ماهي افضل بطاريه وكم امبير تنصحونني..؟

[ملك الآزوري]

السلام عليكم
بدون مقدمات
انا بطارية السياره خربت وسيارتي ليميتد 2006 وشي افضل بطاريه
وهل استطيع ازود قوة الامبير او هناك ضرر على السياره والشد البلد كم امبير..؟
والله يعطيكم العافيه

[المــمـــيــز]

80 امبير

عادي ركب اي شي بس انتبة تركب البطاريات الجافة خذ وحدة تقدر تعبيها عشان ما تغرب عليك كل شوي

[ملك الآزوري]

مشكووور اخوي المميز
بس الشد البلد كم امبير وانا سمعت اذا ركبت امبير اعلى يخرب الكهرباء

[الحـ(درب)ـب]

شوف يالغالي


دائما وابدا
الرقم المناسب للمكائن 2gr-fe يعني مكائن الأوريون والأفالون واللكزس 350
هو:
80D-26L


ونصيحة لك
دور هذا الرقم حتى لو كان لاي نوع

[ملك الآزوري]

طيب هذي كم امبير الل تقول..؟
بعدين الرقم هذا موجود بالمحلات ولا لا, قصدي متوفر..؟
ومشكوور على المعلومه المهمه صراحه.

[أفالون جده]

اخوي
انا مركب ايسي دلكو 80 امبير
والحمدلله مافي اي مشاكل
واغلب الاعضآء مركبين 80 امبير وعادي مافي اي اشكاال

[الخبراوي]

يالغالي

ركب اي سي ديلكو ممتازهـ بالحيل

عندي بتكمل سنه و نص و مضبوطه

عكس اللي كانت عندي اول كل شوي اعبيها ماء مقطر ماكملت سنه حتى

بالنسبه للأمبير ما ادري والله ماودي احوسك

بس شف اخونا افالون جده يقول لك 80 امبير

توكل على الله و خذ 80 امبير و اي عطل بيصلحه افالون جدهـ خخخخ

[الحـ(درب)ـب]

المشاركة الأصلية كتبت بواسطة ملك الآزوري

طيب هذي كم امبير الل تقول..؟

بعدين الرقم هذا موجود بالمحلات ولا لا, قصدي متوفر..؟
ومشكوور على المعلومه المهمه صراحه.

هذي 80 امبير



وهي اللي تركبها الشركة وقت الإستبدال يالغالي

[ملك الآزوري]

يعطيكم العافيه شباب تم التركيب
مثل الرقم اللي قلت اخوي درب يابانيه ماركة fp او الظاهر fb
اللي هي باقادر اللي تجي يابانيه اصليه ب 340 ريال مع الرجيع
يعني سعره 360 ريال غاليه بس يقولي راعي المحل هي افضل شي.

[برادو للابد]

هلا اخوي ملك في البدايه احب اوضحلك بعض الاشياء من تجربه
اولا /بطارية الوكاله هي 55 امبير
ثانيا /افضل بطاريه للافالون ومن تجربة هي اى سى دلكو 55 امبير
ثالثا / سعرها 230 ريال ......وارخص من 80 امبير
رابعا / سوف تلاحض بعد تغيير البطاريه ضعف في كهرباء السياره سوا غيرت 55 أو 80 امبير ..ولاكن راح تضبط من حالها بعد 3 او 4 ايام ...راح تاشر عندك الانوار الموجوده في ازرار النوافذ وبعد فتره راح تضبط من حالها ..
خامسا / اتمنى اكون قددمت لك الشى المفيد

تقبل تحياتي ((( افالوني للابد )))

[الكنــــــــج]

المشاركة الأصلية كتبت بواسطة افالوني للابد

هلا اخوي ملك في البدايه احب اوضحلك بعض الاشياء من تجربه
اولا /بطارية الوكاله هي 55 امبير
ثانيا /افضل بطاريه للافالون ومن تجربة هي اى سى دلكو 55 امبير
ثالثا / سعرها 230 ريال ......وارخص من 80 امبير
رابعا / سوف تلاحض بعد تغيير البطاريه ضعف في كهرباء السياره سوا غيرت 55 أو 80 امبير ..ولاكن راح تضبط من حالها بعد 3 او 4 ايام ...راح تاشر عندك الانوار الموجوده في ازرار النوافذ وبعد فتره راح تضبط من حالها ..
خامسا / اتمنى اكون قددمت لك الشى المفيد

تقبل تحياتي ((( افالوني للابد )))

اخوي افالوني للابد اسمح لي اصحح لك المعلومة وهي انه مافي ضعف في بطارية السيارة الجديده كيف ضعف والبطاريه جديده ؟؟؟!!!!!!!!!!!!!!!


واذا قصدك انه الانوار تولع عندك فهي لانك غيرت البطارية من قديمه الى جديده ولذلك السيارة تحتاج برمجة وهي بانزال زجاج السيارة مرتين مع تعليق الزر ورا تتبرمج وانت تبرمجت لانك الظاهر استخدمت الزجاج كذا مره وتبرمجت من حالها

[الكنــــــــج]

يا اخوان انتم كله تتكلمون عن بطارية ac ديلكوا اللي هي صناعة امريكيه تجميع سعودي


لكن فيه بطارية ممتازة مثلها وصناعة المانية تجميع سعودي وسعرها ارخص من ac ديلكوا يعني الايسي سعرها 300 ريال الى 280 بافضل سعر لامبير 80 لكن بطارية nbc سعرها 200 ريال فرق سعر كبير ووكالتهم في الصناعية ويعملون لك تشييك على البطارية قبل تبدلها لو كنت منت متاكد من ان البطارية منتهي عمرها

[الحـ(درب)ـب]

انا البطارية اللي اغيرها دايم (( صرت مغيرها 3 مرات على افالوني 2006 )) ((ومرة على افالوني 2007))


هذي البطارية الأصليه




وهذي اللي اركبها

[الكنــــــــج]

بطارية تويوتا ممتازة يا درب مجربها تعيش لكن ماهي متوفرة الا بالوكالة واتوقع الموزعين بالطلب لكن اتوقع غاليه شوي مقارنة بالبطاريات الاخري

[EAGLE_1]

سألت الوكاله قلتلهم بغير البطارية لي ثلاث سنوات ما تغيرت وانا موديل 2008 ماخذها في نهاية عام 2007 بشهرين
رابع واحد يستلم الافالون 2008 بالمملكه
المهم قالي هنغيرها لك بي 150 ريال ..
تفآجأت بالسعر .. بس قالولي لان الضمان لسه باقي عليه 4 شهور ينتهي

فاللي بيغير بطاريه وهي على الضمان يوديها الوكاله ويغرونها له بي 150 احسن من اللي يكع فوق 250 ريال على بطاريه ..!!

[الكنــــــــج]

اخوي الصقر اشتري بطارية 80 امبير 200 ريال من وكالتها وهي بطارية المانية تجميع سعودي

[أبوزهرة]

دائماً نصيحه للشباب اللي بيغير البطاريه لايشتري من المحلات او البناشر ............ على طول يتوجه للوكيل مثل الجميح العيسى هؤلاء هم وكلاء بطاريات سدلكو .......... وسعرها ارخص من البنشري بواقع 90 ريال .

انا توني مغيرة بطاريه حسبوها لي ب200 ريال وقام شراء بطاريتي القديمه ب25 ريال يعني طلعت علي ب175 ريال فقط وضمان سنه .
طبعاً بالرياض موقعهم بعد كبري غبيرة مباشرة في اليمين وأنت متجه للصناعية القديمه بإتجاه الشمال كأنك رايح إشارة زجاج السالم .

[العشة]

يااخوان اليوم غيرت بطارية للافالون 80 امبير اي سي ديلكو

وبعد ماشغلت ومشيت طلع لي صوت انذار من السيارة وبعد نص دقيقه زاد الصوت

المهم وقفت وطفيت وشغلت مرة ثانية ويوم حطيته بالدي نفس الحكاية رجع الجرس

وش الحل ؟

[ملك الآزوري]

عادي هذا الصوت
هذا حق الحزام انت كنت ملغي صوت تنبيه الحزام
والحين بعد تغيير البطاريه رجعت البرمجه يعني لازم تبرمجها مره ثانيه وبس

[الظافري]

ياجماعة الخير بطارية الأفالون اللي تجي من الوكالة شد بلد سوداء 80 أمبير واراهن غلى ذلك . قبل اسبوعين انتهت بطارية سيارتي ورحت الوكالة قالوا بيركبوا بطارية 55 أمبير , قلت لة شيك في الجهاز وشيك وجدها 80 أمبير . بس قال احنا دائماً نركب 55 أمبير وما منها اي مشكلة تركته وقلت امر محلات البطاريات ممكن اكثر خبرة بالبطاريات بحكم الممارسة , اكثرهم قالوا 55 أمبير وبعضهم قالوا ما يدرون . وفي الأخير حصلت واحد قال لي 80 أمبير قلت له أنت اول واحد يقول 80 أمبير . قال انا اثبت لك وأحذ البطارية حقت الوكالة ووضعها بجانب بطارية 55أمبير طلعت تفرق بحوالي 2 سم في الطول ووضعها بجانب بطارية 80 أمبير والله نفس المقاس بالطول والعرض والإرتفاع لفأخذت بطارية 80 أمبير من عنده تقديرا لخبرته