[الفارس الاول]

السلام عليكم

ايام قليلة ان شاء الله واستلم سيارتي الافالون سؤالي عن مدى قوة المكيف وبرودته وهل اداءة
جيد مقارنة مثلا بالكروزر والكامري وايش موضوع هالريحة الي اشوفة في مواضيع الشباب
ياريت الاخوة ملاك الافالون يخبرونا عن هل شي

[بنت الخران]

مبرووك عليك السياره مقدما

بخصوص المكيف ممتاز جدا جدا جدا وبارد

والريحه الله يسلمك البعض يقولون انها جايه من المكيف وانا الي شفته انها جايه من البطاريه اصلا وبتشوف فتحات البطاريه مفتوحه ومنسكب بعض من الاسيد على المعدن وهذي هي الريحه بالظبط على حسب علمي

وبمجرد اتسكر الفتحه باحكام بتختفى الريحه للابد وممكن تطلع ريحه بسيطه جدا جدا عند الدعس الكامل على السرعات العاليه

ومع الوقت تختفي الريحه للابد

وانشاء الله الاعضاء والاخوان ما بيقصروون معاك انشاء الله فى الردود

مبرووك الف الف مبرووك على الافالون

[متعب الليل]

السلام عليكم

مبروك اولا السيارة والله يطعمك من خيرها ويكفيك شرها

ثانيا ماقصرت اختنا بنت الخران في الإجابة

وعندي إضافة بسيطة (( انا ولله الحمد لم أشكو من مشكلة الرائحة الكريهة اللي يتكلمون عنها
وسألت موظف في الوكالة وقال لي ان الدفعات الأخيره من 2007 تفادو هذه المشكله ))

ودمتم سالمين

[الفارس الاول]

بنت الخران ومتعب الليل شكرا لكم طمنتوني
سلام

[بورغد]

المكيف ماشاء الله

[فهد اليوسف]

المكيف لا يعلى عليه
بااااارد جدا كما عودتنا تويوتا
بانسبة للريحة طرحت هذة المشكلة
وهي ان السيارة في السرعات العالية
يطلع منها ريحة الله لا يوريك كنك جالس فـ ( ......... )
بس قبل لا تستلمها خبرهم عن المشكلة علشان
تستلمها على قول المصاريا (( صاااااااغ سليم )).

ودمت لنا

[هـ ي ط لؤلؤي]

ما شاء الله الجميع يمدح مكيف الأفالون
طيب ليش سيارتي مكيفها مش ولا بد
وتم فحص المكيف في الوكالة وقالوا سليم وش الحل ؟؟

[متعب الليل]

السلام عليكم

اخوي هـ ي ط لؤلؤي

متى اخر مره نظفت فلتر المكيف ..؟؟

[م.أنس]

غير فلتر المكيف وبتشوف الفرق ..

[ولـد الرس]

المشاركة الأصلية كتبت بواسطة م.أنس

غير فلتر المكيف وبتشوف الفرق ..

لا اخوي ليش تكلف على روحك روحلك اقرب بنشري عندكم وخله ينفخه وتبي تلاحظ الفرررق بنفسك
وطريقة اخراج الفلتر موضحة بالصور في الكتالوج تقبلو مروري

[هـ ي ط لؤلؤي]

والله كان الكلام هذا صحيح بحب راسكم
وأنا بصراحة من شريت السيارة ما فكيت فلتر المكيف
بس تتوقعون اكيد يكون منة وهل فكتة سهلة ولا صعبة ؟؟
معليش غثيث وعليمي !!!

[الحـ(درب)ـب]

ياجماعة

انصح كل اللي يقول المكيف ضعيف
يخليه على وضع اوتو
اقل شي 10 دقايق وبعدين حوله مب اوتو
والله السيارة يوم اركبها الاقي الجلد بااااااااااااااااااااااااااااااااااااااااااااااااا اااااارد

ماشاء الله

مكيف لايعلى عليه
واذا حسيت ان دفع الهواء صار اضعيف
غير الفلتر او انفخه عند البشنري
وخلصت السالفة

[ابوفيصل]

والله مكيف الافالون ماشاء الله ماعليه كلام ، يمكن في شدة الصيف اذا كنت موقف في الشمس تحتاج دقايق حتى يبرد .

والاخوان اللي يشتكون من ضعف التبريد انصحكم بوضع المكيف على ( اوتو )

مثل ما قال اخوي درب ، وبتشوفون قوة التبريد ان شاء الله ، صحيح ان قوة الهوا بتزعجك في الاول

لكن بعد فترة بتحس بفرق التبريد عن الاول ، لانه من الصعب المكيف يبرد بسرعة

والسيارة مولعة من الداخل بسبب وقوفها في الشمس وانت حاط المكيف على واحد او اثنين .

ولابد من التأكد من نظافة فلتر المكيف مثل ما اتفضلو الاخوان واستبداله كل 30 كلم على الاكثر

[وااوأفالون]

ماء شاء الله مكيف الإفالون لايعلى عليه

[شمعة بلا فتيل]

مشكورين اخواني... ومبرووووووووك لك اخوي والله يطعمك من خيرها ويكفيك شرها""آمييييين"

[فله ( افالون )]

والله انها وافيه هي ومكيفها (الافالون)

[@ابو رسيل@]

المكيف زين بس طبعا مو زي الكامري وفي عز الحر في الرياض انا اقول لازم تركب عازل من زيبارت عشان في الضهر تبرد السيارة بسرعة
انا مجربها