصات

    واذا كنت تقصد بالطقطقه انها تظهر اثناء المشي بالسيارة يعني وانت ماشي بالطريق ولفيت يمين او شمال تسمع صوت طقطقه متواصل
    ( طق طق طق طق) هنا تحتاج الكشف على العكوس الامامية لدى ميكانيك وان كنت قي مدينه كبيره مثلا جده الرياض الدمام فهناك محلات في الصناعية متخصصه في العكوس ومشاكلها واصلاحها يمكنك السؤال عن هذه المحلات والتوجه لهم والكشف على العكوس

    بالتوفيق وان شاء الله تلاقي معلومات اوفى من الاخوان

  3. #3
    عضو شرف الصورة الرمزية ادهم
    تاريخ التسجيل
    Jul 2007
    المشاركات
    1,474
    معدل تقييم المستوى
    9

    رد: طقطقه عند الانعطاف يمين او يسار

    مثل ماقال الاخ ميكانيكي

    شف تذكر قبل فترة انت ضارب رصيف او حفرة جامدة او مطب قوي ؟؟

    حتى لو قبل اربع او خمس شهور

    يعني هل فيه ضربة جت اسفل السيارة ؟؟

    اذا كان مثل ماقلت يعني قد جتها طقة من تحت

    قد تكون المشكلة من رؤوس العكوس

    عموما افحصها عند اكثر من كذا ورشة

    والله يعينك

  4. #4
    عضو شرف
    تاريخ التسجيل
    Oct 2009
    المشاركات
    1,528
    معدل تقييم المستوى
    7

    رد: طقطقه عند الانعطاف يمين او يسار

    شيك اخوي على العكوس لا تكون جلد العكوس مشقوقه وطلع منها الشحم ومع الأحتكاك تأكل العكس وسبب هالمشكله وتأكد من جلد المقصات والله يعينك ....

  5. #5
    عضو نشيط الصورة الرمزية غــيــور
    تاريخ التسجيل
    Jun 2009
    المشاركات
    72
    معدل تقييم المستوى
    5

    رد: طقطقه عند الانعطاف يمين او يسار

    هذي ياخوك جلد الذراع الداخلية

  6. #6
    عضو جديد الصورة الرمزية تو حياتي يوتا
    تاريخ التسجيل
    May 2006
    المشاركات
    39
    معدل تقييم المستوى
    0

    رد: طقطقه عند الانعطاف يمين او يسار

    أخوي متى أشتريت سيارتك هل الضمان أنتهاااا ولا لسىء طفي السيارة وخلي السويتش on أمسك الطارة بكلتا يديك كانك بتسوق حركهااا بشويش لليمين واليسار كانك بتشوف الفضاوة طبعاا أقفل الابواب والقزاز خليك في مكان هداء اذا سمعت صوت طقطقة من جهة السفلية للدركسون يعني هذي المشكلة يبيلك قطعة أسمهاا steering int mid shaft بالعربي عمود الدركسون الاوسط أما أذا كان الصوت تسمعة منأسفل السيارة وانت راكب يعني يبيلك steering ruak assy بالعربي علبة الدركسون السفلية كاملة وهذي مكلفة وربي في الوكالة غيرت منهااا كتير للكامري موديل 2007 و 2008 و 2009

    اما اذاا مافي صوت والسيارة مطفية بس يطلع عن الفة يمين ويسارة وانت بطريق أحتمالاااا انهااا العكوس يبيلهااا توظيب يعني تغير جلد مع الشحم تأااكد بأن الجلد سليمة مافية قطع

    وانشالله تنحل المشكلة واي استفسار انا بخدمة المنتدى كلة

  7. #7
    عضو جديد
    تاريخ التسجيل
    Nov 2009
    المشاركات
    11
    معدل تقييم المستوى
    0

    رد: طقطقه عند الانعطاف يمين او يسار

    نفس المشكلة كامري 2008 وزاد الصوت مرة

    وش صار عليك تكفي

  8. #8
    عضو نشيط
    تاريخ التسجيل
    May 2008
    المشاركات
    71
    معدل تقييم المستوى
    6

    رد: طقطقه عند الانعطاف يمين او يسار

    ما قصرو الاخوان
    صارت معي المشكلة من قبل,,,,,تطلع مع تدوير الدركسون على سرعة بطيئة او والسيارة واقفة وغيرت جلد المساعدات وانحلت

  9. #9
    عضو جديد الصورة الرمزية CRESSIDA XL
    تاريخ التسجيل
    Jul 2009
    المشاركات
    48
    معدل تقييم المستوى
    0

    رد: طقطقه عند الانعطاف يمين او يسار

    أخوي أذا كان الصوت يظهر لك وأنت واقف أو متحرك بالسيارة فالغالب يكون من جلد المقصات والجوزات
    والصوت مايظهر الا في حالتين : أذا لفيت الدركسون يمين أو يسار ـــ أو ـــ في حالة الضغط على الفرامل بشكل مفاجىء والرفع منها بشكل مفاجىء وتكون بشكل متتابع جداً

  10. #10
    عضو هام الصورة الرمزية اسير دمعة
    تاريخ التسجيل
    Sep 2009
    المشاركات
    577
    معدل تقييم المستوى
    5

    رد: طقطقه عند الانعطاف يمين او يسار

    ياخي هاذا عيب تصنيعي في الكامري من 2007 واعتقد ان العيب الوحيد الموجد بالكامري بكثره واعتقد ان الضمان انتهي وهي من الصليب الداخلي وتراه عندي له 3 وزود سنوات وماعندك مشكله بس تعود على الصوت وانتهي امرك
    اسير دمعة

  11. #11
    عضو جديد
    تاريخ التسجيل
    Sep 2010
    المشاركات
    22
    معدل تقييم المستوى
    0

    رد: طقطقه عند الانعطاف يمين او يسار

    السلام عليكم ، ، ،


    أنا عندي كامري 2002 كنت و أنا ماشي بالسيارة في الشارع و الف لشارع آخر يمين أو شارع يسار أسمع طقطقة خفيفة من جهة الكفرات وما كان فيه فضاوة في الدركسون و لفيت صناعية الرياض كل فني يقول خليها و تعال بعدين الين تكسبوا اهل الليموزين مني حتى الوكالة بطريق خريص ثلاث أيام السيارة عندهم ما عرفوا و غيرت مساعدات و كراسي مكينة و اعمدة توازن و ربلات و جلد و خسرت يمكن فوق 3000 ريال نصب و إحتيال .

    يوم فشلت رحت فرع لميزان المجد في الصناعية القديمة ناسي أي واحد و كان الفني فلبيني أنشهد إنه نمر بن فنسان الصناعية ولد رجال ، قلت له القصة من أولها إلى آخرها و إيش غيرت و إيش خسرت و حزن لحالي و قال لي : شوف صديق هناك فيه ورشة فيه كامري كثير يصلح هناك انت شوف و جرب .

    رحت لم الورشة لقيت ابو مزيد طاق العصبة و قلت له المشكلة قال : يا عمي روح عند بن منيف ذا و خذ لك حبيتين ( كعكة ) للمساعدات الامامية و تعال ؟؟
    ( ترددت و قلت ذا يبي يخسرني فوق اللي خسرت ) رجعت له مرة ثانية خايف من خسارة جديدة و نصاب كبير و اردد عليه السالفة قال ياخي اذا ما راح الصوت لا تدفع ريال و خذ قيمة القطع اللي أشتريتها مني .

    خذيت القطع بأقل من 200 ريال و رجعت له و ركب الثنتين خلال ربع ساعة كأنه متعود يومياً على ذا الشغلة ، رددت عليه و قلت : إنت متأكد يا خبير ترى وراي سفر 1200 كيلو ما أبغى أخاطر اذا المشكلة كبيرة في المقصات ولا العكوس ... وش كان رده !!!!

    قالي رح لباب الورشة المفتوح و اسحبه و شف وش رواه ؟
    سحبت الباب و شفت وراه كومة كبييييييييييرة من كعكات المساعدات مثل اللي شريتها انا و قال هذي مشكلة في أغلب الكامريات و أخذ مني 140 ريال شغل يد و المجموع 340 ريال ياااا بلاش . و إلى اليوم من 4 سنوات الحمدلله معاد فيه طقطقة .

    ( كعكة المساعد ) هي قطعة تأتي على رأس المساعد من الأعلى بين المساعد و البودي و لازم يفك الكفر و يفك الهوب من مكانه و يفك المساعد و يطلعهم جميع و يطلع الكعكة القديمة و يركب الجديدة و يرجع كل شي مكانه .


    لا تسئلني عن ذا اليمني لأني كم مرة أجي الرياض أدور عليه و ما ألقاه يا إنه طلع من ذيك الورشة أو سافر و أنا الحين محتاجة في أمور ثانية أكثر منك لكن ارجوا اني افدتك في مشكلتك . اذا كان الكامريات كلها مثل بعض .
    التعديل الأخير تم بواسطة التركواز ; 09-05-2010 الساعة 06:21 AM

المواضيع المتشابهه

  1. صوت قرقره اذالفيت بكامري يمين او يسار مع المطبات
    بواسطة الع يون الساهرة في المنتدى قسم الاستفسارات
    مشاركات: 5
    آخر مشاركة: 06-08-2010, 06:07 PM
  2. مساعده : الدركسون اذا لفيته يسار ..
    بواسطة أورياني في المنتدى اوريون AURION
    مشاركات: 14
    آخر مشاركة: 09-19-2009, 08:15 AM
  3. القزاز القزاز يروح يمين يسار
    بواسطة ابو طواري في المنتدى كورولا COROLLA
    مشاركات: 4
    آخر مشاركة: 07-19-2009, 01:42 AM
  4. مشاركات: 8
    آخر مشاركة: 07-04-2009, 04:15 PM
  5. مكيف الهواء يمين بارد يسار حار
    بواسطة راعيها سعودي في المنتدى أفالون AVALON
    مشاركات: 21
    آخر مشاركة: 06-08-2009, 08:59 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن تويوتا العربية
منتديات تويوتا العربية هي لمالكي ومحبي سيارات تويوتا ولكزس ولا يمثل الموقع شركة تويوتا المالك الرئيسي لعلامة TOYOTA ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر