اهلين ومرحبتين بكل اعضاء المنتدى الغالي
كل سنه وانتم طيبين والشهر مبارك
والله افتقدتكم بس وش نسوي مشاغل الدنيا (( الي يسمعني يقول عندي 6 بزارين وثلاث حريم ))
هذي قصيده رائعه للشاعر عبدالعزيز بن عبدالله الجريفاني
عليك بالددسن من السوق للدار .............. وان صرت من ربع الخلا فاشتر الجيب
واحذر من النيسان يملاك بغبار ............. لو لا غباره كان مابه عذاريب
واللاندروفر قومته قومت حمار ............. لاشك ينفع عند كل المواجيب
والولز عبه للمدافع و الاخطار ............. مصمم لاجا الوعر والشخانيب
والجيب تايوتا ترى صار له كار ............ لاجاك مع خطو السهل كنه الذيب
والفرد له الفوز في كل الاقطار ............ لاشك يغني معازيب ويفقر معازيب
اما الشفر والدوج والجمس والبار .......... وسط ولاهن خاليات من العيب
والمرسدس اشكاله كبار وصغار ............ فازن على كل المواتر بترتيب
واشكر اخوي اسير الذكرى الي سال عني في غيبتي
لكن ان شاء الله بتشوف المواضيع الدسمه بإذن الله
وتقبلوا اطيب التحايا من محبكم امبراطور الهدد
المواضيع المتشابهه للموضوع: قصيده في السيارات (( احذر تفوتك )) 
قصيده في السيارات (( احذر تفوتك )) 
